အစိုးရသတင်းစာ ဓာတ်ပုံ အထူးခြားဆုံးဆု ရရှိ

         
မြန်မာနိုင်ငံ စာနယ်ဇင်း သမိုင်းတွင် ပထမဆုံး ချီးမြှင့်သည့် အမျိုးသား သတင်းဆု (National Press Award) များတွင် အစိုးရသတင်းစာ၌ ဖော်ပြခဲ့သည့် ဒေါ်အောင်ဆန်းစုကြည်နှင့်သမ္မတဦးသိန်းစိန်တို့ ယှဉ်တွဲရိုက်ထားသည့် ဓာတ်ပုံအား သတင်းဆု ရွေးချယ်ရေး ကော်မတီက ၂၀၁၁ ခုနှစ်အတွက် “အထူးခြားဆုံး အမျိုးသား သတင်းဓာတ်ပုံဆု” ချီးမြှင့်လိုက်ကြောင်း သိရသည်။

အမျိုးသားအဆင့် သတင်းဆုများကို ယမန်နေ့က ထုတ်ပြန်ကြေညာခဲ့ရာ ဆုရွေးချယ်ရေးကော်မတီက မူလကြေညာထားသည့် ဆု ၅ မျိုး အပြင် “အထူးခြားဆုံး အမျိုးသား သတင်းဓာတ်ပုံဆု” တမျိုး ထပ်မံတိုးချဲ့ကာ ပေးအပ်ခဲ့ခြင်းဖြစ်သည်။
ဓာတ်ပုံမှာ ၂၀၁၁ ခုနှစ် သြဂုတ်လ ၂၀ ရက်နေ့က အစိုးရပိုင် သတင်းစာတွင် ဖော်ပြခဲ့သည့် ဗိုလ်ချုပ်အောင်ဆန်း၏ ဓာတ်ပုံအောက်တွင် အတိုက်အခံခေါင်းဆောင်နှင့် အစိုးရခေါင်းဆောင်တို့ ယှဉ်တွဲရိုက်ထားသည့်ပုံ ဖြစ်ပြီး ဓာတ်ပုံ မောင်မောင်သန်း (ကော့မှူး) ၏ လက်ရာဖြစ်ကြောင်း သိရသည်။
“ဒီပုံက ကျနော်တို့ တိုင်းပြည်မှာ အလှည့်အပြောင်းတွေ ပွင့်လင်းမြင်သာမှုတွေ ရှိနေပြီဆိုတာ တကမ္ဘာလုံးကို ပြောတဲ့ဓာတ်ပုံဖြစ်တယ်။ သမိုင်းဝင်တဲ့ပုံ အရေးကြီးတဲ့ပုံဖြစ်တယ်။ ဒါကြောင့် ဗဟိုကော်မတီကနေပြီးတော့ ဒီပုံဟာ ပေးသင့်တဲ့ပုံဖြစ်တယ်လို့ ယူဆတဲ့အတွက် ဆုတမျိုးထပ်တိုးပြီး ပေးလိုက်တာပါ” ဟု အမျိုးသားသတင်းဆု ရွေးချယ်ရေးကော်မတီ အတွင်းရေးမှူး ဦးဝင်းငြိမ်းက ဧရာဝတီကို ပြောသည်။
အထူးခြားဆုံး သတင်းဓာတ်ပုံဆု ပေးအပ်ခြင်းနှင့်ပတ်သက်၍ ပြည်တွင်း စာနယ်ဇင်းသမားများအကြား ဝေဖန် ပြောဆိုမှုများလည်း ရှိနေသည်။
“ဒေါ်စုနဲ့ သမ္မတတွေ့တဲ့ပွဲကို ပြည်တွင်းရော ပြည်ပကရော ဘယ်သတင်းဌာနကမှ ဓာတ်ပုံရိုက်ခွင့် မရခဲ့ဘူး။ အစိုးရသတင်းစာပဲ ရိုက်ခွင့်ရတယ်။ တခြားသူတွေပါ ရိုက်ခွင့်ရမယ်ဆိုရင် ဓာတ်ပုံအများကြီးထဲက ရွေးပြီး ပေးလို့ရမယ်။ ဒါဆို ပိုပြီး မျှတမှု ရှိတာပေါ့။ ခုဟာက လူနည်းစုပဲရတဲ့အခွင့်အရေးကို အသုံးချပြီး ရိုက်လာတဲ့ဓာတ်ပုံကို ဆုပေးလိုက်တယ်ဆိုတော့ မျှတမှု မရှိဘူး” ဟု ပြည်တွင်းဂျာနယ်တစောင်မှ အကြီးတန်းသတင်းထောက်တဦးက ပြောသည်။
ဝေဖန်မှုများနှင့်ပတ်သတ်၍ ရွှေအမြုတေမဂ္ဂဇင်းနှင့် အလင်းတန်းဂျာနယ် အယ်ဒီတာ ဦးဝင်းငြိမ်းက “ကျနော်တို့က ဓာတ်ပုံရဲ့ တန်ဖိုးကိုပဲ တိုင်းတာပါတယ်။ ကျန်တာတော့ ကျနော်တို့နဲ့ မဆိုင်ပါဘူး” ဟု ပြောသည်။
ဆုရွေးချယ်ရေးကော်မတီက မူလက ပေးအပ်ရန် ကြေညာထားသည့် သတင်းဆု ၅ မျိုးအနက် အကောင်းဆုံး အာဘော်ဆောင်းပါးဆုမှာ သတ်မှတ် အရည်အချင်း မပြည့်မီသဖြင့် ပေးအပ်ခြင်း မရှိဘဲ ကျန်ဆု ၄ မျိုးကို ပေးအပ်ခဲ့သည်။
အကောင်းဆုံး သတင်းဆုကို ၂၀၁၁ ခုနှစ် ဒီဇင်ဘာလ ၆ ရက်နေ့ထုတ် ကုမုဒြာဂျာနယ်တွင် ဖော်ပြပါရှိသော နန်းလွင်၊ နှင်းရတနာဇော်၊ ၀င့်ဝတီ၊ အေးသီရိဝင်းနှင့် ကုမုဒြာ ဆက်စပ်သတင်းအဖွဲ့တို့ ရေးသားခဲ့သည့် “နိုင်ငံ့အနာဂတ်အတွက် အစပျိုးခြင်း” သတင်းက ရရှိခဲ့ပြီး အကောင်းဆုံး ဆောင်းပါးဆုကို ၂၀၁၁ ခုနှစ် ဧပြီလ ၂၇ ရက်နေ့ထုတ် 7 Day News ဂျာနယ်တွင် ဖော်ပြခဲ့သည့် ငြိမ်းငြိမ်းနိုင်ရေးသားသော “လက်နက်ကိုင်အရေး စားပွဲဝိုင်းပေါ် ရောက်ပြီလား” ဆောင်းပါးက ရရှိခဲ့သည်။
အကောင်းဆုံး သတင်းဓာတ်ပုံဆုကို ၂၀၁၁ ခုနှစ် ဇူလိုင်လ ၇ ရက်နေ့ထုတ် ပေါ်ပြူလာနယူးစ် ဂျာနယ်မှ ဓာတ်ပုံ အောင်နိုင်စိုးက “အငြိမ်းစားများ” ဓာတ်ပုံဖြင့် ဆုရရှိခဲ့ပြီး အကောင်းဆုံး သတင်းကာတွန်းဆုကို ၂၀၁၁ ခုနှစ် ဇူလိုင်လ ၂၆ ရက်နေ့ထုတ် True News ဂျာနယ်တွင် ဖော်ပြခဲ့သည့် “ပုံပြင်ထဲကလိုတော့” ကာတွန်းဖြင့် ကာတွန်း သီဟ (စခန်းသစ်) က ရရှိခဲ့သည်။
အကောင်းဆုံး သတင်းဆုရှင်အဖွဲ့သားတဦးဖြစ်သူ အေးသီရိဝင်းက “ရေးခဲ့တဲ့သတင်းက ဟီလာရီကလင်တန် မြန်မာပြည် လာတဲ့သတင်းပါ။ အဲဒီတုန်းက အရမ်းပင်ပန်းခဲ့တယ်။ ဟီလာရီသွားတဲ့နောက်ကို တကောက်ကောက်လိုက်၊ သတင်းစာ ရှင်းလင်းပွဲပြီးတာနဲ့ တခါတည်း ချရေး၊ တခါတည်း တိုက်ကိုပို့။ အဲလိုပင်ပန်းခဲ့ပြီး ဆုရတယ်ဆိုတော့ ပျော်တာပေါ့နော်။ ပိုပြီးတော့ ကြိုးစားချင်စိတ်လည်း ဖြစ်လာတာပေါ့” ဟု ပြောသည်။
ဆုပေးပွဲအခမ်းအနားကို ရန်ကုန်မြို့ အမျိုးသားဇာတ်ရုံ၌ ယခုလ ၁၈ ရက်နေ့ နေ့လည် ၁ နာရီတွင် ကျင်းပသွားမည် ဖြစ်ပြီး ဆုရရှိသူအား ဆုတံဆိပ်၊ ဆုလက်မှတ်နှင့် ငွေကျပ် ၁၀ သိန်းစီ ချီးမြှင့်သွားမည်ဖြစ်သည်။
