ကချင်စစ်ပွဲ တနှစ်ပြည့် ဆုတောင်းပွဲများ ကျင်းပမည်

ကချင်ပြည်နယ် လိုင်ဇာဒေသတွင် တွေ့ရသော ကချင် စစ်ပြေးဒုက္ခသည် ကလေးတဦး (ဓာတ်ပုံ - ဧရာဝတီ)

မြန်မာအစိုးရ တပ်များနှင့် ကချင်ပြည် လွတ်လပ်ရေး အဖွဲ့ (KIO)တို့ တိုက်ပွဲများ ပြန်လည်ဖြစ်ပွားမှု တနှစ်ပြည့်သည့် ဇွန်လ ၉ ရက် နေ့ တွင် ကချင်ပြည်နယ် ငြိမ်းချမ်းရေး အတွက် ရန်ကုန်မြို့နှင့် ကမ္ဘာ့နိုင်ငံ တချို့တွင် ဆုတောင်းပွဲများ ကျင်းပမည်ဖြစ်ကြောင်း ဧရာဝတီ က စုံစမ်း သိရှိရသည်။

ကချင်ပြည်နယ်အတွင်း စစ်ရေး ပဋိပက္ခများ ရပ်တန့်ရေး၊ စစ်မှန်သော ထာဝရငြိမ်းချမ်းရေးဖြစ်တည်ရေး၊ စစ်ဘေးဒုက္ခကြုံတွေ့ နေ ရသော ပြည်သူများ လွတ်မြောက်ရေးတို့ကို ရန်ကုန်မြို့ ဆူးလေဘုရားအနီးရှိ မြို့တော်ခန်းမနှင့် မဟာဗန္ဓုလ ပန်းခြံရှေ့ ကွင်းပြင် တွင် ငြိမ်းချမ်းရေးကွန်ရက်အဖွဲ့က ဦးဆောင်ကာ တိုင်းရင်းသားပေါင်းစုံနှင့် ဘာသာပေါင်းစုံတို့က ဆုတောင်းပွဲ ပြုလုပ်မည်ဖြစ်ကြောင်း သိရသည်။

“ကျနော်တို့ Peace Network က ဦးဆောင်ပြီးတော့ ရန်ကုန်မှာရှိတဲ့ တိုင်းရင်းသားလူငယ်တွေ၊ လူမှုရေးနိုင်ငံရေးနဲ့ လှုပ်ရှား နေတဲ့ အဖွဲ့တွေ၊ ဘာသာပေါင်းစုံက လူငယ်တွေစုပြီးတော့မှ ကချင် ပဋိပက္ခအရေးနဲ့ မြန်မာပြည်ထာဝရငြိမ်းချမ်းရေး ရရှိဖို့ ကိုယ် ကိုးကွယ် ရာ ဘာသာအတိုင်း ဆုတောင်းကြမှာပါ”ဟု ငြိမ်းချမ်းရေးကွန်ရက်အဖွဲ့ ဦးဆောင်သူ တဦးဖြစ်သူ ကိုမိုးသွေး က ပြောသည်။

ထို့အဖွဲ့က ဦးဆောင်ကာ တက်ရောက်လာသူများနှင့်အတူ စနေနေ့ ညနေ ၄ နာရီ ဆူးလေးဘုရားအနီး မြို့တော်ခန်းမ ရှေ့တွင် အင်္ကျီ ဖြူများနှင့် ကချင်ပုဆိုးများ ဝတ်ဆင်ကာ ဆုတောင်းကြမည်ဟု ဆိုသည်။ သက်ဆိုင်ရာ အာဏာပိုင်များက တားမြစ်ဟန့်တားခြင်းပြုမပြုကိုမူ မသိရှိရသေးဟု သူက ဆက်ပြောသည်။

အလားတူ တိုက်ပွဲပဋိပက္ခများကြောင့် KIO ကပြုလုပ်ပေးထားသော တရုတ်-မြန်မာ နယ်စပ် ဒုက္ခသည်စခန်းအသီးသီးတွင်လည်း စစ်ပွဲများ အမြန်ဆုံးချုပ်ငြိမ်းစေရန်၊ မြန်မာအစိုးရနှင့် KIO တို့ စစ်မှန်သည့် ငြိမ်းချမ်းရေးဆွေးနွေးမှုဖြစ်မြောက်စေရန်နှင့် ဒုက္ခ သည် များ အမြန်ဆုံး နေရပ်ပြန်နိုင်ရေးတို့ကို ဆုတောင်းပွဲများ ပြုလုပ်မည်ဟု ကချင် ဒုက္ခသည် စခန်းများ ကော်မတီ ဥက္ကဌ ဦးဒွဲပီဆား က ပြောပြသည်။

