ဖက်ဒရယ် နှင့် သေနတ်

Thursday, October 3, 2013

ယနေ့ မြန်မာနိုင်ငံမှာ တိုင်းဒေသကြီးနဲ့ ပြည်နယ်တွေက တိုင်းဒေသကြီး ၇ ခု၊ ပြည်နယ် ၇ ခုရှိပြီး ကိုယ်ပိုင် အုပ်ချုပ်ခွင့်ရတိုင်းတစ်ခု၊ ကိုယ်ပိုင်အုပ်ချုပ်ခွင့်ဒေသ ငါးခု၊ ပြည်ထောင်စု နယ်မြေတစ်ခု (နေပြည်တော်) တို့ ပါဝင် ပါတယ်။ ပြည်ထောင်စုနယ်မြေ သတ်မှတ်တာတော့ ပြည်နယ်၊ တိုင်းတွေမှာ သီးခြားလွှတ်တော်၊ သီး ခြားအစိုးရတွေ ရှိနေတာမို့ ပြည်ထောင်စု အစိုးရ ရုံးစိုက်ရာနေရာ သီးခြားရှိဖို့ လိုအပ်ပါတယ်။ အမေရိကန် မှာ ၀ါရှင်တန်၊ သြစတေးလျ မှာကင်ဘာရာ စသည်ဖြင့် ပြည်ထောင်စုအစိုးရ ရုံးစိုက်ရာနေရာတွေကို သီးခြားထားသလိုပါဘဲ။ ဒါဟာ ဖက်ဒရယ်ရဲ့ သဘောတရားပါပဲ။

ဖက်ဒရယ်ရဲ့ အနှစ်သာရဆိုတာ -

၁။ ပြည်ထောင်စုအစိုးရနဲ့ ပြည်နယ်များအကြား ဥပဒေပြုရေး၊ အုပ်ချုပ်ရေး၊ တရားစီရင်ရေး အာဏာခွဲဝေမှုများကို အခြေခံဥပဒေမှာ ပြဋ္ဌာန်းထားရမယ်။

၂။ အဲဒီလို အခြေခံဥပဒေ က ပေးထားတဲ့ အခွင့်အာဏာများကို ပြည်ထောင်စု အစိုးရသဘော တစ် ခုတည်းနဲ့ ပြင်ဆင်လို့မရဘူး၊ ပြည်နယ် လွှတ်တော်များသို့မဟုတ် ပြည်သူ့ဆန္ဒခံယူပွဲလုပ်ပြီး ပြည်သူတွေ သဘောတူညီမှုယူရမယ်ဆိုတာပါ။

ဗြိတိန်နိုင်ငံမှာဝေလပြည်နယ်၊ စကော့တလန်ပြည်နယ်တို့မှာ ကိုယ်ပိုင် အုပ်ချုပ်ခွင့် အရေးတွေ အ များကြီးရှိ ပါတယ်။ ဒါပေမယ့် ဒီအခွင့်အရေးတွေကို ဗြိတိသျှ ပါလီမန်ရဲ့ ဥပဒေနဲ့ ပေးထားတာဖြစ်လို့ အ ချိ န်မရွေးပြန်ရုပ်သိမ်း လို့၊ ပြင်ဆင်လို့ရပါတယ်။ ဝေလလွှတ်တော်နဲ့ စကော့တလန်လွှတ်တော်ကဘာမှ ပြော ပိုင်ခွင့်မရှိပါဘူး။

