စစ်မှန်တဲ့ ပြည်ထောင်စုစနစ်ပေါ်ပေါက်ရေးအတွက် ပင်လုံစိတ်ဓာတ်ခိုင်မာဖို့ လိုအပ်တယ်လို့ အမျိုးသား ဒီမိုကရေစီအဖွဲ့ချုပ်NLDကဒီကနေ့ကျရောက်တဲ့(၆၅)နှစ်မြောက်ပည်ထောင်စုနေ့အထိမ်းအမှတ်ကြေညာချက်မှာ တိုက်တွန်းလိုက်ပါတယ်။
အမျိုးသားပြန်လည်ရင်ကြားစေ့ရေးနဲ့ ပြည်တွင်းငြိမ်းချမ်းရေးအတွက် ပင်လုံစိတ်ဓါတ် ရှင်သန်ဖို့ အမှန်တကယ် လိုအပ်နေတယ်လို့လည်းထောက်ပြထားပါတယ်။ရွှေဂုံတိုင်ပါတီရုံးချုပ်မှာ ဒီကနေ့ မနက်ပိုင်းက ကျင်းပတဲ့
ပြည်ထောင်စုနေ့အခမ်းအနားမှာပါတီဥက္ကဌ ဒေါ်အောင်ဆန်းစုကြည်က ပြည်ထောင်စုစိတ်ဓာတ်ရှင်သန်ရေး
အတွက် သဘောထားကြီးဖို့ အရေးကြီးတယ်လို့လည်း ပြောပါတယ်။ ဒါ့အပြင် စစ်မှန်တဲ့ပြည်ထောင်စုနိုင်ငံ ထူထောင်နိုင်ဖို့အတွက် တိုင်းရင်းသားအားလုံးနဲ့အတူ လက်တွဲလုပ်ဆောင် သွားမယ်လို့လည်း ပြောပါတယ်။
အမျိုးသားဒီမိုကရေစီအဖွဲ့ချုပ် ပြည်ထောင်စုနေ့အခမ်းအနားကို ပါတီဝင်တွေနဲ့အတူ ဖိတ်ကြားထားတဲ့ ဧည့်သည်တော်တွေလည်း တက်ရောက်ခဲ့ကြပါတယ်။ ။
No comments:
Post a Comment