အမေ့အိမ်

ပြည်ထောင်စုလွှတ်တော်နာယက ဦးခင်အောင်မြင့်နှင့် တွေ့ဆုံမေးမြန်းခြင်း (၁)

အမျိုးသားလွှတ်တော် ဥက္ကဋ္ဌနှင့် ပြည်ထောင်စုလွှတ်တော် နာယက ဦးခင်အောင်မြင့်နှင့် ဧရာဝတီ အယ်ဒီတာ ကိုအောင်ဇော်တို့ နေပြည်တော်တွင် မေလအတွင်းက တွေ့ဆုံမေးမြန်းခဲ့သည်။

ကိစ္စများ၊ ဘတ်ဂျက်အဆုံးအဖြတ်များ၊ လာဘ်စားမှုတိုက်ဖျက်ရေး၊ ကြားဖြတ်ရွေးကောက်ပွဲ ဝင်ရောက် ယှဉ်ပြိုင်သည့် အမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်နှင့် လွှတ်တော်အလားအလာ၊ ဒေါ်အောင်ဆန်းစုကြည်အပေါ် ဦးခင်အောင်မြင့်၏ သဘောထားများကို ကိုအောင်ဇော်က မေးမြန်းထားပါသည်။

ဗိုလ်ချုပ်ဟောင်း ဦးခင်အောင်မြင့်သည် ယခင်စစ်အစိုးရလက်ထက်တွင် ယဉ်ကျေးမှုဝန်ကြီးအဖြစ် တာဝန်ယူခဲ့သည်။ ယင်းမတိုင်ခင်က တပ်မတော် ပြည်သူ့ဆက်ဆံရေးနှင့် စိတ်ဓာတ်စစ်ဆင်ရေး ညွှန်ကြားရေးမှူးအဖြစ် တာဝန်ထမ်းဆောင်ခဲ့သည်။
မေး ။ ။ ဘင်္ဂလားဒေ့ရ်ှကိစ္စနဲ့ ပတ်သက်ပြီးတော့ တီဗီမှာလည်း ကြေညာသွားတယ်။ တချို့ကလည်း မြန်မာက နစ်နာတယ်လို့ ပြောတယ်။ အမျိုးသားလွှတ်တော်ဥက္ကဋ္ဌ၊ ပြည်ထောင်စုလွှတ်တော် နာယက တယောက်အနေနဲ့ ဘယ်လိုများ ပြောချင်ပါသလဲ။
ဖြေ ။ ။ ITLOS (ပင်လယ်ပြင် ဥပဒေဆိုင်ရာ နိုင်ငံတကာခုံရုံး) က ဆုံးဖြတ်တာ မှန်ပါတယ်၊ တရားမျှတပါတယ်၊ တော်လည်း တော်ပါတယ်။ စိန့်မာတင်ကျွန်းကို မြန်မာနဲ့ မျက်နှာချင်းဆိုင်ထားတဲ့ ကိစ္စကို တ၀က်ဆီယူလိုက်တယ်။ သူက ကပ်နေတာကိုး။ သူတို့ပိုင်တဲ့ကျွန်း၊ သူတို့ကို ၁၂ မိုင် တ၀က်ဆီပေးလိုက်တာ။ ပြီးတော့မှ ပေးလို့ရတဲ့နေရာမှာ ၁၂ မိုင် ပေးလိုက်တယ်။ နတ်မြစ်ဝကနေပြီးတော့ နိုင်ငံနှစ်နိုင်ငံအတွက် ပိုင်းခြားတဲ့မျဉ်းကို သွားဆုံတဲ့အခါမှာ အဲဒီမျဉ်းအတိုင်း ယူလိုက်တယ်။ မှန်ကန်ပါတယ်။ နစ်နာချက် မရှိပါဘူး။ ကျနော်တို့ဒီဘက်မှာ ရထားတဲ့ အရေးကြီးတဲ့ သဘာဝဓာတ်ငွေ့၊ ရေနံတို့နဲ့ ပတ်သက်ပြီးတော့ မထိခိုက်ပါဘူး။
မေး ။ ။ နောက်ဆုံးပိတ်လွှတ်တော် အခြေအနေပေါ့။ Budget debate (ဘတ်ဂျတ်ဆိုင်ရာ အချေအတင် ဆွေးနွေးမှု) နဲ့ပတ်သက်ပြီးတော့ ဘာတွေဖြစ်ခဲ့လဲ။
ဖြေ ။ ။ ဒါက ပုံမှန်လုပ်ငန်းပါ။ နှစ်တနှစ်ကုန်ခါနီး Budget year ပေါ့။ Budget year က မတ်လ ၃၁ မှာ ဖြစ်တဲ့အတွက် လာမယ့်နှစ်အတွက် စီမံကိန်းကို စပြီးတော့ ပြည်ထောင်စုလွှတ်တော်ကို တင်ရမှာ။ အမျိုးသားစီမံကိန်းပေါ့။ စီမံကိန်းကို လွှတ်တော်က အတည်ပြုရပါတယ်။ စီမံကိန်းကို လွှတ်တော်က အတည်ပြုပေးပြီ ဆိုတော့ ဘတ်ဂျက်သည် အဲဒီစီမံကိန်းကို အကောင်အထည် ဖော်တဲ့အခါမှာ လိုအပ်တဲ့ဘဏ္ဍာငွေ သုံးစွဲမှု၊ ဒါကို ဆက်တင်ရပါတယ်။ ဆက်တင်ပြီးတော့မှ ပြည်ထောင်စုလွှတ်တော်က အတည်ပြုထားတဲ့ အမျိုးသား စီမံကိန်း ဥပဒေနဲ့ ဘတ်ဂျက်နဲ့ ကိုက်ညီတယ် ဆိုရင် ဘာမှ လွှတ်တော်ကိုယ်စားလှယ်တွေက ဖြတ် ထောက်ခြင်း မပြုတော့ပါဘူး။ စီမံကိန်းနဲ့ မကိုက်ညီဘူးဆိုရင်တော့ ဖြတ်မယ်။ အဲဒီတော့ အရေးကြီးတာက စီမံကိန်းပေါ့။
မေး ။ ။ ကျန်းမာရေးနဲ့ ပတ်သက်တဲ့ အသုံးစရိတ်က လေးဆလောက် ပိုမြင့်သွားတယ်။ ဒါပေမယ့် ကာကွယ်ရေးအသုံးစရိတ်က အရင်လိုပဲ အမြင့်ဆုံးပဲ။ အဲဒါတွေကျတော့ ဘယ်လို ဆုံးဖြတ်တာလဲ။
ဖြေ ။ ။ ဒါကတော့ အများသဘောတူ၊ နိုင်ငံတနိုင်ငံမှာ ကာကွယ်ရေးက အရေးကြီးတယ်။ တခြားနိုင်ငံတွေနဲ့ အသုံးစရိတ်ယှဉ်လိုက်တဲ့အခါ တခြားနိုင်ငံတွေထက်စာရင် အများကြီးနည်းတယ်။ အများကြီးနည်းတဲ့အတွက် ဒါနဲ့ပတ်သက်လို့ ဘယ်သူမှ မကန့်ကွက်ဘူး၊ ဘယ်ပါတီကမှလည်း မကန့်ကွက်ဘူး၊ ဒီကာကွယ်ရေး အသုံးစရိတ်ကို။ အဲဒါနဲ့ အတည် ဖြစ်သွားတယ်။
