ပြည်သူ့ လွှတ်တော် လစ်လပ်နေရာ (၃၇) နေရာနဲ့ အမျိုးသား လွှတ်တော် လစ်လပ်နေရာ (၆)နေရာနှင့် တိုင်းဒေသကြီး လွှတ်တော် (၂) နေရာ အတွက် ကျင်းပခဲ့တဲ့ ကြားဖြတ် ရွေးကောက်ပွဲကြီး ကတော့ ပြီးဆုံး သွားပါပြီ။ အမျိုးသား ဒီမိုကရေစီ အဖွဲ့ ချုပ်က (၄၅) နေရာမှာ (၄၃)နေရာ ရရှိသွားတဲ့ အတွက် ( ၉၆ ) ရာခိုင်နှုန်းနဲ့ အနိုင် ရရှိသွားခဲ့ပါတယ်။
ရှုံးနိမ့်ခဲ့သူ ကြံ့ဖွံ့ ပါတီရဲ့ အရှုံးကတော့ အလွန်ပဲ ရှက်စရာကောင်းတဲ့ အရှုံး တစ်ခုလို့ ဆိုရမှာပါ။ အခြားယှဉ်ပြိုင်တဲ့ ပါတီများ နှင့်ယှဉ်လျင် ငွေကြေးအမြောက်အများ သုံးစွဲနိုင်တဲ့ပါတီဖြစ်သလို လက်ရှိ အာဏာရ ပါတီ လည်းဖြစ်တဲ့ ကြံ့ဖွံ့ပါတီကို ပြည်သူလူထုက လုံးဝယုံကြည် မှုမရှိ၊ မထောက်ခံဘူးဆိုတာ ပြသလိုက်တာဖြစ်တယ်လို့ ဝေဖန်ချက်တွေ ထွက်ပေါ်လာပါတယ်။ ဒါ့ကြောင့် ကြားဖြတ်ရွေးကောက်ပွဲမှာ ကြံ့ဖွံ့ပါတီရဲ့ ရှက်ဖွယ်လိလိ အရှုံးကို ပြန်လည် ဆန်းစစ်ကြည့် လိုက်ရင် ပါတီအတွင်း စည်းလုံးညီညွတ်မှုမရှိခြင်း၊ မီဒီယာ လှုံ့ဆော်မှု အားနည်းခြင်း၊ အပြောင်းအလဲ လုပ်လိုသော ပြည်သူများကို မစည်းရုံးနိုင်ခြင်း တို့ကြောင့် ဖြစ်ပါတယ်။
ပါတီအတွင်း စည်းလုံးညီညွတ်မှုမရှိခြင်း
နေ့စဉ် အင်တာနက် သတင်းတွေမှာ ပါရှိနေတဲ့ ကြံ့ဖွံ့ပါတီ အကွဲအပြဲ သတင်းတွေအရ ပါတီဝင် အချင်းချင်း စည်းရုံးမှု ရှိအောင် မလုပ်နိုင်ဘူးဆိုတာ ထင်ရှားနေပါတယ်။ အစိုးရ အဖွဲ့အတွင်းနေရာ မရတဲ့ ကြံ့ဖွံ့အမတ်တွေက နေရာရနေတဲ့ သူတွေကို မကျေမနပ်ဖြစ်ပြီး တိုက်ခိုက်နေမှုတွေဟာ ပြည်သူလူထုရဲ့ ယုံကြည်မှုကို ကျဆင်းစေတဲ့ အဓိကအချက်ဖြစ် ပါတယ်။ သိသာထင်ရှားတဲ့ အကွဲအပြဲကတော့ သမ္မတကြီးကိုတောင် ကြံ့ဖွံ့ပါတီရဲ့ ဒုဥက္ကဌဖြစ်တဲ့ ဦးရွှေမန်းကိုယ်တိုင် Political Challenge လုပ်ခြင်းဖြစ်ပါတယ်။
