တနိုင်ငံလုံး အပစ်ရပ်ရေး သမ္မတ နှင့် ကာချုပ် ပါဝင် လက်မှတ်ထိုးရမည်

Tuesday, October 15, 2013

တနိုင်ငံလုံး အပစ်အခတ်ရပ်စဲရေး ဆောင်ရွက်မည်ဆိုပါက နိုင်ငံတော် သမ္မတ၊ တပ်မတော် ကာကွယ်ရေး ဦးစီးချုပ် စသည့် ခေါင်းဆောင်များကိုယ်တိုင် ပါဝင်လက်မှတ်ထိုးပေးရန် တိုင်းရင်းသား လက်နက်ကိုင် အဖွဲ့များက တောင်းဆိုလိုက်ကြောင်း သိရသည်။

ထို့အတူ ပြည်သူ့လွှတ်တော်၊ အမျိုးသား လွှတ်တော်တို့၏ ဥက္ကဋ္ဌ များနှင့် တရားသူကြီးချုပ် ကိုယ်တိုင် လည်းပါဝင်၍ လက်မှတ်ထိုးရမည်ဖြစ်ကာ ထိုပုဂ္ဂိုလ် ၅ ဦး အနက် တဦးဦးက လက်မှတ်မထိုးလျှင် အပစ် အခတ်ရပ်စဲရေး လက်မှတ်ထိုးပွဲ အောင်မြင်မှုမရှိဟု ညီညွတ်သော တိုင်းရင်းသားလူမျိုးများဖက်ဒရယ် ကောင်စီ(UNFC) က ပြောသည်။

လက်မှတ်ရေးထိုးပွဲ မလုပ်ဆောင်မီ တနိုင်ငံလုံး အတိုင်းအတာဖြင့် အပစ်အခတ်ရပ်စဲကြောင်း အစိုးရက ကြေညာပေးရန်လည်း UNFC က တောင်းဆိုထားသည်။ UNFC နှင့်အဖွဲ့ဝင် မဟုတ်သည့်တိုင်းရင်းသား လက်နက်ကိုင်အဖွဲ့များ၏ အရေးပေါ်ဆွေးနွေးပွဲတခုကို ထိုင်းနိုင်ငံချင်းမိုင်မြို့၌ အောက်တိုဘာလ ပထမ ပတ်အတွင်း ပြုလုပ်ခဲ့ပြီး အထက်ပါ အချက်များကို သဘောတူညီမှု ရရှိခဲ့ကြောင်း ထုတ်ပြန်ထားသည်။

“လက်မှတ်မထိုးခင် တနိုင်ငံလုံး အပစ်အခတ်ရပ်လိုက်ပြီ ဆိုတာကို အစိုးရက ကြေညာပေးရမယ်၊ ပြီးရင် ခေါင်းဆောင်တွေ ကိုယ်တိုင်လက်မှတ်ထိုးရမယ်၊ အသိသက်သေအဖြစ် နိုင်ငံတကာနဲ့ ပြည်တွင်းက ခေါင်း ဆောင်တွေ ရှေ့မှောက်မှာ လက်မှတ်ထိုးဖို့ လိုအပ်ပါတယ်၊ ဒီလိုလုပ်ပေးဖို့ တောင်းဆိုရတာက အစိုးရ အပေါ်မှာ ယုံကြည်မှုအပြည့်အ၀ မရှိသေးလို့ ဖြစ်ပါတယ်”ဟု UNFC ၏ ဒု ဥက္ကဋ္ဌ ပဒိုဒေးဗစ် သာကပေါ က ဧရာဝတီ ကို ပြောသည်။

တနိုင်ငံလုံး အပစ်အခတ်ရပ်စဲရေး လက်မှတ်ရေးထိုးပွဲကို လာမည့် နိုဝင်ဘာလအတွင်း ပြုလုပ်နိုင်ရန် အစိုးရဘက်ကဆောင်ရွက်နေသည်။ အပစ်အခတ်ရပ်စဲရေး လက်မှတ်မထိုးရသေးသည့် ကချင် လွတ်လပ် ရေးအဖွဲ့(KIO)နှင့် ပလောင်(တအာင်း)အမျိုးသားလွတ်မြောက်ရေးတပ်ဖွဲ့ (TNLA)တို့နှင့် အစိုးရ ငြိမ်းချမ်း ရေးကိုယ်စားလှယ်အဖွဲ့များအကြားလည်း အပစ်ရပ်လက်မှတ်ထိုးနိုင်ရန် ဆွေးနွေးနေကြကြောင်း သိရ သည်။

တနိုင်ငံလုံးအပစ်အခတ်ရပ်စဲရေးစာချုပ်တွင် အစိုးရဘက်က ပါဝင်မည့် အချက်များကို ရေးဆွဲထားပြီး ဖြစ်ကာ တိုင်းရင်းသားအဖွဲ့များ နှင့် ညှိနှိုင်းဆွေးနွေးပြီးပါက တရားဝင် ထုတ်ပြန်ပေးသွားမည်ဟု အစိုးရ၏ ငြိမ်းချမ်းရေး ဖော်ဆောင်ရေးအဖွဲ့ ခေါင်းဆောင် သမ္မတရုံး ၀န်ကြီး ဦးအောင်မင်း က ပြောသည်။

ထို့အတူ ကုလသမဂ္ဂအဖွဲ့မှ ကိုယ်စားလှယ်များ၊ အမေရိကန် သမ္မတဟောင်းများ၊ ဗြိတိန် ၀န်ကြီးချုပ် ဟောင်းများနှင့်ဥပရောပ စသည့် နိုင်ငံတကာမှခေါင်းဆောင်များ၊ ပြည်တွင်းမှတိုင်းရင်းသား ခေါင်းဆောင် များ၊ ဒေါ်အောင်ဆန်းစုကြည် စသည့်ခေါင်းဆောင်များကိုလည်း အသိသက်သေအဖြစ် ဖိတ်ကြားသွား မည်ဟု ဦးအောင်မင်း ကလည်း မီဒီယာများကို ပြောဆိုထားသည်။