မေး ။ ။ လွှတ်တော်ထဲမှာ ၂၅ ရာခိုင်နှုန်းကို စစ်တပ်ကနေ ယူထားတယ်။ ကျန်တာလည်း ကြံ့ခိုင်ရေးနဲ့ ဖွံ့ဖြိုးရေးပါတီက ယူထားတယ်။ ကျန်တဲ့ အတိုက်အခံက နည်းတယ်ဆိုတော့ လွှတ်တော်ဟာ လက်ညှိုးထောင်ခေါင်းညိတ် (Rubber-stamp) ဖြစ်တယ်ဆိုပြီး တချို့ကလည်း မြင်ကြတာရှိတယ်။ အဲဒါမျိုး ဝေဖန်တဲ့အသံတွေကျတော့ရော ဘယ်လိုတုန့်ပြန်တာမျိုးရှိလဲ။
ဖြေ ။ ။ အဲလိုသာ လက်ညှိုးထောင်ခေါင်းညိတ် (Rubber-stamp) ဖြစ်မယ်ဆိုရင် ဒီနှစ် ဘတ်ဂျက်ဆက်ရှင် ဒီလောက်ကြီး ကြာစရာတောင် အကြာင်းမရှိဘူး။ အခုဆွေးနွေးတာတွေ၊ ဖြတ်တောက်တာတွေအားလုံးက အဓိကက ပြည်ခိုင်ဖြိုးပါတီကပါ၊ အများစုက။ တပ်မတော်သားတွေကလည်း မဲပေးတဲ့အထဲမှာ ပါတာပေါ့လေ။ တပ်မတော်သား အပိုင်းကတော့ ဆွေးနွေးတဲ့ကိစ္စ ဒီလောက်မရှိဘူး။ မဲပေးတဲ့ အပိုင်းမှာ ပါတာပေါ့။ သူတို့မဲပေးတဲ့အပိုင်းကပါလို့လည်း အခု ဖြတ်တောက်တဲ့အတိုင်းက အတည်ဖြစ်ကုန်တာပေါ့။ သူတို့ရဲ့ လေးပုံတပုံဆိုတဲ့ ရာခိုင်နှုန်းက မဲပေးတဲ့ နေရာကျတော့ ဒီလောက်ကြီးတော့ အထောက်အပံ့တော့ မဖြစ်ပါဘူး။ မပါဘဲနဲ့လည်း ဖြစ်သွားတဲ့ အနေအထား ရှိပါတယ်။
ဒါပေမယ့် ကျနော်တို့ မြန်မာနိုင်ငံရဲ့ လွှတ်တော်ရဲ့ ထူးခြားချက်တရပ်ရှိတယ်။ ဒီထဲမှာ ပါတီ ၁၇ ခု၊ ၁၈ ခု ရှိတယ်။ ပါတီတွေက လူနည်းပါတယ်။ တခြားပါတီထက် ပြည်ခိုင်ဖြိုးကများတယ်။ သို့သော် တပ်မတော်သား အပါအ၀င် အားလုံးက နိုင်ငံအကျိုးနဲ့ ယှဉ်ရင်ပါတီအကျိုးကို စွန့်လွှတ်မယ် ဆိုတဲ့ စိတ်ဓာတ်ရှိတယ်။ ဒါ မြန်မာ့လွှတ်တော်ရဲ့ ထူးခြားချက်ပဲ။ အဲဒီအတွက် ဘယ်ပါတီကပဲဖြစ်ဖြစ်၊ ဥပမာ – နန်းဝါနု၊ ကျားဖြူပါတီက တင်တယ်၊ ပြည်ခိုင်ဖြိုးကလည်း ထောက်ခံတယ်။ ဟိုးအရင်တခါက နိုင်ငံရေးအကျဉ်းသားလွှတ်ဖို့ တင်တယ်။ တပ်မတော်သားတွေက ထောက်ခံတယ်။ အကုန်လုံးပဲ။ အဲဒါက တော်တော်ချစ်စရာကောင်းတဲ့ စိတ်ဓာတ်ပဲ။
မေး ။ ။ နိုင်ငံတကာမှာ လွှတ်တော်ဆိုတာကတော့ ဥပဒေပြုအာဏာ အမြင့်ဆုံးအဖွဲ့အစည်းတခု ဖြစ်ပါတယ်။ အဲဒီထဲမှာရှိတဲ့ အာဏာ ၃ ရပ်ကို ကျင့်သုံးတဲ့ အခါမှာ Separation of powers (အာဏာခွဲဝေ ကျင့်သုံးမှု) ကိစ္စတွေမှာရော ဘယ်လောက်အထိ လွတ်လွတ်လပ်လပ် လုပ်ခွင့်ရှိပါသလဲ။
ဖြေ ။ ။ အခြေခံဥပဒေကိုက Separation of powers ကို အပြည့်အ၀ ပေးထားပါတယ်။ ပုဒ်မ ၁၁ မှာ ဥပဒေပြုရေးအာဏာ၊ အုပ်ချုပ်ရေးအာဏာ၊ တရားစီရင်ရေးအာဏာကို တတ်နိုင်သမျှ သီးခြားစီပိုင်းခြား ကျင့်သုံးပြီးတော့ အပြန်အလှန် ထိန်းကြောင်းရမယ်ဆိုပြီးတော့။ ဒီလိုဖြစ်တဲ့အတွက် ဥပဒေပြုရေးအာဏာမှာ လွှတ်တော်က အနီးဆုံးပဲ။ ကျနော့်အမြင်မှာပေါ့၊ ဥပဒေမရှိဘဲနဲ့ အုပ်ချုပ်တဲ့အဖွဲ့က အုပ်ချုပ်လို့လည်း မရဘူး။ ဥပဒေမရှိဘဲ နဲ့ တရားစီရင်ရေးအဖွဲ့ကလည်း တရားစီရင်လို့ မရဘူး။ ဆိုတဲ့အတွက် ဒီဥပဒေပြုရေးကတော့ ပိုပြီးတော့လည်း ပင်မဖြစ်တာပေါ့။
ဒီမှာ လွှတ်တော်က ဗဟိုမှာ ပြည်သူ့လွှတ်တော်၊ အမျိုးသားလွှတ်တော် ရှိတယ်။ နှစ်ခုပေါင်းရင်တော့ ပြည်ထောင်စုလွှတ်တော်ပေါ့၊ ပါလီမန်ပေါ့။ တိုင်းဒေသကြီးနဲ့ ပြည်နယ်ဆယ့်လေးခုမှာ လွှတ်တော်တွေ ရှိတယ်။ သူတို့ ကို Capacity building အများကြီး လုပ်ပေးဖို့လိုတယ်။ သူတို့ဟာ တိုင်းဒေသကြီးတခုနဲ့ ပြည်နယ်တခုနဲ့ တခုကအရွယ်အစားချင်း မတူတဲ့အတွက် လွှတ်တော်ကိုယ်စားလှယ် ဦးရေချင်းလည်း မတူဘူး ဆိုဒ်ချင်းလည်း မတူဘူး။ သူတို့လုပ်နိုင်ကိုင်နိုင်တာတွေကို ကျနော်တို့က အများကြီး ကူညီရမှာ ဖြစ်တယ်။