အထူးသဖြင့် ကြံ့ဖွံ့ပါတီ ဒုတိယ ဥက္ကဌ ဦးရွှေမန်းဟာ ဒီမိုကရေစီ ဘက်တော်သား တစ်ဦးဆိုတဲ့ ပုံရိပ်ကို အထင် အရှားပုံဖော်ပြီး လွှတ်တော်အတွင်းပြုမူ၊ ပြောဆိုလှုပ်ရှားမှုများက လူပြိန်းကြိုက် အစိုးရကို ဝေဖန်ပြစ်တင်သလို ဖြစ်နေ ပါတယ်။ လက်ရှိ အစိုးရ အဖွဲ့ရဲ့ စွမ်းဆောင်မှု၊ အောင်မြင်မှုများသည် ကြံ့ဖွံ့ပါတီအပေါ် တိုက်ရိုက် အကျိုးသက်ရောက်မှု ရှိမှာဖြစ်သလို လက်ရှိ အစိုးရအဖွဲ့ အားနည်းချက် များဖြစ်ပေါ်လာခဲ့ရင် ပြည်သူများကြံ့ဖွံ့ပါတီကို အပြစ်မြင်ကြမှာဖြစ်ပါတယ်။ လွှတ်တော်အသံ၊ ပြည်သူ့အသံဆိုတဲ့ ဆောင်ပုဒ်နှင့်အညီ ပြည်သူ့လွှတ်တော် ဥက္ကဌကြီးနှင့် ကြံ့ဖွံ့ပါတီကနေဖြစ်လာတဲ့ လွတ်တော်အမတ်မင်း အချို့ကလက်ရှိအစိုးရအဖွဲ့အကြပ်အတည်း၊ အခက်အခဲဖြစ်စေတဲ့ အဆိုပြုချက်များတင်သွင်း နေခြင်းဟာ မိခင်ကြံ့ဖွံ့ပါတီအတွင်း စည်းလုံးညီညွတ်မှုမရှိဘူးဆိုတာကို ထင်ရှားပြတ်သားစွာ ဖော်ပြသလို ဖြစ်နေပါတယ်။
ဒါ့အပြင် လက်ရှိ အာဏာရ ပါတီဖြစ်တဲ့ ကြံ့ဖွံ့ပါတီမှ တိုင်းနှင့်ပြည်နယ် တာဝန်ခံများနှင့် အတွင်းရေးမှူးများက လည်း မဲဆွယ်စည်းရုံးရေးကာလမှာ စည်းရုံးရေးအလုပ်တွေကို ဖိဖိစီးစီး လုပ်ရမဲ့အစား ပြည်နယ်၊ တိုင်း ဒေသကြီး အစိုးရ အဖွဲ့တွေရဲ့ အားနည်းချက်တွေကိ်ုစောင့်ကြည့်ပြီး ထိုးနှက်တိုက်ခိုက်ဖို့အတွက်သာ အားသန်နေခဲ့ကြတယ်လို့ လေ့လာသူ များကဆိုပါတယ်။ တစ်ဦးနဲ့ တစ်ဦး မြွေမြွေချင်း ခြေမြင်ဆိုသလို စည်းလုံးမှု မရှိပဲ တိုက်ခိုက်နေတဲ့ အကျိုးအမြတ်တွေရဲ့ ရလာဒ်ကတော့ မီဒီယာများမှာ တိုင်စာတွေ ပလူပျံလာခဲ့ပါတယ်။ တိုင်စာတွေကလည်း အနီးစပ်ဆုံး မှန်ကန်နေပြီး လူတန်းစား အသီးသီးဆီသို့ ကျယ်ကျယ်ပြန့်ပြန့် ပျံ့နှံ့ရောက်ရှိခဲ့ပါတယ်။ ဒါကြောင့်ပြည်သူအများစုဟာ ကြံ့ဖွံ့ပါတီကို မကျေနပ် ချက်တွေရှိလာပြီး အတိုက်အခံ ပါတီများက ကြံ့ဖွံ့ပါတီကို ဖြိုခွဲစရာ မလိုပဲ သူတို့အချင်းချင်း ပြိုကွဲလျက် ရှိနေတယ်ဆိုတာ အထင်အရှားမြင်တွေ့ ကြားသိနေရပါတယ်။