“ငြိမ်းချမ်းရေးမြန်မြန်ရပါစေ၊ ကိုယ့်ဒေသ၊ ကိုယ့်ရပ်ရွာမှာ ကောင်းကောင်းမွန်မွန် အေးအေးချမ်းချမ်းလုံလုံခြုံခြုံနဲ့ နေရဖို့အတွက် ဘုရားသခင် မစ ပေးဖို့ ဆုတောင်းကြမှာပေါ့။ ဒုက္ခသည်တွေကလည်း အိမ်ပြန်ချင်နေကြပြီလေ”ဟု ဦးဒွဲပီဆား က ဧရာဝတီသို့ ပြော သည်။

KIO ဗဟိုဌာနချုပ် အနီး လိုင်ဇာမြို့ပေါ်တွင်လည်း ကချင်လူငယ်အဖွဲ့များ၊ ခရစ်ယာန်အသင်းတော်အဖွဲ့များ၊ ဒုက္ခသည်အကူအညီ ပေးရေးအဖွဲ့များနှင့် ဒေသခံများက ခရစ်ယာန်ဘုရားကျောင်းများတွင်ဆုတောင်းပွဲများပြုလုပ်ရန် ပြင်ဆင်နေကြသည်။

ထို့အတူ ထိုင်း၊ အမေရိကန်၊ အင်္ဂလန်၊ နော်ဝေး၊ ကနေဒါ၊ သြစတြေးလျ၊ ဒိန်းမတ်နှင့် ဂျပန် နိုင်ငံတို့တွင် ရောက်ရှိနေသော ကချင် တိုင်းရင်း သားများက ဦးဆောင်၍ သက်ဆိုင်ရာနိုင်ငံများရှိ ခရစ်ယာန်ဘုရားကျောင်းများတွင် ပြုလုပ်မည်ဖြစ်ကြောင်း စုံစမ်း သိရှိရသည်။

မြန်မာ့ အိမ်နီးချင်းထိုင်းနိုင်ငံတွင် ရောက်ရှိနေသော ကချင် ဘာသာရေးအဖွဲ့များအပါအဝင် ကချင်အဖွဲ့အစည်း အသီးသီးကလည်း အလားတူ ဆုတောင်း သွားကြမည်ဟု သိရသည်။

“တိုင်းပြည်ကြီး အေးအေးချမ်းချမ်းနေနိုင်ဖို့ ကချင်ပြည် အနာဂတ်ငြိမ်းချမ်းရေးရရှိဖို့၊ နှစ်ဘက်ခေါင်းဆောင်တွေ အဆင်ပြေဖို့ ဖိနှိပ် ခံရမှုတွေကလွတ်မြောက်ဖို့နဲ့ ဒုက္ခသည်စခန်းမှာ အခုက မိုးတွင်းလည်းရောက်ပြီးဆိုတော့ ဒုက္ခတွေ လျော့ပါးသွားဖို့ အကူအညီတွေရရှိဖို့နဲ့ ကလေးတွေ အနာဂတ်လှပဖို့ ဘုရားသခင်ဆီမှာ ဆုတောင်းပေးကြမှာပေါ့”ဟု ထိုင်းနိုင်ငံ အခြေစိုက် ကချင်အမျိုးသမီးအဖွဲ့ တည်ထောင်သူ ဒေါ်ရှယ်လီဆိုင်း က ပြောသည်။

၁၉၉၄ ခုနှစ်တွင် KIO နှင့် အစိုးရတို့ အပစ်အခတ်ရပ်စဲရေး လက်မှတ်ထိုးထားခဲ့သော်လည်း ၂၀၁၁ ဇွန်လ ၉ ရက်နေ့က စ၍ တနှစ်ပြည့်ချိန်အထိ ကချင်ပြည်နယ်အတွင်း နှစ်ဘက်တပ်များ အကြား ပြင်းထန်သောတိုက်ပွဲများ ဖြစ်ပွားနေပြီး အပစ်ခတ် ရပ်စဲရေး လုပ် ဆောင်ရန်အတွက် ညှိနှိုင်းမှုများသည်လည်း ရေရာသည့် သဘောတူညီချက် တစုံတရာ မရရှိသေးဘဲ ရှိနေသည်။