မေး ။ ။ ပြီးခဲ့တဲ့နှစ်က ဦးခင်အောင်မြင့်နေ VOA သတင်းဌာနနဲ့ပြောတဲ့အခါမှာ နိုင်ငံတကာက Pleased (ကျေနပ်မှု) ဖြစ်ဖို့ထက်စာရင် ကိုယ့်ပြည်သူက Pleased ဖြစ်ဖို့၊ ကျေနပ်ဖို့ လိုပါတယ်တဲ့။ ပါလီမန်ရဲ့ Performance ကို ပြောတဲ့ အခါကျတော့ အခု ပါလီမန်က Active ဖြစ်တယ်၊ Dynamic ဖြစ်တယ် ဆိုပြီး နိုင်ငံတကာက မြင်တယ်ပေါ့လေ။ ပြည်သူလူထုက ပါလီမန်ပေါ်မှာ တကယ်ပဲ ပြည်သူ့အသံ လွှတ်တော်အသံဆိုပြီး စပြီးဖော်ဆောင်နိုင်ပြီလို့ ထင်ပါသလား။
ဖြေ ။ ။ ထင်ပါတယ်။ စပြီး ဖော်ဆောင်နိုင်တယ်။ ကျနော်တို့က အခုဆို တော်တော်လေး အရှိန်ရလာ နေပြီ။ လွှတ်တော်စစချင်းမှာတော့ မိမိတို့မဲဆန္ဒနယ်က လိုအပ်ချက်တွေ ဘာတွေညာတွေ ဒီလောက်ပဲ ပြောကြဆိုကြပေါ့။ အခုဆိုရင်တော့ မူဝါဒပိုင်းဆိုင်ရာတွေပါ ဆွေးနွေးလာနိုင်တယ်။ ဒီပြည်သူ့အသံ လွှတ်တော်အသံ ဆိုတဲ့ထဲမှာ ကျနော်တို့က လွှတ်တော်ထဲ ရောက်မလာသေးတဲ့ နိုင်ငံရေးပါတီတွေရဲ့ အသံတွေလည်း နားထောင်တယ်။ သူတို့ဆီက စာတမ်းတွေ ဘာတွေ ပို့တယ် ကျနော့်ဆီကို။ နောက် သီးခြား အဖွဲ့အစည်းတွေရှိတယ်။ သူတို့ဆီလည်း ပို့တယ်။ ပို့လို့ရှိရင် ဥပမာ – လယ်ယာမြေကိစ္စ အများကြီး ပို့တယ်။ ဥပဒေကြမ်းကော်မတီကို အကုန်လုံး လွှဲပေးလိုက်တယ်။ ဒါတွေ ထည့်သွင်း စဉ်စားပါ၊ ထည့်သွင်းဆွေးနွေးပါ၊ ဒါလည်း ပြည်သူအသံပဲ။
ဆုံးဖြတ်တာကတော့ လွှတ်တော်ရဲ့ထုံးစံအတိုင်း အများသဘောတူ ဆုံးဖြတ်တာ။ သို့သော် အသံကိုနားထောင်တယ် ဆိုတဲ့အခါမှာ လွှတ်တော်ထဲ မရောက်သေးတဲ့ ပုဂ္ဂိုလ်တွေရဲ့ အသံတွေပါ နားထောင်တယ်။ အဲဒီတော့ ပြည်သူဆန္ဒက အဓိကပဲ။ ပြည်ပက Pleased ဖြစ်တာ မဖြစ်တာတွေထက် ကျနော်တို့က ကိုယ်လုပ်တာ ကိုယ့်ပြည်သူအတွက် လုပ်တာပဲ။
မေး ။ ။ Corruption လာဘ်စားမှု တိုက်ဖျက်ရေးအဖွဲ့ကော်မတီတွေလည်း ဖွဲ့ဖို့အစီအစဉ် ရှိပါသလား။ မြန်မာပြည်ရဲ့ လူဘောင်အဖွဲ့အစည်းမှာ Corruption က တကယ့်ကို ကင်ဆာတခုလို ဖြစ်နေပြီ ဆိုတော့ တိုက်ဖျက်ဖို့အတွက် လွှတ်တော်က ဘယ်လိုဆောင်ရွက်ဖို့ အစီအစဉ်တွေ ရှိပါသလဲ။
ဖြေ ။ ။ အင်တာနက်မှာ ဟိုနေ့က တွေ့လိုက်တယ်။ ပျောက်စေဆရာ ဘာလို့ ထွက်ပြေးတာလဲတဲ့၊ ပျောက်စေဆရာကို Corruption ကို ပျောက်အောင် လုပ်ခိုင်းလို့ ထွက်ပြေးတာတဲ့။
ကျနော်တို့က ဒီကိစ္စနဲ့ပတ်သက်လို့ သမ္မတကနေပြီးတော့ Clean Government, Good Governance လုပ်မယ်ဆိုကတည်းက ဒါကို အဓိကထားလုပ်မယ့် ရည်ရွယ်ချက်ရှိတယ်။ ရှိတဲ့အခါကျတော့ ကျနော်က ပြီးခဲ့တဲ့ လွှတ်တော်မတိုင်ခင် နှစ်ပတ်လောက်က ကျနော်တို့မှာ ကော်မရှင်ရှိပါတယ်။ အဲဒီကော်မရှင်ကို ကျနော်ခေါ်ပြီးတော့ ပြောသေးတယ်၊ ဒီကိစ္စ မပြီးသေးလို့။ အင်တာနက်မှာရှိတဲ့ Anti-Corruption Law အားလုံးကို Download လုပ်၊ ခင်ဗျားတို့လည်း လေ့လာ၊ လွှတ်တော်ကိုယ်စားလှယ် အားလုံးကို ဖြန့်။ ကျနော် ဖြန့်လိုက်တယ်။ အမျိုးသားလွှတ်တော်ဆီ ဖြန့်လိုက်တယ်။
ဖြန့်လိုက်တဲ့အခါမှာကျတော့ အမျိုးသားလွှတ်တော် ကိုယ်စားလှယ်တယောက်က ထပြီးတော့ ပြောတဲ့အခါမှာ ဥက္ကဋ္ဌက ကျနော်တို့ကို ဗဟုသုတအဖြစ် ပေးထားတဲ့ ဒီ Anti-Corruption Law တွေ ဘာညာဆိုတော့ ကျနော်ပြောတယ်၊ ဗဟုသုတအဖြစ်ပေးတာ မဟုတ်ဘူး၊ တကယ် တိုက်ဖျက်ဖို့ ပေးတာ။ တကယ်တိုက်ဖျက်နိုင်အောင် ကြိုးစားပါ။ ဆိုတော့ ပြည်သူ့လွှတ်တော်က ကြားသွားရော။ သိသွားတဲ့အခါမှာကျတော့ ကျနော်တို့ကိုလည်း ပေးပါဆိုတာ့ ပေးလိုက်၊ ပြည်သူ့လွှတ်တော်ထဲကိုလည်း အကုန်ပေးလိုက်၊ ပြည်ထောင်စု လွှတ်တော်တခုလုံးကို အင်တာနေရှင်နယ်က ရသမျှ Anti-Corruption Law ။