ဒီမိုကရေစီရဲ့ လွတ်လပ်မှုကို အခွင့်ကောင်းယူပြီး တစ်ယောက်နဲ့ တစ်ယောက် ရင့်ကျက်မှု မရှိဘဲ အတိုက်အခိုက် လက်သီးပုန်းတွေ သုံးနေကြတာဟာ ပါတီစည်းလုံးညီညွှတ်မှုကို မတည်ဆောက်နိုင်တာကြောင့် ဖြစ်ရတာပါ။ ပါတီအတွင်း စည်းလုံးညီညွှတ်မှုကို မတည်ဆောက်နိုင်ဘဲ ပါတီပြင်ပကို စည်းရုံးနိုင်ဖို့ဆိုတာ မဖြစ်နိုင်ပါဘူး။ ဒါကြောင့် ပါတီရှုံးရခြင်းရဲ့ အကြောင်း အရင်းကလည်း ပါတီတွင်းစည်းလုံးညီညွှတ်မှု မရှိခြင်းဟာ အဓိက အချက်ဖြစ်ပါတယ်။
မီဒီယာလှုံ့ဆော်မှုအားနည်းခြင်း
ပြောင်းလဲလာတဲ့ ခေတ်အခြေ အနေအရ အစိုးရမှ မီဒီယာများအား လွတ်လွတ် လပ်လပ် လုပ်ကိုင်ခွင့်ပေးခဲ့ခြင်းအပေါ် ယခင်စစ် အစိုးရ လက်ထက်က ဆန့်ကျင်ဘက် လုပ်ခဲ့တဲ့ မီဒီယာတွေ အားလုံး NLD ပါတီ ဘက်ကို ကူးပြောင်းခဲ့ကြပါတယ်။ အထူးသဖြင့် ပြည်တွင်းမှာ ရှိတဲ့ ဂျာနယ်၊ မဂ္ဂဇင်း များနှင့် ပြည်ပ အခြေစိုက် အင်တာနက် မီဒီယာများ အပါအ၀င် အနောက်နိုင်ငံ အသံလွှင့် ဌာနများမှ NLD ပါတီကို ပြည်သူလူထုမှ အုံးအုံးကြွက်ကြွက်ဖြစ် လာအောင် ၀ိုင်းဝန်း ပံ့ပိုးပေးခဲ့ကြပါတယ်။
မီဒီယာများ အပြင် နိုင်ငံအနှံ့က မြို့ပေါ်ကျေးလက်ပါ မကျန် အားလုံး သိကြတဲ့ အနုပညာရှင်တွေက NLD ဖျော်ဖြေ ရေး အသွင် စည်းရုံးမဲဆွဲ တာဟာလည်း ကြံ့ဖွံ့ပါတီကို အားလျော့စေခဲ့ပါတယ်။ ဒီနေရာမှာ နောက်ကွယ်က ဆရာကြီးတွေရဲ့ မီဒီယာ လွှမ်းမိုးမှုအပေါ် NLD မှ ထိရောက်စွာ အသုံးချနိုင်ချိန်မှာ ကြံ့ဖွံ့ပါတီအနေနဲ့ မီဒီယာတုံ့ပြန်နိုင်မှု လုံးဝမပြုလုပ်နိုင်ဘူး ဆိုတာကို တွေ့ရှိရမှာဖြစ်ပါတယ်။