ယင်းဆုငွေများကို လုပ်ငန်းရှင်များထံမှ အလှူခံ ရရှိသည့်ငွေများဖြင့် ပေးအပ်ခြင်းဖြစ်ပြီး ဆုပေးပွဲသို့ ပြန်ကြားရေးဝန်ကြီး ဦးကျော်ဆန်း တက်ရောက်မည်ဖြစ်ကြောင်း ဦးဝင်းငြိမ်းက ပြောသည်။
အပတ်စဉ်ထုတ် News Watch ဂျာနယ်တွင် ပုံနှိပ်ဖော်ပြခဲ့သည့် ဒေါ်အောင်ဆန်းဆုကြည်၏ “ဒေါ်အောင်ဆန်းစုကြည် ပြောပြသည့် ရာမယဏ ဇာတ်တော်” အမည်ရှိ ဆောင်းပါးမှာ ဆောင်းပါးဆုအတွက် နောက်ဆုံး ဆန်ကာတင် ၅ ပုဒ်တွင် ပါဝင်သော်လည်း ဆုမရခဲ့ချေ။
ဆုပေးရသည့် ရည်ရွယ်ချက်ကို ဦးဝင်းငြိမ်းက “နိုင်ငံတော်သမ္မတက သတင်းမီဒီယာဟာ နိုင်ငံတော်ရဲ့ စတုတ္ထမဏ္ဍိုင်ဖြစ်တယ်လို့ ပြောထားတယ်။ ဒါပေမယ့် သတင်းမီဒီယာသမားတွေအတွက်ကျတော့ ဆုတို့ ဘာတို့ မရှိဘူး။ ဒါကြောင့် သတင်းမီဒီယာသမားတွေကို ချီးမြှင့်ထောက်ပံ့ပေးဖို့ ဒီဆုကို တီထွင်ခဲ့တာပါ” ဟု ပြောသည်။
အမျိုးသားသတင်းဆုရွေးချယ်ရေး ကော်မတီကို ၀ါရင့်သတင်းစာ ဆရာကြီးများဖြစ်သည့် ဖိုးသောကြာ၊ လူထုဦးစိန်ဝင်း၊ ဦးမိုးသူ၊ ဦးကိုကိုကြီး (ကြေးမုံသတင်းစာတိုက်)၊ ဦးမြင့်သိန်းဖေ (ဓာတ်ပုံပညာရှင်)၊ မောင်ဝံသ၊ ဦးဝင်းငြိမ်းစသည့် ပုဂ္ဂိုလ်များအပါအ၀င် လူ ၂၀ ဖြင့် ပြီးခဲ့သည့် ၂၀၁၁ ခုနှစ် သြဂုတ်လ ၁၈ ရက်နေ့က ရန်ကုန်မြို့၌ ဖွဲ့စည်းခဲ့သည်။
မြန်မာနိုင်ငံတွင် သတင်း၊ မှုခင်း၊ ပညာရေး၊ စီးပွားရေး၊ ဘာသာရေး၊ အားကစား၊ ကျန်းမာရေး၊ အနုပညာ၊ ကလေးသူငယ်၊ နည်းပညာစသဖြင့် ဂျာနယ်မဂ္ဂဇင်း အမျိုးအစားပေါင်း ၃၅၀ ကျော် ထုတ်ဝေလျက် ရှိသည်။

ဇလွန်ပြည်ခိုင်ဖြိုးရဲ့ ကြိတ်ဝိုင်းများ

 ဧရာဝတီတိုင်းဒေသကြီး ဇလွန်မြို့တွင် ပြည်သူ့ဆန္ဒခံယူပွဲများ တစ်လလျှင် တစ်ကြိမ် တစ်ရပ်ကွက်စီ လစဉ်တိုင်း ပြည်ခိုင်ဖြိုးပါတီမှ တိုင်းဒေသကြီး လွှတ်တော်ကိုယ်စားလှယ် ဦးစမ်းမောင်က ဦးဆောင် ပြုလုပ်ပါသည်။ ဒီမိုကရေစီစနစ်နှင့် လျော်ညီစွာ ချစ်စရာကောင်းသော တွေ့ဆုံပွဲကြီးဖြစ်ပါသည်။ တစ်ချို့က အလုပ်ရုံဆွေးနွေးပွဲဟုလည်းပြောကြပါသည်။ရပ်ကွက်နေပြည်သူများက မိမိတို့၏ အခက်အခဲများ ရပ်ကွက်၏ လိုအပ်ချက်များ တွေ့ဆုံ ဆွေးနွေးခြင်းဖြစ်ပါသည်။ဌာနဆိုင်ရာ အကြီးအကဲများကလည်း လုပ်ပိုင်ခွင့်အတွင်းမှ မြို့နယ်တိုးတက်ရန် အစွမ်းကုန် ဆောင်ရွက်ပေးမည်။ အချို့သော ကိစ္စရပ်များကို လွှတ်တော် ကိုယ်စားလှယ်မှတစ်ဆင့် တိုင်းဒေသကြီးလွှတ်တော်အစည်းအဝေးတွင် တင်ပြ၍ ဆက်လက် ဆောင်ရွက်ခြင်းဖြစ်ပါသည်။ ဒါကရည်ရွယ်ချက်။တစ်ကယ်တမ်းလုပ်ဆောင်ချက်မှာ ဌာနဆိုင်ရာ များနှင့် တိုင်းဒေသကြီးလွှတ်တော်ကိုယ်စားလှယ်က ကြိုတင် ညှိနှိုင်းစည်းဝါးကိုက်ပြီးမှ ရပ်ကွက်နေ ပြည်သူများကို တိုးတိုးတိတ်တိတ် လိုက်လံဖိတ်ကြားပါသည်။ဆင်းရဲသားရပ်ကွက်မှလူများကို တစ်ပိုင်လျှင် တစ်ဆယ့်ငါးယောက် မလာမနေရ ဆင့်ခေါ်ပါသည်။ စာဖတ်သူတို့ရှေ့ဆက်စဉ်းစားကြည့်ရန်သာ လိုအပ်ပါတော့တယ်။ပညာတတ် ပြောနိုင်ဆိုနိုင် ဦးဆောင်နိုင်သော ပညာတတ်များကို မဖိတ်ဘဲ တိုးတိုးတိတ်တိတ် လုပ်နေတဲ့ ဒီအဖွဲ့အစည်းရဲ့ ရည်ရွယ်ချက်က ဘာလဲ ဆိုတာ ထင်ရှားပါတယ်။ အစိုးရအဖွဲ့ထဲမှာ တိုင်းပြည်ကို အမှန်တစ်ကယ် ပြုပြင်ချင်သူများအား သိစေလိုခြင်းဖြစ်ပါတယ်။

ဘိတ် နဲ့ လောင်းကစား

 တနင်္သာရီတိုင်းဒေသကြီး၊ မြိတ်မြို့နယ်တွင် ရဲတပ်ဖွဲ့က လောင်းကစား ဒိုင်များထံမှ လိုင်းကြေးများ ကောက်ခံပြီး တဘက်တွင် လောင်းကစားသူ ပြည်သူများကိုဖမ်းဆီး အရေးယူ ထောင်ချလျက်ရှိသည့်အတွက် ကျန်ရစ်သည့် မိသားစုများမှာ ဒုက္ခပင်လယ်ဝေနေရသည်၊ ထို့ပြင် နိုင်ငံတော်အတွက်လည်း သိန်းထောင်သောင်းချီ နစ်နာဆုံးရှုံးလျက်ရှိကြောင်း အထောက်အထား အခိုင်အလုံ စာရင်းဇယားနှင့် တစ်ကွ တင်ပြခဲ့သည့်အတွက် ( 2011၊ 7၊ 15) ရက် (၀ါဆိုလပြည့်) နေ့တွင် ရပ်ကွက်အလိုက် စစ်ဆေးရေးအဖွဲ့များ ဖွဲ့စည်းပြီး ယခင်နှစ်လုံး ၊ သုံးလုံး၊ ဘောလုံး ရောင်းချခဲ့သူ (တင်ပြချက်စာရင်းပါ) အယောက် (60) ကျော် အိမ်များတွင် တစ်အိမ်တက်ဆင်း အသေးစိတ် စစ်ဆေးရှာဖွေခဲ့ကြပါသည်။ (စစ်ဆေးရေးအဖွဲ့များတွင် သက်ဆိုင်ရာ နယ်မြေ ရပ်ကွက်အုပ်ချုပ်ရေးမှူး တစ်ဦး၊ ဆယ်အိမ်မှူး/ရာအိမ်မှူးတစ်ဦး၊ ဒုတိယရဲအုပ်တစ်ဦး၊ (ရဲဘော်/ဒုတပ်ကြပ်/တပ်ကြပ်/တပ်ကြပ်ကြီး) တစ်ဦး စုစုပေါင်း အနည်းဆုံး လေးဦးစီ ပါဝင်သည်။)