မြန်မာနိုင်ငံမှာ ၁၉၄၈ ခုနှစ် အဂတိလိုက်စားမူ တိုက်ဖျက်ရေး ဥပဒေ ဆိုတာရှိတယ်။ နောက်တခုက Money Laundring Law (ငွေမည်း ခဝါချမှုဆိုင်ရာ ဥပဒေ)။ ဒီနှစ်ခုက အဓိကရှိရမယ်။ ၁၉၄၈ က Anti-Corruption Law ကို ခေတ်နဲ့ လျော်ညီအောင် ပြင်ရမယ်။ ပြင်ဖို့အတွက် တာဝန်ပေးထားတာ ဒီလွှတ်တော်မတိုင်ခင် ၁၅ ရက်လောက်မှာ ကျနော်ပေးထားတာ အခုမပြီးဘူး။
ဒီဆက်ရှင်မှာ ဘာလို့မလုပ်နိုင်လဲဆို ဘတ်ဂျတ်တွေနဲ့ လုံးချာလည်လိုက်နေလို့ အချိန်မပေးနိုင်တာ။ နောက် ဆက်ရှင်ကျတော့မှ တင်နိုင်မယ်။ တင်တဲ့အခါမှာ လွှတ်လပ်တဲ့ အဖွဲ့အစည်း Anti-Corruption Law နဲ့ ပတ်သက်တဲ့ ကော်မရှင်လား၊ အဖွဲ့လား တခုခုလိုအပ်တာ။ လွှတ်တော်က သဘောတူ ဖွဲ့စည်းရင် ရပါတယ်။ လွှတ်တော်ရဲ့အောက်မှာ ထားချင်တယ် ကျနော်တို့က။ လွှတ်တော်ရဲ့အောက်မှာ ထားချင်တယ်ဆိုတာက လွှတ်တော် Check and balance လုပ်တဲ့အခါမှာ ဒီအဖွဲ့နဲ့ လုပ်ရမှာကိုး။
အခုရော မလုပ်ဘူးလားဆိုရင် ကျနော်တို့မှာ ကော်မတီတွေ ကော်မရှင်တွေ ဖွဲ့တဲ့အခါမှာ အမျိုးသားလွှတ်တော်ပဲ မူတည်ပြီးတော့ ကျနော်တို့မှာ နိုင်ငံသား၊ နိုင်ငံသားများ၏ မူလအခွင့်အရေး ဒီမိုကရေစီရေး၊ လူ့အခွင့်ရေးဆိုင်ရာ ကော်မတီတခု ရှိတယ်။ နောက်တခုက ပြည်သူလူထု၏ တိုင်းကြားစာနဲ့ အသနားခံစာဆိုင်ရာ ကော်မတီရှိတယ်။ အဲဒီမှာ စာတွေက လာတာပဲ။
တကယ် သူတင်ပြချက်က သူ့မှာနစ်နာမူ ရှိနေတယ်ဆိုရင် ဒါကိုဆောင်ရွက်ပါဆိုပြီး ပြည်ထောင်စု အစိုးရကို ကျနော်တို့ စာရေးတယ်။ ဟိုကလည်း လုပ်ပေးတယ်။ သူတို့ဆီကိုသာ စာရေးပါ၊ လုပ်ပေးပါ့မယ်ဆိုတဲ့ ၀န်ခံချက်ရှိတယ်။ ဥပမာ တိုင်တဲ့သူက သမ္မတကို လိပ်မူပြီး တိုင်နေပြီးတော့ ကျနော်တို့ကို မိတ္တူပေးတာဆိုရင် ကျနော်တို့ ဘာမှမလုပ်နိုင်ဘူး၊ ကျနော်တို့ကို တိုင်တာမဟုတ်ဘူး။ ကျနော်တို့ကို တိုင်တာဆိုရင်တော့ ချက်ချင်း ကျနော်တို့က အရေးယူ ဆောင်ရွက်တယ်။
ဒီကိစ္စနှစ်ခုက Anti-Corruption ကို တိုင်တဲ့သူပေါ်လာတာနဲ့ လုပ်တာဘဲ။ ပြည်ထဲရေးက ဆိုရင် ဟိုတလောက ပြန်တက်လာတယ်လေ။ လောင်းကစားနဲ့ ပတ်သက်ပြီးတော့ ဒီက တိုင်တဲ့ကိစ္စ၊ ရဲက အရေးယူလိုက်ပါပြီ၊ ဒီလို ဒီလို အရေးယူလိုက်ပါတယ်ဆိုပြီး ပြန်တက်လာတယ်။ တိုင်တာတော့ နည်းနည်း နည်းသေးတယ်ဗျ ဒီကိစ္စ။ လာဘ်ပေးရပါတယ်ဆိုတဲ့ ကိစ္စ နည်းနည်းတော့ နည်းနေသေးတယ်။
မေး ။ ။ တိုင်တာတွေက ဘယ်ဟာအထိ အကြုံးဝင်သလဲ။
ဖြေ ။ ။ ဘယ်ဟာမဆိုပဲ။ ပြည်သူတို့ရဲ့ အသနားခံစာနဲ့ တိုင်ကြားစာ နစ်နာချက်မှန်သမျှ အကုန်တိုင်လို့ ရတယ်။
မေး ။ ။ လွှတ်တော်ကို လိပ်မူပြီး တိုင်မယ်ဆိုရင်ပေါ့။
ဖြေ ။ ။ ရတယ်။ ဒီမိုကရေစီနဲ့ လူ့အခွင့်ရေး ပတ်သက်တာ တိုင်လို့ရတယ်။ ဒါစပြီးတော့ ဖွင့်လိုက်တာပဲ ဒီကိစ္စကို။ လွှတ်တော်က စစချင်းမှာ ဒီကိစ္စကို ဖွင့်လိုက်တယ်။ ကြည့်ကြတယ်။ တိုင်လည်း တိုင်တယ်။ လာဘ်ပေးလာဘ်ယူ ပါလာတဲ့ကိစ္စကတော့ ကျနော်တို့ ၀န်ကြီးဌာနကို ချက်ချင်း အကြောင်းကြားတာပဲ။ သို့သော် တိုင်တာက ဟုတ်သလား၊ မဟုတ်ဘူးလား၊ ဥပမာ – အမည်မခံ၊ လက်မှတ်မထိုးဘဲနဲ့ တိုင်တာမျိုး၊ ပစ်စာမျိုးလား။ အမည်ခံပြီးတော့ တိုင်တာ၊ အတိအကျကို တိုင်တာ၊ တချို့က စာရွက်စာတမ်း အထောက်အထားတွေတောင် ပါသေးတယ်။ သက်ဆိုင်ရာ ၀န်ကြီးဌာနကို ရှင်း၊ ရှင်းပြီးကြောင်း ပြန်ပြော။ သူတို့လည်း တကယ်ရှင်းတယ်။ စစ်တယ်။ စစ်တဲ့အခါမှာ ပေါ်တယ်။ ဖုံးဖိပြီးတော့ စစ်တာမျိုး မဟုတ်တော့ဘူး။ ဗြောင်စစ်တယ်ဆိုတော့ ပေါ်တယ်။ ကျနော် အရေးယူလိုက်ပါပြီ၊ ဘယ်သူ့ကိုတော့ ဖြုတ်လိုက်ပါပြီ၊ ဘယ်သူ့ကိုတော့ နယ်ပြောင်းလိုက်ပါပြီ၊ ဘယ်သူ့ကိုတော့ သတိပေးလိုက်ပါပြီဆိုပြီး ပြန်လာတယ်။