NLD ပါတီဟာ သူတို့ရဲ့ လှုပ်ရှားမှုတွေကို ပြည်သူလူထုအတွင်း ကျယ်ကျယ်ပြန့်ပြန့် ရောက်ရှိသိရှိနိုင်စေရန် အတွက် ဗြိတိသျှသံရုံးအကူအညီနဲ့ ဒီလှိုင်းဂျာနယ်ကို အရှုံးခံထုတ်ဝေခဲ့ပါတယ်။ အလားတူပဲ အနောက်အုပ်စုမှ ခေါင်းစဉ် အမျိုးမျိုးနဲ့ ထောက်ပံကြေးအမျိုးမျိုးကိုရယူထားတဲ့ ပြည်တွင်း၊ ပြည်ပ ပုံနှိပ်မီဒီယာ လောကနဲ့ အီလက်ထရောနစ် မီဒီယာလောကက သတင်းသမား၊ အတင်းစကား တွေကို အစီအမံရှိရှိ အကွက်ကျကျနဲ့ NLD ကို ၀ိုင်းဝန်းပုံဖော် ပေးခဲ့ကြပါတယ်။ ကြော်ငြာကို စိတ်ဝင်စားတဲ့မြန်မာလူမျိုးများရဲ့ပင်ကို ဓလေ့စရိုက်အရဒေါ်အောင်ဆန်း စုကြည်နဲ့ ဗိုလ်ချုပ်အောင်ဆန်းပုံပါတဲ့ ဂျာနယ်တွေဟာ ရောင်းအားတက်ခဲ့သလို ဖွင့်လိုက်သမျှ ရေဒီယို အသံလှိုင်းများမှာလည်း သူတို့အသံ သူတို့အကြောင်းတွေ ကိုသာ အမြဲတမ်းကြားသိနေရပါတယ်။ ဒီလိုအခြေအနေ ဒီလိုအချိန်မျိုးမှာ ကြံ့ဖွံ့ ပါတီကတော့ ပါတီလှုပ်ရှားမှုသတင်းစဉ်လေးတောင် မထုတ်ဝေနိုင်ခဲ့ပါဘူး။
တစ်ခါတစ်လေ မီဒီယာ စာမျက်နှာမှာတွေ့ရတဲ့ ကြံ့ဖွံ့ပါတီရဲ့ ဒေသဖွံ့ဖြိုးရေးလုပ်ငန်းတွေကလည်း ပါတီကလုပ်ပေး တာလား အစိုးရက လုပ်ပေးတာလား မကွဲပြားပဲ ပြည်သူတွေကို ရှင်းရှင်းလင်းလင်း သတင်းထုတ်ပြန်နိုင်တာ မရှိပါဘူး။ လုပ်ပေးခဲ့တဲ့ ဒေသဖွံ့ဖြိုးရေးလုပ်ငန်းများမှာလည်း ကိုယ်ကျိုးစီးပွား ရှာခြင်းများရှိသလို ကြံ့ဖွံ့ပါတီကလုပ်ပေးခြင်းကို ပြည်သူအများနားလည်အောင် မလုပ်နိုင်ခဲ့ကြပါဘူး။
အထူးသဖြင့်မှ ဒေါ်အောင်ဆန်းစုကြည်၏ လှုပ်ရှားမှုများကို အသေးအဖွဲပါ မကျန် နာရီစဉ် အလိုက် စက္ကန့်မခြား မီဒီယာများမှ ထုတ်လွှင့်ဖော်ပြနေတဲ့အချိန်မှာ ကြံ့ဖွံ့ကအချို့အမတ်မင်းများရဲ့ မကောင်းသတင်းတွေ ကတော့ မီဒီယာ များမှာ အနံ့မခံချင်လောက်အောင် ပုတ်ပွနေခဲ့ပါတယ်။ အလားတူကြံ့ဖွံ့ပါတီရဲ့ စည်းရုံးရေးလုပ်ငန်းလုပ်ဖို့ တာဝန်ပေး ထားတဲ့ တိုင်းဒေသကြီးနှင့် ပြည်နယ်တာဝန်ခံများကလည်း