၎င်းရောင်းချသူများအနက် အများစုမှာ (ဆင်းရဲနွမ်းပါးမှု လျော့နည်းရေး/လောင်းကစား ပပျောက်ရေး စီမံချက် ပညာပေးကာလ) တွင် လုံးဝ ပိတ်သိမ်းခဲ့သည့်အတွက် မြို့နယ် ရဲတပ်ဖွဲ့မှူးရုံးသို့ ထပ်မံ သွားရောက် အစစ်ဆေးခံခဲ့ရပါသည်။စာရင်းရှိ (60) ကျော်အနက် (27) ယောက်သာ မနက် (8း00) နာရီ၊ ည (11း00) နာရီအထိ (4၊ 5) ရက် ဆက်တိုက် အစစ်ဆေးခံခဲ့ရပြီး (လောင်းကစားဒိုင်ချုပ်များ ဖြစ်သည့် ဦးတင်နန္ဒနှင့် ညီအစ်ကိုများ၊ ဦးဘိုမဲနှင့် အပေါင်းအပါများ၊ ဦးပေါင်မုန့်၊ ဦးတင်ထွန်း၊ ဦးသိန်းနိုင်) တို့မှာ ပိုင်ရာဆိုင်ရာများဖြင့်ရှောင်တိမ်းနေခဲ့ပါသည်။ အဂတိလိုက်စားကြောင်းပေါ်ပေါ်က်သည့်အတွက်တိုင်းဒုစရိုက်နိုမ်နင်းရေးအဖွဲ့မှဒုတိယရဲအုပ်ထွန်းထွန်းဦးမှာ အရာခံဗိုလ်အဆင့် ရာထူး တစ်ဆင့်နိမ့်ဖြင့် တိုင်းကျော် နယ်ပြောင်းခံရပြီး တစ်ခြားနယ်မြေမှူးများ နှင့် အခြားအဆင့် ရဲတပ်ဖွဲ့ဝင်များမှာ တိုင်းအတွင်း နယ်ပြောင်း လပိုင်းသာ ကြာသည်။ တစ်ချို.ဒုရဲအုပ် (ချိူလွင်၊ နယ်မြေ 4 ရဲကင်းမှူးမှာ ရဲအုပ် အဆင့်ဖြင့် ခရိုင် ဒုစရိုက်နိုမ်နင်းရေး အဖွဲ့သို့ ပြောင်းရွှေ့ တာဝန်ချထားခံရသူ) များမှာ ရာထူးများတိုးမြှင့်သွားသည့် အတွက် ကိုထွန်းထွန်းဦးက မကျေနပ်သဖြင့် ပြန်လည် တင်ပြခြင်းကြောင့် ခေါ်ယူ စစ်ဆေးခြင်းဖြစ်ကြောင်း သတင်းရရှိပါသည်။
ထုံးစံအတိုင်း (စားနေမြဲ နယ်မြေမှူးများက) ကြိုတင် သတင်းပေးခြင်းဖြင့် လောင်းကစားဒိုင်ချူပ်များ ကြိုတင် တိမ်းရှောင်သွားပြီး လက်ခွဲများသာ အစစ်ဆေးခံကြရပါသည်။
မြိတ်မြို့နယ်ရဲတပ်ဖွဲ့က နေရာကောင်း ရရှိသော/လူကြီးမျက်နှာသာ အပေးခံရသော/ရိုက်စား/ခြောက်စား လုပ်တတ်သော ရဲများမှာ (ရာထူး အဆင့်အတန်း လစာများဖြင့် မကိုက်ညီသော) နောက်ဆုံးပေါ်ဆိုင်ကယ် တ၀ီဝီ၊ ဖုန်းတဂွမ်ဂွမ်၊ ရေခဲသေတ္တာ၊ အဲယားကွန်းများဖြင်.၄င်းတို့ ကိုယ်ပိုင်အိမ်များတွင် အလုပ်ကြိုးစား လျက်ရှိပြီး ကျန်အချိန်များတွင် စားသောက်ဆိုင်များ၊ ကာရာအိုကေခန်းများတွင် ပြည်သူ့အတွက် တရားဥပဒေ စိုးမိုးရေးကို စွမ်းစွမ်းတမံ တာဝန် ထမ်းဆောင်လျက် ရှိကြောင်း သတင်း ရရှိပါသည်။

မန်းငြိမ်းမောင်ကို တသက်တကျွန်းနှင့် ၃ နှစ် အမိန့်ချ

ကရင်အမျိုးသား အစည်းအရုံး (KNU) ခေါင်းဆောင် တဦးဖြစ်သည့် ဖဒိုမန်းငြိမ်းမောင်ကို ယနေ့နေ့လယ်တွင် အင်းစိန်ထောင်တွင်း အထူးတရားရုံးက တသက်တကျွန်းနှင့်ထောင် ၃ နှစ် ပြစ်ဒဏ် ချမှတ်လိုက်သည်။
နိုင်ငံတော် ပုန်ကန်မှု ဥပဒေ ပုဒ်မ ၁၂၂/၁ အရ တသက်တကျွန်း၊ မတရားအသင်း ပုဒ်မ ၁၇/၁ အရ ထောင်ဒဏ် ၃ နှစ်ချမှတ်ခြင်း ဖြစ်ပြီး ပြစ်ဒဏ်များကို တပေါင်းတည်း ကျခံစေရမည်ဟု အမိန့်ချမှတ်ကြောင်း မန်းငြိမ်းမောင် ၏ ရှေ့နေ ဦးကြီးမြင့်က ဧရာဝတီသို့ ပြောသည်။
“အခုလို အစိုးရ တာဝန်ရှိသူတွေက တရားမစွဲဘူး ပြောပြီး တသက် တကျွန်းချတော့ စိတ်ထိခိုက်တဲ့ အမူအယာတွေ တွေ့ရတယ်”ဟု ၎င်းကဆိုသည်။
KNU ဗဟိုကော်မတီဝင်တဦးဖြစ်သည့် ဖဒိုမန်းငြိမ်းမောင်သည် စိတ်ပိုင်းဆိုင်ရာ ကျန်းမာရေးလည်း ချို့ယွင်းမှု အနည်းငယ်ရှိသူ ဖြစ် ကြောင်း၊ ဆေးကုသမှု ခံယူရန် လိုအပ်ကြောင်းလည်း ဦးကြီးမြင့်က ပြောပြသည်။
“သူက အခုနောက်ပိုင်း ဘာပဲမေးလိုက်မေးလိုက် ဟုတ်တယ် ဟုတ်တယ်ချည်းပဲပြောနေတယ်၊ စိတ်ခံစားမှု မရှိတော့ဘူး”ဟု ၎င်းက ဆက်ပြောသည်။
ဦးကြီးမြင့်က ဖဒိုမန်းငြိမ်းမောင်နှင့် ထပ်မံတွေ့ဆုံကာ ရက်ပေါင်း ၆၀ အတွင်း အယူခံတင်သွင်းနိုင်ရန် ဆက်လက်ကြိုးပမ်းမည်ဖြစ် သည်ဟုလည်း ဆိုသည်။
မန်းငြိမ်းမောင်သည် ပြီးခဲ့သည့်နှစ် ဇူလိုင်လအတွင်း တရုတ်ပြည် ကူမင်းလေဆိပ်မှ မြန်မာနိုင်ငံ ရန်ကုန်လေဆိပ်သို့ ပို့ဆောင်ခံရပြီး လူဝင်မှုကြီးကြပ်ရေး ဥပဒေ၊ တရားမ၀င် စာရွက်စာတမ်း ကိုင်ဆောင်မှု၊ မတရား အသင်း ဆက်သွယ်မှုများဖြင့် ဖမ်းဆီး အရေးယူ ခံခဲ့ ရသည်။
ထို့နောက်၂၀၁၁ ခုနှစ် စက်တင်ဘာလ ၂ရက်နေ့တွင် ပြစ်မှုဆိုင်ရာ ဥပဒေပုဒ်မ ၄၆၈ နှင့် လူဝင်မှုကြီးကြပ်ရေး အက်ဥပဒေ ပုဒ်မ ၁၃/၁ တို့အရ ထောင်ဒဏ် ၆ လစီကို တပေါင်းတည်းကျခံစေရန် ရန်ကုန်တိုင်း မင်္ဂလာဒုံ မြို့နယ် တရားရုံးက ပြစ်ဒဏ် ချမှတ်ခဲ့ သည်။
လွတ်မြောက်ရန်၂၂ ရက်အလို ပြီးခဲ့သည့် ဇန်န၀ါရီ၂ ရက်နေ့တွင် မတရားအသင်း ကြေညာထားသည့် KNU ဗဟိုကော်မတီဝင် ဖြစ် သည်ဟူသော အကြောင်းပြချက်ဖြင့် နိုင်ငံတော်ပုန်ကန်မှု ဥပဒေ ပုဒ်မ ၁၂၂/၁ နှင့် မတရားအသင်း ပုဒ်မ ၁၇/၁ တို့ဖြင့်ထပ်မံစွဲချက် တင် တရားစွဲခဲ့ခြင်းဖြစ်သည်။
အစိုးရက ဖဒိုမန်းငြိမ်းမောင်အား စစ်ဆေးနေစဉ်ကာလအတွင်း ပြည်တွင်းငြိမ်းချမ်းရေးနှင့် ပတ်သက်ပြီးကူညီရန် မီးရထား ၀န်ကြီး ဦးအောင်မင်းက လာရောက် အကူအညီတောင်းခံခဲ့ကြောင်း၊ ထိုသို့ ကူညီလျှင် တရားစွဲဆိုခြင်း ပြုမည်မဟုတ်ဟုလည်း ပြောကြားမှုရှိကြောင်း၊ ထိုကြောင့် KNU နှင့် ပြုလုပ်သည့် ငြိမ်းချမ်းရေးဆွေးနွေးပွဲများ အောင်မြင်စေရန် ကူညီခဲ့ကြောင်းသိရသည်။