မေး ။ ။ အစိုးရအဖွဲ့ဝင်တွေရဲ့ ပိုင်ဆိုင်မူကိုရော လွှတ်တော်မှာ ကြေငြာပြီးသွားပြီလား။
ဖြေ ။ ။ ဥပဒေအရ မပါပါဘူး။ နိုင်ငံတော်သမ္မတရယ်၊ ဒုသမ္မတ ၂ ယောက်ရယ်။ သူတို့ရဲ့ပိုင်ဆိုင်မှု သူတို့နဲ့ ပတ်သက်တဲ့ စီးပွားရေးကိစ္စ ရင်းနှီးမြှုပ်နှံမှု အားလုံးကို ပြည်ထောင်စုလွှတ်တော် နာယကထံကို သူတို့က ပေးရတယ်။ သူတို့ကျမ်းကျိန်တဲ့အခါမှာ တခါတည်း ပေးရတယ်။ ပြီးတော့ ကျနော့်ဆီမှာ သိမ်းထားတယ်။ ဒီ ၃ ယောက်ပဲ။
မေး ။ ။ ကျန်တဲ့ ဝန်ကြီးတွေ မပါဘူးလား။
ဖြေ ။ ။ ဥပဒေအရ မပါပါဘူး။
(ဆက်လက်ဖော်ပြပါမည်)

အာဏာရ ခေါင်းဆောင်များနှင့် ဒေါ်အောင်ဆန်းစုကြည်

 မြန်မာ့ နိုင်ငံရေးတွင် ၁၉၆၂ ခုနှစ် စစ်တပ် အာဏာသိမ်းယူခဲ့ပြီး နောက်ပိုင်းမှစ၍ လက်ရှိ စစ်ဝတ်ချွတ်ထားသော တချို့အာဏာရ ခေါင်းဆောင်များ အထိ ပြည်သူများအရေးထက် မိမိတို့၏ လုပ်ပိုင်ခွင့်အာဏာ ဆက်လက်မြဲမြံရေး နည်းမျိုးစုံဖြင့် ဆောင်ရွက်နေသည်ကို မြင်တွေ့ရသည်။ စာရေးသူ မမီလိုက်သော်လည်း ကြားသိရသလောက်မှာ ၁၉၆၂ ခုနှစ် စစ်တပ်အာဏာသိမ်းပြီး တော်လှန်ရေးကောင်စီ အဖွဲ့ဝင်များအတွင်း သဘောထားကွဲပြားသူများ၊ အမိန့်မနာခံသူများကို အဖွဲ့အတွင်း အန္တရာယ်ရှိသူများဟု သတ်မှတ် ကာဖယ်ရှားခဲ့သည့် ဖြစ်စဉ်များရှိခဲ့ဖူးသည်။
အလားတူ ၁၉၇၀ ခုနှစ်ဝန်းကျင် မြန်မာ့ဆိုရှယ်လစ် ပါတီညီလာခံတွင် ဥက္ကဋ္ဌကြီး ဦးနေဝင်းကိုယ်တိုင် မဲမရသောကြောင့် ပါတီအတွင်း ဖြုတ်ထုတ်ရှင်းခဲ့မှုများ ရှိခဲ့သည်။ နောက်ဆုံး ၁၉၈၈ ခုနှစ် အရေးအခင်း မတိုင်ခင် ဦးနေဝင်းက အစိုးရ နောက်ကွယ်သို့ ပြောင်းရွှေ့နေရာယူခဲ့သည်။ ၁၉၈၈ ခုနှစ် အရေးအခင်းတွင် မအောင်မြင်သော လက်ရင်းတပည့် ဗိုလ်ချုပ်ဟောင်းများကို ဘေးဖယ်ခိုင်းပြီး တပည့်လက်သစ် ဗိုလ်ချုပ်ကြီး စောမောင်နှင့် ဗိုလ်ချုပ် ခင်ညွန့်တို့ကို မြန်မာ့နိုင်ငံရေးတွင် ဆက်လက်ဦးဆောင်ရန် စစ်တပ်အုပ်ချုပ်သော နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ (နဝတ) ကိုမွေးဖွားပေးခဲ့ကာ နှစ်အတန်ကြာ နဝတ၏ နောက်ကွယ်မှ ထိန်းကျောင်း အကြံပေးခဲ့ပါသည်။
ဗိုလ်ချုပ်ကြီးစောမောင် အာဏာ စတင်ရယူစဉ်ကာလသည် ပြည်တွင်းပြည်ပ ဖိအားအများဆုံးအချိန် ဖြစ်ခဲ့သည့် အတွက်ကြောင့်လည်း အဖွဲ့အတွင်း အာဏာတည်ဆောက်မှုကို မဆောင်ရွက်နိုင်ခဲ့ပါ။ ထိုစဉ်က နဝတအဖွဲ့ဝင် ဗိုလ်ချုပ်အများစုသည် ဗိုလ်ချုပ်ကြီး စောမောင်ထက် ဒု စစ်ဦးစီးချုပ် ဒု ဗိုလ်ချုပ်ကြီး သန်းရွှေနှင့် ပိုမိုအနေနီးစပ်ခဲ့သူများ ဖြစ်ကြသည်။ ထို့အတွက်ကြောင့်လည်း ဗိုလ်ချုပ်ကြီး စောမောင်သည် ဒု ဗိုလ်ချုပ်ကြီး သန်းရွှေကို နိုင်ငံရေးအရ အရေးပါသော နဝတ ဒုတိယဥက္ကဋ္ဌ ရာထူးကိုပေးရန် အချိန်အတော် ကြာစဉ်းစားခဲ့ပြီးမှ ခန့်အပ်ခဲ့သည်။
