Asia-Pacific Networking Group (APNG) နှင့် Myanmar Egress တို့ပူးပေါင်းတည်ထောင်ထားသော Myanmar Internet & Networking Group (Myanmar ING) ၏ Second Camp စာတမ်းဖတ်ပွဲကို လာမည့်ဒီဇင်ဘာလ အတွင်း ကျင်းပပြုလုပ်သွားမည်ဖြစ်ရာ စာတမ်းရှင်များကိုဖိတ်ခေါ်ထားကြောင်းသိရသည်။
အဆိုပါစာတမ်းပြိုင်ပွဲကို ဒီဇင်ဘာလ ၁၉ ရက်နှင့် ၂၀ ရက်နေ့များတွင် မနက် ၉း၀၀ နာရီမှ ညနေ ၅း၃၀ နာရီအထိ UMFCCI ၌ကျင်းပမည်ဖြစ်ပြီး စာတမ်းတင်သွင်းရန်အတွက် နှစ်မျက်နှာခန့်ရေးသားထားသော စာတမ်းနှင့်အတူ Presentation ပြုလုပ်ရန်လိုအပ်သည်များကို ပြင်ဆင်ထားရမည်ဖြစ်ကြောင်းသိရသည်။
တင်သွင်းမည့်စာတမ်းများအနေဖြင့် Internet Technology WG, E-Culture WG, Student စသည့် Working Groups (WG) များအနက်မှ တစ်ခုခုနှင့်ပတ်သက်မှုရှိရမည်ဖြစ်ပြီး စာတမ်းတင်သွင်းသူမည်သူ့ကိုမဆို လက်ခံစဉ်းစားပေးသွားမည်ဖြစ်ကြောင်း သိရသည်။
စာတမ်းတင်သွင်းမည့်သူများအနေဖြင့် နိုဝင်ဘာလ ၂၀ ရက်နေ့ နောက်ဆုံးထားပေးပို့ရမည်ဖြစ်ပြီး နိုဝင်ဘာလ ၃၀ ရက်နေ့တွင် ရွေးချယ်ခံရသည့်စာတမ်းရှင်များစာရင်းကို ကြေညာပေးမည်ဖြစ်ကြောင်း သိရသည်။
စာတမ်းတင်သွင်းရန် Application Form, Paper Format နှင့် Sample Paper များကို http://www.myanmaring.asia တွင်ရယူနိုင်ပြီး စာတမ်းပေးပို့ရာတွင် Application Form ဖြည့်ပြီး နှစ်မျက်နှာရေးသားထားသော စာ တမ်းနှင့်အတူ Presentation လုပ်ရန်လိုအပ်သည့် Powerpoint တို့ကိုပါ contact@myanmaring.asia သို့ သတ်မှတ်ထားသည့်နေ့အမီ ပေးပို့ရမည်ဖြစ်ကြောင်းသိရသည်။
စာတမ်းပြိုင်ပွဲနှင့်ပတ်သက်၍ အသေးစိတ်အချက်အလက်များကို http://www.myanmaring.asia တွင်ကြည့်ရှုနိုင်ပြီး အသေးစိတ်သိရှိလိုပါက contact@myanmar-ing.asia သို့ တိုက်ရိုက်ဆက်သွယ်မေးမြန်းနိုင်ကြောင်း သိရသည်။
MyanmarING ၏ရည်ရွယ်ချက်မှာ မြန်မာနိုင်ငံမှမျိုးဆက်သစ်လူငယ်များအား နိုင်ငံတကာအင်တာနက်အသိုက်အ၀န်းများနှင့် ရင်းနှီးကျွမ်းဝင်မှုရှိစေရေး လမ်းဖွင့်ပေးရန်နှင့် သုတေသီများ၊ စနစ်တကျကိုင်တွယ်ထိန်းသိမ်းသူများ၊ လုပ်ငန်းခွင်တွင်လုပ်ကိုင်ဆောင်ရွက်နေသူများနှင့် ကျောင်းသားများအကြားအတွေ့အကြုံနှင့် ဗဟုသုတများဖလှယ်ရာနေရာတစ်ခု ဖန်တီးပေးရန်တို့ဖြစ်ပြီး MyanmarING အနေဖြင့် မြန်မာနိုင်ငံအတွင်း အင်တာနက်နည်းပညာကို အားပေးအထောက်အကူပြုရန်နှင့် တည်ရှိနေသောနည်းပညာကွန်ရက်၊ အဖွဲ့အစည်းများအား အချင်းချင်း အပြန်အလှန်ချိတ်ဆက်၍ ပူးပေါင်းဆောင်ရွက်မှုများဖြစ်ပေါ်လာစေရန် ကြိုးပမ်းဆောင်ရွက်လျက်ရှိရာ First Camp ကို ၂၀၀၈ ခုနှစ်အတွင်းက ပြုလုပ်ခဲ့ကြောင်း သိရသည်။
Written By - ကိုမျိုး
No comments:
Post a Comment