နိုင်ငံတော်၏ တာဝန်ရှိသူများကိုယ်တိုင် ပါဝင်လက်မှတ်ရေးထိုးခြင်းနှင့် အများပြည်သူ ကြည်ညို လေးစား သည့် ပုဂ္ဂိုလ်များကိုအသိ သက်သေထားခြင်းသည် နှစ်ဦးနှစ်ဘက်အကြား ယုံကြည်မှု ပိုမိုခိုင်မာလာ စေရန် ရည်ရွယ်ကြောင်း လက်နက်ကိုင်အဖွဲ့များ ကလည်း ပြောဆိုကြသည်။

တနိုင်ငံလုံး အပစ်အခတ်ရပ်စဲရေးစာချုပ်တွင် တိုင်းရင်းသား လက်နက်ကိုင်အဖွဲ့များဘက်မှ ပါဝင်မည့် အချက်များကို ထုတ်ပြန်နိုင်ရန် လက်နက်ကိုင်အဖွဲ့များ အားလုံးပါဝင်မည့် ထိပ်သီးအစည်းအဝေးကို လိုင်ဇာဒေသ၌ ယခုလကုန်တွင် ပြုလုပ်သွားရန်ရှိကြောင်း UNFC ခေါင်းဆောင် တဦးလည်း ဖြစ်သူ ဦးခွန်ဥက္ကာ က ပြောသည်။

ထိုဆွေးနွေးပွဲသို့ လက်နက်ကိုင်အဖွဲ့များ၏ ဆုံးဖြတ်ပိုင်ခွင့်ရှိသည့် ထိပ်တန်းခေါင်းဆောင်များသာ တက် ရောက်ကြမည် ဖြစ်ကြောင်း၊ တနိုင်ငံလုံး အပစ်အခတ်ရပ်စဲရေးတွင် ပါဝင်မည့် အချက်များနှင့် ရှေ့ဆက် လုပ်ဆောင်မည့် နိုင်ငံရေးဆွေးနွေးပွဲများ၌ ပါဝင်ဆွေးနွေးသွားမည့် အကြောင်းအရာများကိုလည်း ဆွေးနွေးကြမည်ဟု ၎င်းက ဆက်ပြောသည်။

“လိုင်ဇာဆွေးနွေးပွဲကနေ တနိုင်ငံလုံး အပစ်အခတ်ရပ်စဲရေး လက်မှတ်ထိုးမယ့် မူတခုကို ချမှတ်နိုင် အောင်၊ အဲဒီမူကို တိုင်းရင်းသားလုံးက သဘောတူညီပြီး အသံတသံတည်း ဖြစ်ပြီဆိုရင် အဲဒါကို အစိုးရကို ပေးပို့မယ်၊ အဲဒီအပေါ်မှာ အားလုံးတစုတစည်းတည်းနဲ့ ရပ်တည်သွားမယ်”ဟု ဦးခွန်ဥက္ကာ က ဆိုသည်။

KIO ဌာနချုပ်တည်ရှိရာ လိုင်ဇာဒေသ၌ ပြုလုပ်မည့် လက်နက်ကိုင်တိုင်းရင်းသားခေါင်းဆောင်များ ထိပ်သီးဆွေးနွေးပွဲပြုလုပ်နိုင်ရန် အစိုးရဘက်ကလည်း ပြီးခဲ့သည့်ရက်ပိုင်းအတွင်း KIO/KIA တို့နှင့်ဆွေး နွေးစဉ် သဘောတူညီခဲ့သည်။

UNFC ကို ကချင်လွတ်လပ်ရေး အဖွဲ့ (KIO)၊ ကရင် အမျိုးသား အစည်းအရုံး(KNU)၊ ကရင်နီ အမျိုးသား တိုးတက်ရေး ပါတီ (KNPP)၊ မွန်ပြည်သစ်ပါတီ (NMSP)၊ ရှမ်းပြည် တိုးတက်ရေးပါတီ (SSPP)၊ ပအို့ဝ်အမျိုးသား လွတ်မြောက်ရေး အဖွဲ့ (PNLO)၊ ပလောင်ပြည် လွတ်မြောက်ရေးတပ်ဦး (PSLF)၊ ရခိုင် အမျိုးသားကောင်စီ (ANC) စသည့်အဖွဲ့ ၁၁ ခု ဖြင့် ၂၀၁၁ ခုနှစ်တွင် ဖွဲ့စည်းခဲ့သည်။ ကိုးကန့် ဒီမိုကရက်တစ် အဖွဲ့သည် လည်း ယခုအခါ UNFC ၏ အဖွဲ့ဝင်ဖြစ်နေပြီ ဟုသိရသည်။

လိုင်ဇာဆွေးနွေးပွဲသို့ အဖွဲ့ဝင် မဟုတ်သော ရှမ်းတပ်ဖွဲ့များ၊ ၀ ပြည်သွေးစည်းညီညွတ်ရေး ပါတီ၊ ရခိုင်ပြည် လွတ်မြောက်ရေးပါတီ (ALP)၊ ဒီမိုကရေစီ အကျိုးပြု ကရင့်အမျိုးသား တပ်မတော်(DKBA) အဖွဲ့တို့လည်း တက်ရောက်ကြမည်ဟု UNFC ခေါင်းဆောင်များက ပြောသည်။

ဧရာဝတီ