အဆိုပါ အမှုနှင့်ပတ်သက်၍ ဧရာဝတီက KNUအဖွဲ့သို့ ဆက်သွယ်မေးမြန်းရာ ဒု ဥက္ကဋ္ဌ ဒေးဗစ်သာကပေါက“သူတို့ ထောင်ချ လိုက် ပြီ ဆိုပေမယ့် သမ္မတ လွတ်ငြိမ်းချမ်းသာခွင့်နဲ့ လွှတ်ပေးမယ်လို့ ပြောထားတာကို စောင့်ကြည့်ရမယ်၊ ကျနော်တို့နဲ့ အစိုးရနဲ့ ပြော ထားပြီးသား ရှိတယ်”ဟု ပြောဆိုသည်။
ထို့အပြင် ဖဒိုမန်းငြိမ်းမောင်အား လွှတ်ပေးမှသာလျှင် KNUနှင့် အစိုးရ အကြား ငြိမ်းချမ်းရေးတည်ဆောက်မှုများ အောင်မြင်မည်ဖြစ် ကြောင်း၊ လွှတ်မပေးလျှင် နှစ်ဦးနှစ်ဘက်အကြား ငြိမ်းချမ်းရေးအတွက် ယုံကြည်မှုတည်ဆောက်၍ ရတော့မည်မဟုတ်ကြောင်း လည်း ဒေးဗစ်သာကပေါက ပြောသည်။

ဝန်ကြီးဌာနများ သိန်း ထောင်ချီ ငွေအလွဲသုံးစားမှု ပေါ်ပေါက်

 အစိုးရ ၀န်ကြီးဌာန ၆ ခု ၏ ငွေကြေး အလွဲသုံးစားမှု၊ ငွေစာရင်း မမှန်မကန် ဖော်ပြမှုများအား ပြည်ထောင်စု စာရင်း စစ်ချုပ်ရုံးက ပထမဆုံး အကြိမ် ထုတ်ဖော်လိုက်သည်။ပြန်ကြားရေး ၀န်ကြီးဌာန၊ လယ်ယာ စိုက်ပျိုးရေးနှင့် ဆည်မြောင်း၊ အမှတ် (၁) (၂) စက်မှုဝန်ကြီးဌာန၊ သတ္တုတွင်း၊ သမ၀ါယမ စသည့် ၀န်ကြီးဌာနများ၏ လုပ်ငန်းများ၊ စက်ရုံ အလုပ်ရုံများသည် ၎င်းတို့ ဌာနများ၏ ငွေစာရင်း လိမ်လည်ဖော်ပြမှု၊ အလွဲသုံး စားမှု၊ ငွေကြေး လွှဲပြောင်းခြင်းဆိုင်ရာ ကိစ္စများ မလိုက်နာမှု စသည်တို့အား စစ်ဆေး တွေ့ရှိခဲ့ခြင်း ဖြစ်သည်။
“ပြန်ကြားရေးဌာန ရဲ့ငွေကြေး မသမာမှုမှာ ကျပ်သိန်းပေါင်း ၂၀၀၀ ကျော်ဖြစ်နေတယ်၊ ဒီကိစ္စ ဟာ ပြီးခဲ့တဲ့ ၄နှစ်ကတည်း က မသမာမှုတွေပါတယ်၊ ၀န်ကြီးကိုယ်တိုင်သိလိမ့်မယ်လို့ ယူဆယ်၊ တာဝန်ရှိသူတွေက တာဝန်ယူမှု၊ တာဝန်ခံမှု ဘယ်လို ဆောင်
ရွက် မလဲ ဆိုတာ စောင့်ကြည့်ရဦးမှာပါ”ဟု ပြည်သူ့လွှတ်တော် ကိုယ်စားလှယ် ဦးခိုင်မောင်ရည် က ဧရာဝတီ ကိုပြောသည်။
ပြန်ကြားရေးဝန်ကြီး ဌာနသည် နိုင်ငံပိုင် သတင်းစာများ ရောင်းချငွေ ကျပ်သိန်းပေါင်း ၂၅၀၀ ကျော်အနက် သိန်း တထောင် ကျော်သာ သက်ဆိုင်ရာဌာနသို့ လွှဲပြောင်း ပေးထားသေးကြောင်း ပြည်ထောင်စု စာရင်းစစ်ချုပ်ရုံးမှ မကြာသေးခင်က ထုတ်ပြန် သည့် အစီရင်ခံစာတွင် ပါရှိသည်။ မြန်မာ့အလင်း သတင်းစာတိုက်၏ ငွေကြေးအလွဲသုံးစားမှုကြောင့် တာဝန်ရှိသူ ၃ ဦးအား ပြီး ခဲ့သည့်နှစ် နိုဝင်ဘာလ အတွင်းက အရေးယူမှု ဖြစ်ပေါ်ခဲ့သေးသည်။
ငွေကြေးအလွဲသုံးစား ဖြစ်ပေါ်ခဲ့မှုသည် ယခင်နအဖ အစိုးရ၏ ၀န်ကြီးဟောင်းများ ဖြစ်သည့် စက်မှု (၁) ၀န်ကြီး ဦးအောင် သောင်း၊ လယ်ဆည်ဝန်ကြီး ဦးဌေးဦး၊ ပြန်ကြားရေးဝန်ကြီး ဦးကျော်ဆန်း၊ သတ္တုတွင်း ၀န်ကြီး ဦးအုန်းမြင့်၊ စက်မှု (၂) ၀န်ကြီး ဦးစိုးသိန်း၊ သမ၀ါယမ ၀န်ကြီး ဦးတင်ထွဋ် တို့ လက်ထက်၌ ဖြစ်ပွားခဲ့သည်။
၎င်းတို့အနက် ဦးစိုးသိန်းနှင့်ဦးကျော်ဆန်းတို့သည် လက်ရှိဦးသိန်းစိန် အစိုးရအဖွဲ့၏ ပြည်ထောင်စု ၀န်ကြီးများ ဖြစ်ပြီး၊ ဦးအုန်းမြင့်သည် မွန်ပြည်နယ်ဝန်ကြီးချုပ်၊ ဦးအောင်သောင်း၊ ဦးဌေးဦး၊ ဦးတင်ထွဋ်တို့ကမူ လွှတ်တော် ကိုယ်စားလှယ်များ ဖြစ်သည်။ ဦးအောင်သောင်းသည် အဂတိလိုက်စားသည့် ၀န်ကြီးတဦးဟု နာမည်ကျော်ကြားသူ ဖြစ်ကာ လက်ရှိတွင် တိုင်းရင်းသား လက် နက်ကိုင်အဖွဲ့များနှင့် ငြိမ်းချမ်းရေးဆွေးနွေးနေသော အစိုးရ ငြိမ်းချမ်းရေး ကိုယ်စားလှယ်အဖြစ်လည်း ဆောင်ရွက်နေသူ ဖြစ် သည်။
မြန်မာနိုင်ငံသည် အကျင့်ပျက်ခြစားမှု အများဆုံးနိုင်ငံ တခုဖြစ်ပြီး၊ ကမ္ဘာ့နိုင်ငံပေါင်း ၁၈၃ နိုင်ငံတွင် မြန်မာနိုင်ငံက အဆင့် ၁၈၀ တွင်ရှိကြောင်း၊ အာဖဂန်နစ္စတန်၊ မြောက်ကိုးရီးယားနှင့် ဆိုမာလီယာနိုင်ငံ တို့သည် ကမ္ဘာ့အကျင့်ပျက် ခြစားမှု အများဆုံးနိုင် ငံ များဖြစ်သည်ဟု Transparency International (TI) နိုင်ငံတကာ အကျင့်ပျက် ခြစားမှုများ လေ့လာစောင့်ကြည့်ရေးအဖွဲ့ ၏ ၂၀၁၁ ခုနှစ် ဒီဇင်ဘာလ က ထုတ်ပြန်ချက်၌ ဖော်ပြထားသည်။
အမှတ် (၁) စက်မှုဝန်ကြီးဌာနသည် စက်ရုံ၌ အသုံးပြုမည့် လောင်စာဆီဂါလန် ၂ သိန်းကျော်အား စက်ရုံအတွက် အသုံးမပြုဘဲ ရောင်းစားခဲ့ခြင်းကို စစ်ဆေးတွေ့ရှိခဲ့ပြီး လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန နှင့် အမှတ်(၂) စက်မှု ၀န်ကြီးဌာန တို့သည် ၎င်းတို့၏ လုပ်ငန်းများ၌ ကျပ်သိန်းပေါင်းများစွာ အရှုံးပေါ်နေခြင်းကို အမြတ်ငွေဟု ဖော်ပြသည့်အပြင် အရှုံးငွေပမာဏ ကိုလည်း လျှော့၍ ဖော်ပြထားသည်။
