မက်ဒေါနား၏ Celebration အယ်လ်ဘမ်သစ် ထွက်ရှိတော့မည်

မက်ဒေါနားအနေနှင့် သူမဘ၀တွင် နောက်ဆုံးအယ်လ်ဘမ် ဖြစ်လာနိုင်ဖွယ်ရှိနေသည့် Celebrationကို မကြာမီ ထုတ်ဝေတော့မည်ဖြစ်သည်။ အသက်(၅၁)နှစ်ရှိ Popအဆိုတော်သည် စက်တင်ဘာ (၂၉)ရက်နေ့တွင် ပရိသတ်များလက်ထဲ ပေးပို့နိုင်တော့မည့် အယ်လ်ဘမ်သစ်သည် သူမ၏ ဆယ်စုနှစ် (၂)ခုကျော်ကြာ ဂီတသက်တမ်းအတွင်း တတိယမြောက် အခမ်းနားဆုံး အယ်လ်ဘမ်တစ်ခု ဖြစ်လာရန် ယုံကြည်မျှော်လင့်လျက်ရှိသည်။

Warner Brothersကုမ္ပဏီနှင့် ပူးပေါင်းဆောင်ရွက်ခဲ့သော အယ်လ်ဘမ်သစ်နှင့် ပတ်သက်ပြီး မက်ဒေါနားက “Discတစ်ချပ်ထဲ၊ ဒါမှမဟုတ်လည်း Disc နှစ်ချပ်ခွဲထားတဲ့ ပုံစံမျိုးနဲ့ ဖြန့်သွားမှာပါ။ ကျွန်မရဲ့ ဂီတသက်တမ်းမှာ နောက်ဆုံးထွက်တဲ့ အယ်လ်ဘမ်လည်း ဖြစ်လာနိုင်ပါတယ်”ဟု ပြောကြားသွားသည်။

မက်ဒေါနားသည် Celebrationကို ထုတ်ဝေပြီးနောက် သူမ၏ အနုပညာ လုပ်ငန်းများမှ အနားယူရန် စဉ်းစားနေမိကြောင်းလည်း ထုတ်ဖော်ပြောဆိုထားသေးသည်။ Celebrationသည် မက်ဒေါနား၏ သမိုင်းတလျှောက် ပရိသတ်အနှစ်သက်ဆုံး၊ အောင်မြင်မှု အရှိဆုံး သီချင်းများအား ပြန်လည်စုစည်း ဖော်ပြထားပြီး Open Your Heart၊ Express Yourself၊ Ray of Light၊ Frozen၊ Beautiful Starnagerနှင့် Hung Upစသည့် သီချင်းကောင်းများ ပြန်လည်ပါဝင်မည်ဖြစ်သည်။

ထို့အပြင် သူမ၏ အအောင်မြင်ဆုံး သီချင်းများဖြစ်သည့် Lucky Star၊ Material Girl၊ Like A Prayerနှင့် Secretစသော သီချင်းများ ပြန်လည်ပါဝင်လာသလို ဂျက်ဆတင် တင်းဘားလိတ်ခ်နှင့် အတူသီဆိုထားသည့် 4 Minutesကိုလည်း ထည့်သွင်းထားသည်။ Die Another Dayနှင့် Take A Bowတို့ကဲ့သို့ လူသိများ ထင်ရှားထားသော သီချင်းများကိုလည်း မက်ဒေါနားက ပြန်လည်ရွေးချယ်ထားသည်။ Celebrationသည် သူမ၏ အနုပညာ သက်တမ်းတလျှောက် အကောင်းဆုံး မှတ်တိုင်တစ်ခု ဖြစ်လာမည်ဟု ယုံကြည်မျှော်လင့်မိကြောင်းလည်း မက်ဒေါနားက ၀န်ခံပြောဆိုသွားသည်။