၂၀၀၈ ဖွဲ့စည်းပုံအခြေခံဥပဒေထဲမှာ ဖက်ဒရယ်လို့ မပါပေမယ့် ပြည်နယ်လွှတ်တော်၊ ပြည်နယ်အစိုး ရ၊ ကိုယ်ပိုင်အုပ်ချုပ်ခွင့်ရဒေသ စတဲ့ တည်ဆောက်ပုံကတော့ ဖက်ဒရယ်ဆန်ပါတယ်။ အခြေခံ ဥပဒေအတို င်း လူတွေက တိတိကျကျ မလုပ်နိုင်ခြင်းများကြောင့်သာ ဖက်ဒရယ်အသက်မဝင်သေးတာ ဖြစ်ပါတယ်။ ဖွဲ့စ ည်းပုံအတိုင်း အတိ အကျလုပ်ဖို့အတွက် အဓိကပြဿနာက လက်နက်ကိုင်တပ်ဖွဲ့တွေပဲဖြစ်ပါတယ်။ လက်န က်ကိုင်တပ်ဖွဲ့တွေကြောင့် ဖွဲ့စည်းပုံအခြေခံဥပဒေအတိုင်း တိတိကျကျ အကောင်ထည်ဖော်ဖို့ ခက်သလို၊ လ က်နက်ကိုင်တပ်ဖွဲ့တွေကလည်း လက်နက်မစွန့်ချင်တာကြောင့် ဖွဲ့စည်းပုံပြင်ဖို့နဲ့ ဖက်ဒရယ်နိုင်ငံထူထောင်ဖို့ လိုလားကြပါတယ်။ ဖွဲ့စည်းပုံပြင်ဖို့ တစိုက်မတ်မတ် ကြိုးစားနေတဲ့ ဒေါ်အောင်ဆန်းစုကြည်တောင် ဖက်ဒရ ယ်ဆိုရင် ဘယ်လိုဖက်ဒရယ်လဲ၊ ပြည်နယ်က ၇ ခုလား၊ ၈ ခုလား၊ ၁၄ ခုလား ဆိုပြီး မေးခွန်းထုတ်ထားတာ ရှိပါတယ်။

တိုင်းရင်းသားလက်နက်ကိုင်တွေအနေနဲ့ မိမိပြည်နယ်ကို မိမိတို့ကောင်းမွန်စွာစီမံခန့်ခွဲနိုင်ကြောင်း ယုံကြည် ရင်၊ ပြည်နယ်လူထုတစ်ရပ်လုံးက မိမိတို့ကိုထောက်ခံအားကိုးကြောင်းယုံကြည်ရင်၊ ကိုယ်တိုင်က အရ ည် အ ချင်းရှိရင် ပြည်နယ်လွှတ်တော်ထဲ ဝင်ဖို့ပဲလိုပါတယ်။ လက်နက်ကိုင်ချင်ရင်တော့ တပ်မတော် ထဲ ဝင်ရမှာပါ။ စစ်တပ်ထဲက စည်းကမ်းနဲ့ လေ့ကျင့်မှုဒဏ်မခံနိုင်၊ ပြည်နယ်လူထုကလည်း ထောက်ခံမှုမရှိပဲေ သနတ်ကိုင်ပြီး ပြည်နယ်အတွက်လို့ အော်နေတာကတော့ ဖက်ဒရယ်နဲ့ လုံးဝဆန့်ကျင်ဘက်ဖြစ်ပါတယ်။ တို င်းရင်းသားလက်နက်ကိုင်တွေ အဓိက နားလည်ဖို့က ဖက်ဒရယ်နဲ့ သေနတ်က ပြဒါးတစ်လမ်း သံတစ်လမ်း ပါ။ ဖက်ဒရယ်အမှန်တကယ်လိုချင်ရင်တော့ သေနတ် ကို စွန့်ပါ။ သေနတ်ကိုင်ထားတဲ့ဘဝကို အရသာတွေ့ နေသမျှ ကာလတစ်လျှောက်လုံးကတော့ ဖက်ဒရယ်နဲ့ အလှမ်း ဝေးနေအုံးမှာပါ။ ကမ္ဘာပေါ်က နော်ဝေ၊ ဆွီဒ င် တို့လို ထိပ်တန်းလူ့အခွင့် အရေးတွေ၊ ဒီမိုကရေစီတွေကိုလည်း အပြည့်လိုချင်၊ အမေရိကန်၊ ဂျာမဏီတို့ လို ဖက်ဒရယ်လည်း လိုချင်၊ လက်နက်ကိုင်တပ်ဖွဲ့ ဘဝကလည်း မစွန့်လွှတ်နိုင် ဆိုရင်တော့ ဒီလူတွေရဲ့ လို ချင်တောင်းဆိုသမျှကို အစိုးရ နဲ့ စစ်တပ်က ဘယ်လိုဖြည့်ဆည်းပေးရမလဲ၊ ဖြည့်ဆည်းပေးလိုက်ရင် နိုင်ငံေ တ်ာနဲ့ ပြည်သူတွေဘဝ ဘယ်လိုဖြစ်သွားမလဲဆိုတာ တွေးတော်မူကြပါကုန်…။ 

ကျော်မျိုးထက် (မုဒုံ)