သတ္တုတွင်း ၀န်ကြီးဌာန လက်အောက်ရှိ အမှတ်(၁) သတ္တုတွင်းလုပ်ငန်း မုံရွာ ကြေးနီ စီမံကိန်း၏ အစုရှယ်ယာ ၅၀ ရာခိုင်နှုန်း အား ဒေါ်လာသန်း ၁၀၀ နှင့် မြန်မာ့ စီးပွားရေးဦးပိုင် လီမိတက်(ဦးပိုင်)သို့ ရောင်းချရာ၌  ဦးပိုင်က ငွေမချေဘဲ ဟောင်ကောင်မှ Wanbo Mining Copper Limited ကုမ္ပဏီက ပေးချေထားသည်ကို စစ်ဆေးတွေ့ရှိရကြောင်း  ပြည်ထောင်စု စာရင်း စစ်ချုပ်ရုံးအစီရင်ခံစာ က ဆိုသည်။
စစ်တပ် ဦးဆောင်သည့် ဦးပိုင်ကုမ္ပဏီ၌ ငွေကြေးအလွဲသုံးစားမှု ဖြစ်ပေါ်နေခြင်းကို လွှတ်တော် ကိုယ်စားလှယ်များအကြား ဝေ ဖန် ပြောဆိုမှုများလည်း ထွက်ပေါ်နေသည်။
၂၀၀၉-၂၀၁၀ ဘဏ္ဍာရေးနှစ်မှ စတင်၍ ထိုငွေကြေး အလွဲသုံးစားမှုများ ဖြစ်ပွားခဲ့ခြင်းဖြစ်သည်။ ထိုအချိန်က စာရင်းစစ်ချုပ် သည် ဗိုလ်ချုပ်လွန်းမောင် ဖြစ်ပြီး ၎င်းသည် လက်ရှိအစိုးရ၏ ပြည်ထောင်စု စာရင်းစစ်ချုပ်လည်း ဖြစ်သည်။
စာရင်းစစ်ချုပ်ရုံးက ထုတ်ပြန်သည့် ငွေကြေး အလွဲသုံးစားမှု အစီရင်ခံစာကို လွှတ်တော် ကိုယ်စားလှယ်များထံဖြန့်ဝေပေးခဲ့ခြင်းဖြစ်ပြီး အသိပေးရုံသက်သက်မဟုတ်ဘဲ အဆိုတရပ် တင်သွင်းဆွေးနွေး၍ အရေးယူမှု ပြုလုပ်နိုင်သည်အထိ လွှတ်တော်က ဆောင်ရွက်နိုင်ပါက ငွေကြေးအလွဲသုံးစားမှု လျှော့ကျသွားနိုင်ကြောင်း လွှတ်တော် ကိုယ်စားလှယ်များက ပြောသည်။
အစိုးရ အဆင့်ဆင့် လာဘ်စားမှုများ ရှိခဲ့ပြီး ပထမဆုံး အကြိမ်ဖော်ထုတ်လိုက်ခြင်းသည် ပွင့်လင်းမှု တချို့ရှိလာသည်ဟု ယူဆ ကြောင်း၊ သမ္မတ၏လမ်းညွန်မှုအရစစ်ဆေးတွေ့ရှိခြင်းဖြစ်၍ သမ္မတအနေဖြင့်လည်း ထိရောက်သည့်အရေးယူမှုလုပ်သင့်ကြောင်း ပြည်သူ့ လွှတ်တော် ကိုယ်စားလှယ် ဦးဖေသန်း က ပြောသည်။
ထိုကိစ္စအား ပြည်ထောင်စု လွှတ်တော်၌ တင်ပြဆွေးနွေးကြမည်ဖြစ်ကာ အကျင့်ပျက်ခြစားမှု တိုက်ဖျက်ရေးကော်မရှင်တရပ်ဖွဲ့ စည်းနိုင်ရေးအတွက် ယခုရက်ပိုင်းအတွင်းကျင်းပမည့် လွှတ်တော်အစည်းအဝေးများ၌ ဆွေးနွေးသွားမည်ဟု ပြည်သူ့လွှတ်တော် ဥက္ကဋ္ဌ ဦးရွှေမန်း က ပြောကြောင်း ပြည်သူ့လွှတ်တော် ကိုယ်စားလှယ် ဦးသိန်းညွန့်က ပြောသည်။
ငွေကြေးအလွဲသုံးစားမှု လုပ်ဆောင်ခဲ့သူများသည် ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီ(ကြံ့ခိုင်ရေးပါတီ)၏ ထိပ်ပိုင်း ခေါင်း ဆောင်များ ဖြစ်နေသော်လည်း အရေးယူမှု ဖြစ်လာနိုင်ဖွယ် ရှိကြောင်း၊ ယခုကိစ္စနှင့်ပတ်သက်၍ ကြံ့ခိုင်ရေးပါတီ ကိုယ်စားလှယ် များ ကိုယ်တိုင် ဝေဖန်ပြောဆိုမှုများရှိကြောင်း လွှတ်တော် ကိုယ်စားလှယ်များက ပြောဆိုကြသည်။

လူ့အခွင့်အရေး အပြည့်ရရေး ပူးပေါင်းဆောင်ရွက်ရန် ဒေါ်အောင်ဆန်းစုကြည် တိုက်တွန်း

 မြန်မာနိုင်ငံတွင် လူ့အခွင့်အရေး ကင်းမဲ့၍ ဖြစ်ပေါ်လာခဲ့သည့် ကိုဖုန်းမော် ကျဆုံးခြင်းမှသည် လူ့အခွင့်အရေး အပြည့်အ၀ရှိသည့် အခြေအနေသို့ ခိုင်မာစွာရောက်ရှိရေးအင်အားစု အားလုံးက ပူးပေါင်း ဆောင်ရွက် သွားကြရန် ဒေါ်အောင်ဆန်းစုကြည်က တိုက်တွန်း ပြောကြား လိုက်သည်။
ရန်ကုန်မြို့၊ ရွှေဂုံတိုင်ရှိ တော်ဝင်နှင်းဆီတွင် ယနေ့ ကျင်းပသည့် ၂၄ နှစ်မြောက် ရန်ကုန် စက်မှုတက္ကသိုလ် မတ်လ ၁၃ ရက်နေ့ အရေးအခင်းနှင့် ကိုဖုန်းမော်၊ ကိုစိုးနိုင်ကျဆုံးခြင်း အောက်မေ့ဖွယ် အခမ်းအနားတွင် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်က “ကျမတို့ ဒီနေ့ကို မြန်မာနိုင်ငံ လူ့အခွင့်အရေးနေ့လို့ ခေါ်ချင်တာက ဘာကြောင့်လဲဆိုတော့ နောက်ဆုံးတော့ ကိုဖုန်းမော် ကျဆုံးခဲ့တဲ့ ကိစ္စအ၀၀က ဘာနဲ့ ဆက်နွယ်နေသလဲဆိုတော့ မြန်မာနိုင်ငံမှာ လူ့အခွင့်အရေးများ မရှိခြင်းနဲ့ ဆက်နွယ်နေတယ်” ဟု ဒေါ်အောင်ဆန်းစုကြည်က ပြောသည်။
ဒေါ်အောင်ဆန်းစုကြည်က အခမ်းအနားသို့ အနည်းငယ်နောက်ကျသည့်အတွက် ပရိတ်သတ်ကို တောင်းပန် စကားဆိုပြီး လူငယ်ကျောင်းသားများ၏ နိုင်ငံအတွက် စွန့်လွှတ်စွန့်စား လုပ်ဆောင်ခဲ့ရာမှ လူ့အခွင့်အရေး လှုပ်ရှားမှုများ မြင့်မားလာပုံနှင့် မြန်မာနိုင်ငံသားတိုင်း ကမ္ဘာ့လူသားများနည်းတူ လူ့အခွင့်အရေးများ အပြည့်အ၀ ခံစားခွင့်ရသင့်ကြောင်း ပြောကြားသည်။
ထို့အပြင် မြန်မာနိုင်ငံတွင် တရားဥပဒေစိုးမိုးရေး အရေးကြီးပုံ၊ လူ့အခွင့်အရေးဆိုင်ရာ အရှိန်မြင့်၍ ညီညီညွတ်ညွတ် လုပ်ဆောင်သွားကြရန်လည်း ပြောကြားသွားသည်။
ယနေ့ အခမ်းအနားကို ရန်ကုန် စက်မှုတက္ကသိုလ် ကျောင်းသားသမဂ္ဂမှ နိုင်ငံရေး အကျဉ်းသားဟောင်းများက ဦးဆောင်ကျင်းပခြင်းဖြစ်ကြောင်း သိရသည်။