ဗိုလ်ချုပ်မှူးကြီး စောမောင် စိတ်ကျန်းမာရေး ဖြစ်လာသည့်အချိန်အခါတွင်မူ အလွယ်တကူပင် ဗိုလ်ချုပ် ခင်ညွန့်၏ ကူညီပံ့ပိုးမှုဖြင့် ဒု ဗိုလ်ချုပ်မှူးကြီး သန်းရွှေသည် နိုင်ငံတော်အာဏာကို သွေးထွက်သံယိုမရှိဘဲ ရယူနိုင်ခဲ့သည်။ အာဏာရပြီး ရက်ပိုင်းအတွင်းမှာပင် ဦးနေဝင်း၏ တပည့်လက်ရင်း ဗိုလ်ချုပ် ခင်ညွန့်ကို ထိန်းကျောင်းသည့်အနေဖြင့် ဗိုလ်ချုပ်မှူးကြီး သန်းရွှေသည် သားတပည့် ဗိုလ်ချုပ် ကျော်ဝင်းကို ဒု ထောက်လှမ်းရေးအကြီးအကဲအဖြစ် ခန့်အပ်ခဲ့ပါသည်။
“ဗိုလ်ချုပ်မှူးကြီး သန်းရွှေကို ခင်ဗျားတို့ လျှော့မတွက်နဲ့” ဟု ဗိုလ်ချုပ် ကျော်ဝင်းက ၁၉၉၃ ခုနှစ်ပတ်ဝန်းကျင်က ပြောခဲ့ပါသည်။ ယနေ့အချိန်တွင်လည်း မြန်မာ့နိုင်ငံရေး၌ ထိပ်ပိုင်းခေါင်းဆောင် စစ်ဝတ်ချွတ် ဗိုလ်ချုပ်ကြီးဟောင်းများ၊ စစ်ဝတ်ဝတ်ထားဆဲ ဗိုလ်ချုပ်ကြီးများကို မည်ကဲ့သို့ ဗိုလ်ချုပ်မှူးကြီး သန်းရွှေ နေရာချသွားသည်ကို လေ့လာမှတ်သား ရရှိသောသတင်းများကို အခြေခံ၍တင်ပြသွားမည် ဖြစ်ပါသည်။
ဗိုလ်ချုပ်မှူးကြီး သန်းရွှေသည် ၂၀၀၃ ခုနှစ် ဒီပဲယင်း အရေးအခင်းတွင် နိုင်ငံရေးအရ ကြီးမားသော အမှားကြီးတခုကို ဦးဆောင်ကျူးလွန်ခဲ့ပြီးနောက် ၁၉၉၆ ခုနှစ်က ရပ်စဲခဲ့သော အမျိုးသားညီလာခံကို ၂၀၀၄ ခုနှစ်တွင် မဖြစ်မနေ ပြန်လည် ကျင်းပခဲ့ရသည်။ အမျိုးသားညီလာခံ ကျင်းပရေးကော်မတီ ဥက္ကဋ္ဌအဖြစ် လက်ရှိသမ္မတ ဦးသိန်းစိန်ကို ခန့်အပ် တာဝန်ပေးခဲ့သည်။ ထိုစဉ်က သမ္မတဦးသိန်းစိန်သည် နအဖ အတွင်းရေးမှူး (၂) နှင့် စစ်ရေးချုပ် တာဝန်ကို ယူနေရသူဖြစ်ပါသည်။
အလားတူ ၂၀၀၄ ခုနှစ် အမျိုးသားညီလာခံတွင် အမျိုးသားဒီမိုကရေစီ အဖွဲ့ချုပ် (NLD) အမျိုးသားညီလာခံ ပြန်လည်ဝင်ရောက်ရေး ဒေါ်အောင်ဆန်းစုကြည်နှင့် တာဝန်ယူ စေ့စပ်ဆွေးနွေးခဲ့ရသူ ဗိုလ်ချုပ်ကြီး ခင်ညွန့်ကို ထောင်ချပြီး ဒီပဲယင်းအရေးခင်းကို ဦးဆောင်ခဲ့သူ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးအသင်း၏ ဒု ဥက္ကဋ္ဌ၊ နအဖ အတွင်းရေးမှူး (၁)၊ လေကြောင်းရန်ကာကွယ်ရေးချုပ် ဒု ဗိုလ်ချုပ်ကြီး စိုးဝင်း (ကွယ်လွန်) ကို ဝန်ကြီးချုပ်တာဝန် ပေးခဲ့သည်။ ထိုစဉ်က နအဖ ဒု ဥက္ကဋ္ဌနှင့် ဒု တပ်မတော်ကာကွယ်ရေးဦးစီးချုပ် ဒု ဗိုလ်ချုပ်ကြီး မောင်အေးအား ဗိုလ်ချုပ်ကြီး ခင်ညွန့်ကိစ္စတွင် ခေါ်ယူ၍ ဗိုလ်ချုပ်မှူးကြီး သန်းရွှေမှ သတိပေးခဲ့ပြီးနောက် စစ်တပ်၏ ကွပ်ကဲမှုကို ညှိနှိုင်းကွပ်ကဲရေးမှူး၊ လက်ရှိပြည်သူ့လွှတ်တော် ဥက္ကဋ္ဌ ဗိုလ်ချုပ်ကြီး သူရရွှေမန်းမှ တာဝန်ယူကာ ဗိုလ်ချုပ်မှူးကြီး သန်းရွှေသို့ တိုက်ရိုက်တင်ပြခြင်းဖြင့် နိုင်ငံတော်အာဏာကို ထိန်းကျောင်းသွားခဲ့သည်။
၂၀၀၇ ခုနှစ် ရွှေဝါရောင် တော်လှန်ရေး၊ ၂၀၀၈ ခုနှစ် နာဂစ် လေမုန်းတိုင်း ပြဿနာများပြီးနောက် ဗိုလ်ချုပ်ကြီး သူရရွှေမန်း၊ ဗိုလ်ချုပ်ကြီး စိုးဝင်း၊ ဗိုလ်ချုပ်ကြီး သိန်းစိန်တို့၏ နိုင်ငံအပေါ် ရှုမြင်ပုံအမြင်များနှင့် ပတ်သက်၍ တိုးတိုးတိတ်တိတ် သတင်းများဖြစ်ပေါ်ခဲ့သေးသည်။ ယင်းကိစ္စများ ကိုင်တွယ်မှုအပေါ် ဗိုလ်ချုပ်မှူးကြီး သန်းရွှေကို တည့်တည့် မဝေဖန်ဝံ့သော်လည်း ထိုကိစ္စများသည် ဦးအောင်သောင်း (လက်ရှိ ငြိမ်းချမ်းရေးအဖွဲ့ ခေါင်းဆောင်) ကြောင့်ဟု အားလုံးက မှတ်ချက်ပြုကြောင်း သိရသည်။