တိုင်းဒေသကြီးနှင့် ပြည်နယ်အစိုးရများရဲ့ အားနည်းချက် သတင်း၊ လာဘ်စားတဲ့သတင်းတွေကို စုစည်းပြီး ကိုယ့်ပေါင်ကိုပြန်ထောင်း ခဲ့ကြပါတယ်။ မီဒီယာများမှာ ပါလာတဲ့ ကြံ့ဖွံ့ ပါတီနဲ့ပတ်သက်တဲ့သတင်းတွေကို ဖြေရှင်းချက်မပေးခဲ့သလို ပါတီမှလုပ်ပေးနေတဲ့ ဒေသဖွံ့ဖြိုးရေးလုပ်ငန်းတွေကိုလည်း ပြည်သူလူထုမှ ကျယ်ကျယ်ပြန့်ပြန့်သိရှိအောင် မီဒီယာကိုအသုံးမချနိုင်ခဲ့တာက ကြီးမားတဲ့ အားနည်းချက်ပဲဖြစ်ပါတယ်။ ဒါ့ကြောင့် NLD ပါတီနဲ့ ကြံ့ဖွံ့ပါတီရဲ့မီဒီယာလှုံ့ဆော်နိုင်မှုကို နှိုင်းယှဉ်လိုက်ရင် ကြံ့ဖွံ့ပါတီ အနေနဲ့ အကြီးအကျယ် အပြတ်အသတ် ရှုံးနိမ့်ခဲ့ပါတယ်။
သာမာန်ပြည်သူတစ်ယောက်ဟာ သူရွေးချယ်ရမဲ့ NLD ပါတီကိုယ်စားလှယ်ရဲ့ လုပ်ရည်ကိုင်ရည်၊ အကျင့်စာရိတ္တ၊ နိုင်ငံရေးအတွေ့အကြုံတွေကို သိစရာမလိုပဲ ခွပ်ဒေါင်းကို အမှန်ခြစ်ခဲ့ကြတာကို ဆန်းစစ်ကြည့်လိုက်ရင် မီဒီယာကိုအသုံးချ သွားတဲ့ ဒေါ်အောင်ဆန်းစုကြည်ရဲ့ ပုံရိပ်ကြောင့်ဖြစ်ပါတယ်။
ဒါ့ကြောင့် ယခုကြားဖြတ်ရွေးကောက်ပွဲမှာ မီဒီယာရဲ့ အရေးပါမှုကို ထင်ထင်ရှားရှားမြင်ခဲ့ရသလို နိုင်ငံရဲ့ စတုတ္ထ မဏ္ဍိုင်ကို NLD က ကိုင်လှုပ်သွားနိုင်ခဲ့ပါတယ်။ အစိုးရအဖွဲ့ရဲ့ မူဝါဒ အပြောင်း အလဲကြောင့် အစိုးရ မီယာတွေက ကြံ့ဖွံ့ ပါတီကို မပံ့ပိုးပေးနိုင်တော့တာကို ပါတီတာဝန် ရှိသူတွေက မေ့လျော့နေခဲ့ကြပါတယ်။ ပါတီအနေနဲ့ ကိုယ်ပိုင်မူ ကိုယ်ပိုင် ဟန်တွေနဲ့ မီယာဒီလှုံ့ဆော်မှု ပြုလုပ်နိုင်ခြင်းမရှိသလို လုပ်ရကောင်းမှန်း မသိသလိုပဲ ဖြစ်နေခဲ့ကြပါတယ်။ ဒါ့ကြောင့်မို့ ကြားဖြတ်ရွေးကောက်ပွဲမှာ ကြံ့ဖွံ့ပါတီရဲ့ အပြတ်အသတ်ရှုံးနိမ့်ခဲ့ရခြင်းရဲ့ ဒုတိယ အရေးကြီး အချက်ကတော့ မီဒီယာ လှုံ့ဆော်မှု အားနည်းခြင်းဖြစ်ပါတယ်။
ရွှေဟင်္သာသတင်းဌာနမှ ကူးယူဖော်ပြပါသည်။
No comments:
Post a Comment