၈၈ မျိုးဆက် ကျောင်းသား ခေါင်းဆောင် ကိုကိုကြီးက “အခုလို အခမ်းအနား ကျင်းပတာဟာ တိုးတက်မှုတခုပါ။ အခမ်းအနားများမှသည် ပြည်သူ့ဆီသို့လို့ ကိုမင်းကိုနိုင်က ပြောတာ။ ဆိုလိုတာက အခမ်းအနားတွေ လုပ်နေရုံနဲ့ မလုံလောက်ဘူး။ တကယ့်တကယ် ပြည်သူတွေဆီအထိ ပြန့်နှံ့အောင် ကြိုးစားသွားရမှာကို အလေးအနက် ပြောသွားတာပါ” ဟု ဧရာဝတီသို့ ပြောသည်။
၁၉၈၉ ခုနှစ် မတ်လ ၁၃ ရက်နေ့တွင် ဒီမိုကရေစီအင်အားစု အားလုံးက မြန်မာနိုင်ငံ လူ့အခွင့်အရေးနေ့အဖြစ် သဘောတူ သတ်မှတ်ခဲ့ပြီး ယခင် နှစ်ပေါင်း ၂၃ နှစ်တာအတွင်း အမျိုးမျိုးသော ဖြိုခွင်းခံရမှုများကြောင့် အခမ်းအနားများလည်း ကျင်းပခွင့်မရခဲ့ကြောင်း၊ လူ့အခွင့်အရေးကို နိုင်ငံသားအားလုံး ခံစား ကျင့်သုံးစေနိုင်ရေးအတွက် အင်အားစု အားလုံးက ပြည်သူတရပ်လုံးနှင့် ထိတွေ့ပူးပေါင်း ဆောင်ရွက်သွားကြရန် လိုကြောင်း ကိုမင်းကိုနိုင်က ယနေ့ အခမ်းအနားတွင် ပြောသည်။
ယနေ့ ကျင်းပသော အခမ်းအနားသို့ တက်ရောက်သူ ၂၀၀ ကျော်ခန့်ရှိကြောင်း သိရသည်။
မြန်မာနိုင်ငံရှိ မြို့ကြီးများတွင်လည်း ယနေ့ ကျရောက်သော ကိုဖုန်းမော် ကျဆုံးခြင်းနှင့် မြန်မာနိုင်ငံ လူ့အခွင့်အရေးနေ့ အခမ်းအနားများကို အသီးသီးကျင်းပကြောင်း သိရသည်။
အလားတူ အမေရိကန်ပြည်ထောင်စု၊ ကနေဒါနှင့် ဥရောပ နိုင်ငံများရှိ  မြန်မာ့အရေး လှုပ်ရှားသူများကလည်း မြန်မာနိုင်ငံ လူ့အခွင့်အရေးနေ့ကို ကျင်းပကြပြီး ကျဆုံးသွားကြသော စက်မှုတက္ကသိုလ် ကျောင်းသား ကိုဖုန်းမော်နှင့် ကိုစိုးနိုင်တို့အတွက် အမျှအတန်း ပေးဝေခြင်း၊ မြန်မာနိုင်ငံ လွှတ်တော်များက ယနေ့ကို မြန်မာနိုင်ငံ လူ့အခွင့်အရေးနေ့အဖြစ် သတ်မှတ်ပေးရန် တောင်းဆိုခြင်းများ ပြုလုပ်ကြကြောင်း သိရှိရသည်။
၈၈ မျိုးဆက်ကျောင်းသားများက ၂၃ ကြိမ်မြောက် မြန်မာနိုင်ငံ လူ့အခွင့်အရေးနေ့အတွက် ယမန်နေ့က ကြေညာချက်တစောင် ထုတ်ပြန်သည်။
မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး စုံစမ်းစစ်ဆေးရေးမှူး မစ္စတာ သောမတ်အိုဟေး ကင်တာနာကလည်း ယမန်နေ့က ကြေညာချက်ထုတ်ပြန်ကာ မြန်မာအစိုးရ၏ နိုင်ငံသားများ အခွင့်အရေးကာကွယ်ရန် မူဝါဒများ ချမှတ်လုပ်ကိုင်လာသည်ကို ကြိုဆိုလိုက်ပြီး နိုင်ငံရေးအကျဉ်းသား လွှတ်ပေးရေး၊ တိုင်းရင်းသားဒေသများတွင် လူ့အခွင့်အရေး ချိုးဖောက်ခံနေရမှုများ အပါအ၀င် မြန်မာနိုင်ငံ၏ လူ့အခွင့်အရေး အခြေအနေများသည် စိုးရိမ်ရသည့် အဆင့်တွင်ရှိဆဲဖြစ်ပြီး နောက်ကြောင်းပြန်လှည့်သွားမည့်အရေး စိုးရိမ်မိကြောင်း ပြောဆိုထားသည်။
ထို့အပြင် တိုင်းရင်းသား လက်နက်ကိုင်အဖွဲ့များနှင့် တရားဝင် စေ့စပ်ညှိနှိုင်းမှု လုပ်ဆောင်ကာ ငြိမ်းချမ်းရေးဖော်ဆောင်ရန် တိုက်တွန်းထားပြီး အစိုးရ၏ ပြုပြင်ပြောင်းလဲမှုများ စစ်မှန်မှုနှင့် ပတ်သက်ပြီး ယခုလာမည့် ဧပြီလ ၁ ကြားဖြတ်ရွေးကောက်ပွဲသည်လည်း အဓိကကျသည့် စမ်းသပ်မှုတခုဖြစ်ကြောင်း အစီရင်ခံစာတွင် ဖော်ပြထားသည်။
၁၉၈၈ ခုနှစ်က မဆလ အာဏာရှင် ဦးနေ၀င်းလက်ထက်က အရပ်သားနှင့် ကျောင်းသား ပဋိပက္ခကို နှိမ်နင်းခဲ့စဉ် ရန်ကုန် စက်မှုတက္ကသိုလ် ပဉ္စမနှစ် ကျောင်းသား ကိုဖုန်းမော်နှင့် ကိုစိုးနိုင်တို့ ၂ ဦးသည် လုံထိန်းများ၏ လက်ချက်ကြောင့် သေနတ်ဒဏ်ရာဖြင့် သေဆုံးခဲ့ကြသည်။ ကိုဖုန်းမော်သည် မတ်လ ၁၃ ရက်နေ့တွင် ရန်ကုန် စက်မှုတက္ကသိုလ်ကျောင်းဝင်း၌ ပွဲချင်းပြီး သေဆုံးပြီး ကိုစိုးနိုင်သည် မတ်လ ၁၄ ရက်နေ့တွင် ရန်ကုန်ဆေးရုံကြီး၌ ကွယ်လွန်ခဲ့သည်။
ပထမဆုံး မြန်မာနိုင်ငံ လူ့အခွင့်အရေးနေ့ အခမ်းအနားကို ၁၉၈၉ ခုနှစ် မတ်လ ၁၃ ရက်နေ့က ရန်ကုန် စက်မှုတက္ကသိုလ်ဝင်းအတွင်း၌ ကျင်းပရာ ထိုစဉ်က ကျောင်းသားခေါင်းဆောင်များဖြစ်ကြသည့် ကိုမင်းကိုနိုင်၊ ကိုကိုကြီး အစရှိသူများနှင့် နိုင်ငံရေးနယ်ပယ် အသီးသီးမှ ပုဂ္ဂိုလ်များ တက်ရောက်ခဲ့ကြပြီး နှစ်စဉ် မတ်လ ၁၃ နေ့ကို မြန်မာနိုင်ငံ လူ့အခွင့်အရေးနေ့ဟု သတ်မှတ်ခဲ့ကြသည်။

အားလုံးပါဝင်နိုင်မယ့် အခင်းအကျင်းမျိုး ဖော်ဆောင်ပေးဖို့လိုတယ်

 အစိုးရနှင့်ငြိမ်းချမ်းရေးဆွးနွေးရေးအတွက် ကြိုတင်ပြင်ဆင်မှုများ ပြုလုပ်ရန် စေလွှတ်လိုက် သည့် မြန်မာနိုင်ငံလုံး ဆိုင်ရာ ကျောင်းသားများ ဒီမိုကရက်တစ်တပ်ဦး(ABSDF) ရှေ့ပြေးအဖွဲ့သည် ရန်ကုန်မြို့တွင် အစိုးရအဖွဲ့တာဝန်ရှိသူများနှင့် သွားရောက် တွေ့ဆုံပြီးနောက် ယမန်နေ့က ထိုင်း-မြန်မာ နယ်စပ်သို့ ပြန်လည်ရောက်ရှိလာသည်။