သို့သော် အဆိုပါဖြစ်စဉ်များအပြီး စစ်ခေါင်းဆောင်ကြီးငယ်များနှင့် စီးပွားရေးလုပ်ငန်းရှင်ကြီးများ၏ လောကတွင် အကယ်၍ ဗိုလ်ချုပ်ကြီး သူရရွှေမန်းသာ နိုင်ငံကိုဦးဆောင်လျှင် တိုင်းပြည်အတွက်ကောင်းမည်၊ ဗိုလ်ချုပ်ကြီး သူရရွှေမန်းက အခြေအနေမှန်ကို တင်ပြလျှင် လက်ခံနားထောင်ပြီး စဉ်းစားပေးတတ်သည့်သူ ဖြစ်မည်ဟု ထိုအချိန်က နေပြည်တော်တွင် သတင်းများ ဖြစ်ခဲ့ပါသည်။ ထိုသို့ တိုးတိုးတိတ်တိတ် သတင်းများ စိမ့်ထွက်လာပြီး နောက်ကြားသိရသော သတင်းများအရ ဗိုလ်ချုပ်မှူးကြီး သန်းရွှေ၏ဇနီး မှ ဗိုလ်ချုပ်ကြီး သူရရွှေမန်း၏ဇနီးကို ခေါ်ယူ၍ သတိပေးခဲ့ကြောင်း သိရသည်။
၎င်းနောက် ဗိုလ်ချုပ်ကြီး သူရရွှေမန်းသည် အနာဂတ်တွင် နံပတ် (၁) မဖြစ်နိုင်ကြောင်း သုံးသပ်မှုများ အတွင်းပိုင်းမှ တီးတိုးထွက်ရှိလာသည်။ မြန်မာနိုင်ငံ၏ အနာဂတ်နံပတ် (၂) ဟု မှန်းဆထားခြင်းခံရသူ ဗိုလ်ချုပ်ကြီး စိုးဝင်းမှာမူ သေမင်းမှ စောစောခေါ်ယူသွားသည့်အတွက် မြန်မာ့နိုင်ငံရေးမှ စွန့်ခွာသွားရသည်။ နဝတ၊ နအဖ လက်ထက် ပြုလုပ်ခဲ့ရသော မကောင်းမှု အကုသိုလ်များကို သေခါနီးမှ သံဝေဂတရားရပြီး စင်ကာပူတွင် ဆေးကုသနေစဉ် တိတ်ခွေအတွင်း အသံသွင်းထားခဲ့ကြောင်း သိရသည်။ သတင်းများအရကမူ ၈ လေးလုံး အရေးအခင်း၊ ဒီပဲယင်းအရေးအခင်း၊ သံဃာအရေးအခင်းများတွင် ပါဝင်ပတ်သက်မှုများကို ဝန်ခံထားသည်ဟု သိရပါသည်။
ဗိုလ်ချုပ်မှူးကြီး သန်းရွှေသည် မူလက အသက်ငယ်ရွယ်သူ၊ ကျန်းမာရေးကောင်းမွန်သူကို အနာဂတ်ခေါင်းဆောင်အဖြစ် ရည်ရွယ်ခဲ့သော်လည်း အခြေအနေအရ ၄င်း၏ စိတ်ကြိုက်မဖြစ်ခဲ့ပါ။ နောက်ဆုံး ကျန်းမာရေးသိပ်မကောင်း၊ နှလုံးရောဂါရှိသူ ဗိုလ်ချုပ်ကြီး သိန်းစိန်ကို ရွေးချယ်ခဲ့ရသည်။ စစ်တပ်အတွင်း ဗိုလ်ချုပ်ကြီး သိန်းစိန်သည် နာမည်ကောင်းရှိသူတဦး ဖြစ်ပါသည်။ အလုပ်နှင့်ပတ်သက်၍ အထက်လူကြီးများ၊ ဘေးဘယ်ညာ လုပ်ဖော်ကိုင်ဖက်များ၊ လက်အောက်ငယ်သားများ၏ လေးစားချစ်ခင်မှုကို ရသောသူတဦး ဖြစ်ပါသည်။ စာရေးသူ စစ်ရုံးတွင် တာဝန် ထမ်းဆောင်စဉ် စစ်ဦးစီးဗိုလ်မှူးကြီး (Col. GS) ဗိုလ်မှူးကြီး သိန်းစိန်သည် ဗိုလ်ချုပ်မှူးကြီး သန်းရွှေ ရုံးတွင် ရှိနေသရွေ့ နေ့ရောညပါ အနားတွင် ရှိနေသူဖြစ်သည်။
နှစ်ပေါင်းများစွာ စစ်ရုံးချုပ်တွင် ဦးစီးအရာရှိ (Staff) တာဝန် ထမ်းဆောင်ခဲ့သော ဗိုလ်ချုပ်ကြီး သိန်းစိန်သည် ယနေ့ မြန်မာနိုင်ငံကို ဦးဆောင်မည့်သူ (Commander) တာဝန်ကို ထမ်းဆောင်နေပြီ ဖြစ်ပါသည်။ စိတ်ရင်းစေတနာကောင်းဖြင့် မြန်မာနိုင်ငံကို ပြုပြင်ပြောင်းလဲမည်ဟု ကြုံးဝါးပြောဆို မိန့်ကြားနေသည်ကို ကြားသိမြင်တွေ့နေရသော်လည်း စိတ်ထင်တိုင်း မလှုပ်ရှားနိုင်သည့် အခြေအနေနှင့် ကြုံတွေ့နေသည်ဟု ခန့်မှန်းရသည်။ စာရေးသူ ရရှိသော သတင်းအရမူ ဗိုလ်ချုပ်မှူးကြီး သန်းရွှေက “ငါခင်းပေးသောလမ်းကြောင်း အတိုင်း မင်းတို့အချင်းချင်း ညှိနှိုင်းပြီးလုပ်ကြ။ ဒါပေမယ့် ငါနဲ့ ကိုအေးတို့ရဲ့ မိသားစုကိုတော့ လာပြီးမထိနဲ့” ဆိုသည့် မှတ်ချက်ကို လက်ရှိခေါင်းဆောင်များ ပေးခဲ့သည်ဟု သိရသည်။
လက်ရှိ မြန်မာ့နိုင်ငံရေး အခင်းအကျင်းကို လေ့လာလျှင် သမ္မတ ဦးသိန်းစိန်၊ ပြည်သူ့လွှတ်တော် ဥက္ကဋ္ဌ သူရ ဦးရွှေမန်း၊ ကာကွယ်ရေးဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင်တို့က အဓိကအခန်းကဏ္ဍမှ ပါဝင်ဆောင်ရွက်နေသည်ကို တွေ့မြင်ရသည်။ သဘောထားမကွဲပါဟု ပြောနေသော်လည်း အထက်ပါ သုံးဦးသည် တသဘောတည်း ဆောင်ရွက်၍ မရအောင် အခြေအနေများက ဖန်တီးထားသည်ကို တွေ့မြင်နေရသည်။