နောက်ဆုံးသတင်းအရ ကချင် ဒေသ ငြိမ်းချမ်းရေး အတွက် အစိုးရ ပြည်ထောင်စု ငြိမ်းချမ်းရေး ဖော်ဆောင်ရေး လုပ်ငန်းကော်မတီ မှ ရထား ၀န်ကြီး ဦးအောင်မင်းနှင့် ယခုလဆန်းပိုင်းက တွေ့ဆုံခဲ့ပြီး စစ်ရေးကိုအဓိကထား၍ ဆွေးနွေးခဲ့ကြောင်း KIA ဒု စစ်ဦးစီးချုပ် ဗိုလ်မှူးချုပ် ဂွမ်မော်က ပြောဆိုထားသည်။

အစိုးရနှင့် KIO တို့ ၂၀၁၁ ခုနှစ် နိုဝင်ဘာလမှ စတင်၍ ၂၀၁၂ ခုနှစ် မတ်လအကြား ၃ ကြိမ်ခန့် တွေ့ဆုံခဲ့ကြသည်။
ယခုအခါ KIO ကဖွင့်လှစ်ပေးထားသော ဒုက္ခသည်စခန်းများရှိ ဒုက္ခသည်များနှင့် တရုတ်နယ်စပ်ရှိဒုက္ခသည်စခန်းများတွင် နေထိုင် သော ဒုက္ခသည်များမှာ ၅၃၀၀၀ ကျော်ရှိကြောင်း သိရသည်။

ထိုဒုက္ခသည်များသည် ယခုအခါ မိုးတွင်းကာလရောက်လာသည်နှင့်အမျှ စားနပ်ရိက္ခာ၊ အမိုးအကာ၊ ကျန်းမာရေးနှင့် ကလေးများ ပညာရေး အခက်အခဲများနှင့် ကြုံတွေ့နေရကြောင်း ဦးဒွဲပီဆားက ပြောသည်။ ကုလသမဂ္ဂ အစားအစာအကူအညီပေးရေး အဖွဲ့ များ ရောက်ရှိလာသော်လည်း စခန်းများရှိ ဒုက္ခသည် ဦးရေ၏ ၄၀ ရာခိုင်နှုန်းသာရရှိသည်ဟု ဆိုသည်။

ယင်းသို့ တိုက်ပွဲများဆက်နေမှုကြောင့် ယခုနှစ်ဧပြီလမှ စတင်ကာ စစ်ပြေးဒုက္ခသည် ၅၀၀၀ ကျော် ထပ်မံတိုးလာကြောင်း၊ ထို့အပြင် KIO ကဖွင့်လှစ်ထားသော ဒုက္ခသည်စခန်းများကို ရောက်ရှိမလာဘဲ၊ တောတောင်များတွင် ထွက်ပြေးပုန်းရှောင် နေသည့် ဒုက္ခသည် ၃၀၀၀ ကျော်ရှိနေပြီး ထိုဒုက္ခသည်များမှာ KIO အပါအဝင် မည်သည့် အဖွဲ့အစည်း၏ အကူအညီကိုမှ မရရှိကြောင်း ဦးဒွဲပီဆား က ပြောသည်။

တိုက်ပွဲပဋိပက္ခများကြောင့် အိုးအိမ်၊ တောင်ယာများကိုစွန့်ခွာထွက်ပြေးခဲ့ကြရသော စစ်ပြေးဒုက္ခသည်များ တရုတ်-မြန်မာ နယ်စပ် ဒုက္ခသည်စခန်းများတွင် ခိုလှုံနေရသည်မှာ တနှစ်ပြည့်ပြီဖြစ်သော်လည်း အိမ်ပြန်ရရန် မရေရာသေးသော အနေအထားမှာပင်ရှိနေ သေးသည်။

http://burma.irrawaddy.org/archives/11645 မှကူးယူဖော်ပြသည်။