ရှေ့ပြေးအဖွဲ့တွင် ABSDF တွဲဖက် အထွေထွေ အတွင်းရေးမှူး (၁) ဦးမြင့်ဦး ဦးဆောင်သော ၆ ဦးအဖွဲ့ ပါဝင်ပြီး ယခုလ ၇ ရက်နေ့က ရန်ကုန်မြို့သို့ သွားရောက်ခဲ့သည်။ ဦးအောင်သောင်း ခေါင်းဆောင်သည့် ပြည်ထောင်စုအဆင့် ငြိမ်းချမ်ရေး ဆွေးနွေးရေးအဖွဲ့မှ ဗိုလ်မှူးကြီးဟောင်း ဦးစောခင်စိုးနှင့် ညှိနှိုင်းမှုများ ပြုလုပ်ခဲ့ပြီး ဧပြီလဆန်းပိုင်းတွင် ဆွေးနွေးကြရန် ရက်သတ်မှတ်နိုင်ခဲ့ကြောင်း သိရသည်။
၁၉၈၈ ခုနှစ် နိုဝင်ဘာလ ၁ ရက်နေ့တွင် ABSDF ကို စတင် တည်ထောင်ခဲ့ပြီး နယ်စပ်ဒေသများတွင် အခြေစိုက်ကာ ဒီမိုကရေစီအရေး၊ လူ့အခွင့်အရေးနှင့် ပြည်တွင်းငြိမ်းချမ်းရေး ရရှိရန်အတွက် အစိုးရ အဆက်ဆက်အား ဆန့်ကျင် တော်လှန်ခဲ့သည်မှာ ၂၃ နှစ် ကျော် ရှိပြီဖြစ်သည်။
ဆွေးနွေးပွဲပြုလုပ်ရန် သွားရောက်ပြင်ဆင်ခဲ့သည့် ABSDF ရှေ့ပြေးအဖွဲ့၏ ရန်ကုန်ခရီးစဉ် အတွေ့အကြုံ၊ ငြိမ်းချမ်းရေး ဆွေးနွေးပွဲများအပေါ် သဘောထား၊ အစိုးရအာဏာပိုင်များနှင့် တွေ့ဆုံမည့်အချိန်တွင် ဆွေးနွေးမည့် အကြောင်းအရာများကို ဧရာဝတီ သတင်းထောက် ကျော်ခ က ABSDF ဒုတိယ ဥက္ကဋ္ဌ ဦးမျိုးဝင်းနှင့် ဆက်သွယ်မေးမြန်းထားပါသည်။
မေး ။    ။ ABSDF ရှေ့ပြေးအဖွဲ့တွေ ရန်ကုန်သွားတဲ့အခါမှာ အစိုးရဖက်က ဘယ်သူတွေနဲ့ တွေ့ဖြစ်ခဲ့ပြီး ဘာတွေပြင်ဆင် ဖြစ်ခဲ့ကြသလဲ။
ဖြေ ။    ။ ကျနော်တို့ အခုတွေ့တာကတော့ နှစ်ဖက်ဆက်ဆံရေး ကိုယ်စားလှယ်တွေ ပြင်ဆင်ဖို့အတွက်ကို ဆွေးနွေးတဲ့အဆင့်ပါ။ ကျနော်တို့ဖက်က ဆက်ဆံရေး ကိုယ်စားလှယ်ဖြစ်တဲ့ တွဲဘက်အတွင်းရေးမှူး (၁) ကိုမြင့်ဦး ဦးဆောင်တဲ့အဖွဲ့နဲ့ ဟိုဘက်ကတော့ ပြည်ထောင်စုအဆင့် ငြိမ်းချမ်းရေးဖော်ဆောင်ရေးအဖွဲ့က ငြိမ်းချမ်းရေးကိုယ်စားလှယ်အဖြစ် တာဝန်ပေးထားတဲ့ ဗိုလ်မှူးကြီး စောခင်စိုးတို့ နှစ်ဖက်ဆွေးနွေးခဲ့ကြတာပါ။
အဓိက ကတော့ မူလသတ်မှတ်ထားတဲ့ တွေ့ဆုံဆွေးနွေးမယ့်ရက်ပေါ့နော်၊ အဲဒါကို သေချာအောင်လုပ်တယ်။ ဆွေးနွေးမယ့်ရက်ကို ဒေသအသီးသီးမှာရှိတဲ့ ကျနော်တို့ ကျောင်းသားတပ်မတော် ကိုယ်စားလှယ်တွေ သွားဖို့အတွက် ပြင်ဆင်တာတွေအတွက် ညှိနှိုင်းဆွေးနွေးတာပေါ့နော်။
နှစ်ဖက်ဆွေးနွေးမယ့်ရက်ကတော့ ဧပြီလဆန်းပိုင်းကို သတ်မှတ်ပါတယ်။ ရန်ကုန်မှာဆွေးနွေးမှာပါ။
မေး ။    ။ ABSDF ဆိုတာလည်း ၈၈ မျိုးဆက်တခုဖြစ်တော့ တချိန်တုန်းက အရေးအခင်းကာလမှာ တချိန်တည်း လှုပ်ရှားမှုတွေ လုပ်ခဲ့ကြတဲ့သူတွေ၊ အခုပြည်တွင်းမှာရှိနေတဲ့ ၈၈ အဖွဲ့တွေနဲ့ရော တွေ့ဖြစ်ခဲ့သေးလား။
ဖြေ ။    ။ လောလောဆယ် ဒီခရီးစဉ်မှာတော့ ဘယ်အဖွဲ့အစည်းနဲ့မှ တွေ့ဆုံခြင်း မရှိသေးပါဘူး။ ဘာလိုလဲဆိုတော့ လတ်တလော လိုအပ်တဲ့ ညှိနှိုင်းဆောင်ရွက်မှုတွေ အတွက်လောက်ပဲ သွားတာဆိုတော့လေ။ နောက်လာမယ့် တွေ့ဆုံဆွေးနွေးပွဲတွေမှာတော့ တွေ့ဖြစ်ကြဖို့ ရှိပါတယ်။
မေး ။    ။ ပြည်တွင်းက ၈၈ အဖွဲ့တွေနဲ့ ABSDF တို့ရဲ့ဆက်ဆံရေးကရော ဘယ်လိုရှိလဲ။ သူတို့ကိုရော ဘယ်လိုမြင်လဲ။
ဖြေ ။    ။ ပြည်တွင်းက ၈၈ အဖွဲ့တွေနဲ့ အမြင်သဘောထားခြင်း ဖလှယ်နိုင်ဖို့ ကျနော်တို့အနေနဲ့ ကြိုးပမ်းသွားမှာပါ။ ကျနော်တို့ လုပ်ဖော်ကိုင်ဖက်၊ ရဲဘော်ရဲဘက်တွေ အပါအဝင် ပြည်တွင်းမှာရှိတဲ့ ဒေါ်အောင်ဆန်းစုကြည် ဦးဆောင်တဲ့ NLD ပါတီနဲ့ တခြားနိုင်ငံရေး အဖွဲ့အစည်းတွေနဲ့လည်း တွေ့ဆုံဆွေးနွေးနိုင်ဖို့ ကျနော်တို့ ကြိုးစားသွားမှာပါ။
မေး ။    ။ ကျနော်တို့ ကြားသိထားသလောက်ကတော့ ABSDF နဲ့ဆက်နွယ်ပြီး အကျဉ်းကျနေတဲ့ အကျဉ်းသား ၃၀ ကျော်လောက် ရှိတယ်လို့ သိရတယ်။ အစိုးရနဲ့ ဆွေးနွေးတဲ့အခါမှာ သူတို့အတွက် ဘယ်လိုစဉ်းစားထားလဲ။
ဖြေ ။    ။ တိုင်းပြည် ပြန်လည်ထူထောင်ရေးလုပ်ငန်းစဉ် လုပ်တဲ့နေရာမှာပဲဖြစ်ဖြစ်၊ နိုင်ငံရေးလုပ်ငန်း ဖော်ဆောင်တဲ့ နေရာမှာပဲဖြစ်ဖြစ် နိုင်ငံရေးအင်အားစု အားလုံး ပါဝင်ခွင့်ရဖို့ ဝိုင်းဝန်းဆွေးနွေး အဖြေရှာဖို့ လိုအပ်ပါတယ်။ ဒါကြောင့် အားလုံးပါဝင်တဲ့ နိုင်ငံရေး ဆွေးနွေးအဖြေရှာမှုမျိုး၊ လုပ်ငန်းစဉ်ဖော်ဆောင်မှုမျိုး ဖြစ်ဖို့အတွက်ဆိုရင် အားလုံးပါဝင်နိုင်မယ့် အခင်းအကျင်းမျိုး ဖော်ဆောင်ပေးဖို့လိုတယ်။ ဒါကြောင့် ABSDF အကျဉ်းသားများအပါအဝင် ကျန်ရှိနေတဲ့ နိုင်ငံရေး အကျဉ်းသားများအားလုံး လွတ်မြောက်ဖို့ အတွက်ကိုလည်း ကျနော်တို့အနေနဲ့ အစိုးရနဲ့ ညှိနှိုင်းဆောင်ရွက်သွားမှာပါ။
မေး ။    ။ တိုင်းရင်းသား လက်နက်ကိုင်တွေဟာ အစိုးရနဲ့ဆွေးနွေးတဲ့အခါ ကိုယ်ပိုင်ပြဌာန်းခွင့်နဲ့ နယ်မြေပိုင်းခြားရေးတွေကို အဓိကဆွေးနွေးတာကို တွေ့ရတယ်။ ABSDF ကကျတော့ ဘယ်အကြောင်းအရာတွေကို ဦးတည်ဆွေးနွေးကြမလဲ။
ဖြေ ။    ။ ဆွေးနွေးနေကြတဲ့ အဖွဲ့တွေကတော့ တဖွဲ့နဲ့တဖွဲ့ ပုံသဏ္ဍာန်ချင်းတော့ တူမှာမဟုတ်ပါဘူး။ တဖွဲ့ချင်းစီရဲ့ မတူကွဲပြားမှုအပေါ်မှာ အခြေခံပြီးတော့ ဆောင်ရွက်သွားရမယ့် အနေအထားတော့ ရှိပါလိမ့်မယ်။ အရာအားလုံးတော့ တထပ်တည်း ဖြစ်လိမ့်မယ်လို့တော့ ကျနော်တို့ မမျှော်လင့်ပါဘူး။
ကျနော်တို့ဟာ ပုံသဏ္ဍာန်ချင်း မတူညီတာတွေရှိနိုင်ပေမယ့် နိုင်ငံရေးအရ၊ ဦးတည်ချက်နဲ့ ရည်မှန်းချက်ကတော့ တိုင်းရင်းသားအဖွဲ့တွေနဲ့ အတူတူပါပဲ။ စစ်မှန်တဲ့ ပြည်ထောင်စု ဖော်ဆောင်ချင်တယ်။ ဒီမိုကရေစီနဲ့ အခြေခံ လူ့အခွင့်အရေးတွေ ရရှိစေချင်တယ်။ အဲဒီရည်မှန်းချက်တွေ အားလုံးတော့ တူကြပါတယ်။
မေး ။    ။ ဒါဆိုရင် ဧပြီလဆန်းပိုင်းမှာ အစိုးရ ငြိမ်းချမ်းရေး ဖော်ဆောင်ရေးအဖွဲ့တွေနဲ့ တွေ့ဆုံတဲ့အခါကြရင် ABSDF ဘက်က ဘယ်အရာတွေကို အဓိကထား တောင်းဆိုဆွေးနွေးကြမလဲ။
ဖြေ ။    ။ ခုချိန်မှာတော့ ကျနော်တို့ ဆွေးနွေးမယ့်အချက်တွေကို ပြောပြဖို့ စောပါသေးတယ်။ အဓိက အခြေခံအားဖြင့် အနှစ်ချုပ် ကျနော်တို့ သဘောထားပြောရမယ်ဆိုရင်တော့ ကျနော်တို့ တင်ပြဆွေးနွေးမယ့် နိုင်ငံရေးကိစ္စကတော့ ယနေ့ကာလ ဖြစ်နေတဲ့ နိုင်ငံရေးပြဿနာကို အဖြေရှာမယ်ဆိုရင် တဖွဲ့ချင်းစီနဲ့ တွေ့ဆုံဆွေးနွေးနေရုံနဲ့ မလုံလောက်ဘူး။ ABSDF နဲ့ လက်ရှိအစိုးရနဲ့ ကြားမှာ ပြေလည်ရုံနဲ့ မလုံလောက်ဘူး။ တိုင်းရင်းသား တဖွဲ့ချင်းနဲ့ပြေလည်ရုံနဲ့ မလုံလောက်ဘူး။
အဓိက ကျနော်တို့ ရည်ရွယ်ထားတာ၊ ရည်မှန်းထားတာကတော့ နိုင်ငံရေးပြဿနာကို အဖြေရှာနိုင်ဖို့အတွက်ဆိုရင် ပြည်တွင်း၊ ပြည်ပမှာ ရှိတဲ့ နိုင်ငံရေးအင်အားစု အားလုံးပါဝင်တဲ့ ညှိနှိုင်းဆွေးနွေးမှု၊ နိုင်ငံရေးဆွေးနွေးပွဲ လိုအပ်တယ်လို့မြင်ပါတယ်။ အဲဒါကို ဦးတည် ရည်ရွယ်ပြီး ကျနော်တို့အနေနဲ့ တင်ပြ ဆွေးနွေးသွားမှာပါ။
မေး ။    ။ အစိုးရနဲ့ အပစ်ခတ်ရပ်စဲရေး လတ်မှတ်ထိုးကြတဲ့ တိုင်းရင်းသားလက်နက်ကိုင် အဖွဲ့တွေနဲ့ရော အချိတ်ဆက်ရှိလား။ သူတို့တွေ အပစ်ရပ်ရေး လက်မှတ်ထိုးကြတဲ့အပေါ်မှာရော ABSDF ရဲ့ အမြင်က ဘယ်လိုရှိလဲ။
ဖြေ ။    ။ ကျနော်တို့ ဒီကနေ့အချိန်အထိ အတူတကွ တိုက်ပွဲဝင်ခဲ့ကြတာ တိုင်းရင်းသား လက်နက်ကိုင် အဖွဲ့အစည်းအားလုံးနဲ့ ထိတွေ့မှု ရှိပါတယ်။ ပြီးခဲ့တဲ့ကာလမှာပဲ အဖွဲ့အစည်းအားလုံးနဲ့ တဖွဲ့ချင်းစီနဲ့ ကျနော်တို့ အဖွဲ့အစည်းရဲ့ ဆောင်ရွက်နေတဲ့ အခြေအနေတွေ။ သူတို့ဆီက ဆောင်ရွက်နေတဲ့ အတွေ့အကြုံတွေကို အပြင်မှာရှိတဲ့ အဖွဲ့အစည်းအားလုံးနဲ့ တွေ့ဆုံဖြစ်တယ်ပေါ့နော်။
နောက်တခုကတော့ ကျနော်တို့အမြင်ကတော့ ဒီနေ့ကာလမှာ စစ်မှန်တဲ့ ပြည်တွင်းငြိမ်းချမ်းရေးကို ဖော်ဆောင်ဖို့အတွက်ဆိုရင် စစ်မှန်တဲ့ အပစ်ခတ်ရပ်စဲရေးကို မလုပ်နိုင်ရင် ပြည်တွင်းငြိမ်းချမ်းရေးကို ဖော်ဆောင်နိုင်မှာ မဟုတ်ဘူး။ ပြည်တွင်းစစ် ဖြစ်ရခြင်းရဲ့ နိုင်ငံရေးပြဿနာတွေကို ညှိနှိုင်းဆွေးနွေး အဖြေရှာမယ်ဆိုရင် တကယ်စစ်မှန်တဲ့ ပြည်တွင်းငြိမ်းချမ်းရေးကို ဖော်ဆောင်နိုင်မယ်။ တိုင်းရင်းသားတွေရဲ့ နိုင်ငံရေးမျှော်မှန်းချက်ဖြစ်တဲ့ အမျိုးသားရေး တန်းတူရေးနဲ့ ကိုယ်ပိုင်ပြဌာန်းခွင့် ဖော်ဆောင်နိုင်မယ်လို့ ကျနော်တို့ မြင်ပါတယ်။
မေး ။    ။ လတ်တလောကာလမှာ ပြည်တွင်း ပြည်ပ သတင်းမီဒီယာတွေနဲ့ လူမှုဆက်သွယ်ရေးကွန်ယက် Face Book လို စာမျက်နှာတွေပေါ်မှာ ABSDF မြောက်ပိုင်းမှာ ဖြစ်ပျက်ခဲ့တဲ့ ရဲဘော်ချင်း စွပ်စွဲသတ်ဖြတ်မှုဆိုတဲ့ကိစ္စမျိုးဟာ အစိုးရနဲ့ ဆွေးနွေးမယ့်အခါမှာ အဟန့်အတားများဖြစ်စေမလား။
ဖြေ ။    ။ ကျနော်တို့အနေနဲ့ကတော့ ဖြစ်လိမ့်မယ်လို့ မထင်ပါဘူး။ အခုလည်း ဒီမြောက်ပိုင်းကိစ္စကို စနစ်တကျ ဖြေရှင်းဆောင်ရွက်နိုင်ဖို့ အတွက်ကိုလည်း ကော်မရှင်တရပ် ဖွဲ့စည်းဆောင်ရွက်နေတယ်။ ကော်မရှင်ကလည်း သူတို့ ရှေ့ဆက်သွားမယ့် လုပ်ငန်းစဉ်ကိုလည်း ကျနော်တို့ကို တင်ပြထားပြီးဖြစ်ပါတယ်။
မေး ။    ။ အစိုးရက တခြား တိုင်းရင်းသား လက်နက်ကိုင်တွေနဲ့ တွေ့ဆုံဆွေးနွေးသလို ABSDF ကို တန်းတူ ဆွေးနွေးမယ့်သဘောရှိလား။
ဖြေ ။    ။ ရှိပါတယ်။ ကျနော်တို့နဲ့ စပြီး ဆွေးနွေးဖို့ ကမ်းလှမ်းစဉ်ကတည်းက သူတို့ရဲ့ မူလသဘောထားကို ဖော်ပြထားတာရှိပါတယ်။ ပြည်တွင်းငြိမ်းချမ်းရေးကို ဖော်ဆောင်ဖို့အတွက် ငြိမ်းချမ်းရေးစားပွဲမှာ တန်းတူရည်တူ ဆွေးနွေးမယ်ဆိုတဲ့ ဖိတ်ခေါ်ကမ်းလှမ်းမှု အပေါ်မှာမူတည်ပြီးတော့ ကျနော်တို့လည်း နိုင်ငံရေးပြဿနာကို နိုင်ငံရေးနည်းလမ်းနဲ့ တွေ့ဆုံဆွေးနွေး အဖြေရှာနိုင်ဖို့အတွက် ရည်ရွယ်ပြီးမှ ဒီတွေ့ဆုံဆွေးနွေးပွဲကို လက်ခံခဲ့တာပါ။