လက်ရှိအခြေအနေအရလည်း ခေါင်းဆောင် သုံးဦး၏ ဆောင်ရွက်နေရပုံများကို စာဖတ်သူများ ကြားသိ မြင်တွေ့နိုင်ပေသည်။ မည်သို့ပင်ဆိုစေကာမူ ၂၀၀၈ ဖွဲ့စည်းပုံ အခြေခံဥပဒေအရ တပ်မတော်သည် မြန်မာ့နိုင်ငံရေး၏ ဦးဆောင်မှုတွင် ပါဝင်ရမည့် ဦးတည်ချက်ကို လက်ရှိအချိန်တွင် အဆိုပါ သုံးဦး အာခံရဲကြမည် မဟုတ်ပါ။ သို့သော်နောင်တချိန် မပြောင်းလဲနိုင်ဘူးဆိုသည်ကိုမူ အပြတ်ပြော၍မရပါ။ ယခင်ကာလများနှင့်မတူ ကမ္ဘာ့နိုင်ငံရေး၊ မြန်မာ့နိုင်ငံရေးတို့သည် အချိန်နှင့်တပြေးညီ ပြောင်းလဲနေသောကြောင့် ဖြစ်သည်။
မြန်မာ့နိုင်ငံရေးတွင် ဒေါ်အောင်ဆန်းစုကြည်၏ အခန်းကဏ္ဍကို ပစ်ပယ်၌မရဆိုသည်ကို စစ်ခေါင်းဆောင် အဆက်ဆက် ကောင်းကောင်း နာလည်ကြပါသည်။ ထို့ကြောင့်လည်း နဝတ၊ နအဖ ခေတ်အဆက်ဆက် နည်းမျိုးစုံနှင့် ဒေါ်အောင်ဆန်းစုကြည်ကို စည်းရုံးခဲ့ကြသည်။ ၂၀၀၈ ခုနှစ် ဖွဲ့စည်းပုံအပြီး၂၀၀၉ ခုနှစ်တွင် ဒေါ်အောင်ဆန်းစုကြည်အား နေအိမ်အကျယ်ချုပ် ရက်စေ့၍ ပြန်လွှတ်ရန် ဗိုလ်ချုပ်မှူးကြီး သန်းရွှေ စဉ်းစားခဲ့သေးသည်။ သို့သော် ဒေါ်အောင်ဆန်းစုကြည်နှင့် NLD ၂၀၁၀ ရွေးကောက်ပွဲဝင်လာလျှင် ၄င်းတို့၏ ရည်ရွယ်ချက် ပျက်သွားနိုင်သည်ဟု ဆုံးဖြတ်ခဲ့သဖြင့် အမေရိကန်နိုင်ငံသား ယက်တောကို အကြောင်းပြုကာ ဒေါ်အောင်ဆန်းစုကြည်ကို ၂၀၁၀ ရွေးကောက်ပွဲအပြီးအထိ နေအိမ်အကျယ်ချုပ်ဖြင့် ထိန်းသိမ်းခဲ့သည်။
စာရေးသူအနေဖြင့် “၁၉၉၀ ရွေးကောက်ပွဲမှသည် ၂၀၁၀ ရွေးကောက်ပွဲဆီသို့” ဆောင်းပါးဖြင့် ဖြစ်လာနိုင်ခြေ နည်းလမ်း သုံးလမ်းကို ထိုစဉ်က နအဖ၏ စဉ်းစားပုံအား တင်ပြခဲ့ပြီးဖြစ်ပါသည်။ ၂၀၁၀ ရွေးကောက်ပွဲအပြီးတွင် ဒေါ်အောင်ဆန်းစုကြည်နှင့် NLD ကို မြန်မာ့နိုင်ငံရေးတွင် ပစ်ပယ်၍မရဆိုသည့် စစ်ခေါင်းဆောင်များ၏ မူဝါဒအရ ၂၀၁၂ ကြားဖြတ်ရွေးကောက်ပွဲဖြင့် လမ်းဖွင့်ပေးခဲ့သည်ကို ယနေ့ တွေ့မြင်ရမည်ဖြစ်သည်။
သို့သော် ယနေ့ ဒေါ်အောင်ဆန်းစုကြည်အား တပ်မတော်သားများ အပါအဝင် ပြည်သူလုထု၏ ထောက်ခံမှုသည် ယခင်ကာလများကထက်ပင် ပိုမိုအားကောင်းလာသည့်အတွက် မူဝါဒရေးဆွဲသူကြီးအနေဖြင့် အတော် တုန်လှုပ်သွားသည်ဟု အတည်ပြုဆဲ သတင်းများအရ သိရပါသည်။ အထူးသဖြင့် ဒေါ်အောင်ဆန်းစုကြည်နှင့် NLD ရွေးကောက်ပွဲ ဝင်ရခြင်းရည်ရွယ်ချက် သုံးချက်ဖြစ်သည့် တရားဥပဒေ စိုးမိုးရေး၊ ပြည်တွင်းငြိမ်းချမ်းရေး၊ ဖွဲ့စည်းပုံ ဥပဒေပြင်ရေးသည် အငြိမ်းစားယူပြီဆိုသော စစ်ခေါင်းဆောင်ကြီးများနှင့် လက်ရှိစစ်ဝတ်ချွတ် စစ်ခေါင်းဆောင်များအတွက် အထူးတုန်လှုပ်နေကြသည်ဟု သိရသည်။
အကယ်၍ ဒေါ်အောင်ဆန်းစုကြည်နှင့် NLD လွှတ်တော်အတွင်း ရောက်သွားခဲ့ပြီး မြန်မာနိုင်ငံ ဒီမိုကရေစီအရေးတွက် သင်ပုန်းခြေရေးလမ်းစဉ်ကို ကိုင်ဆွဲကာ လက်ရှိခေါင်းဆောင်များနှင့် ပူးပေါင်းဆောင်ရွက်သွားနိုင်မည် ဆိုပါက အခြေအနေကောင်းများ ဖြစ်လာနိုင်ပါသည်။ စစ်ခေါင်းဆောင်များဘက်ကလည်း ဒီပဲယင်းကဲ့သို့သော ဖြစ်စဉ်များ မလုပ်တော့ပါဆိုသည့် ကတိကဝတ်များ ရထားရန် လိုအပ်သည်။ လုံခြုံရေးသတိ အမြဲရှိရန် လိုအပ်သည်။
အချုပ်အားဖြင့် လက်ရှိ အာဏာရှိနေသော သမ္မတ ဦးသိန်းစိန်၊ ပြည်သူ့လွှတ်တော်ဥက္ကဋ္ဌ သူရဦးရွှေမန်း၊ ကာကွယ်ရေးဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင်တို့၏ တိုင်းပြည်အပေါ်ထားသည့် စိတ်ရင်းစေတနာသည် ယခင် စစ်အာဏာရှင်ကြီးများနှင့် မတူဆိုသည်ကတော့ သေချာပါသည်။ သို့သော် ယခင် အငွေ့အသက်များကမူ ယခုအထိ ရှိနေကြဆဲပင်။ အငွေ့အသက်များ ပျောက်အောင် ချက်ချင်းတော့ လုပ်၍မရပါ။ အချိန်ယူရလိမ့်မည် ထင်ပါသည်။
လက်ရှိအခြေအနေတွင် တိုင်းရင်းသားအရေးသည် အဓိကဖြေရှင်းရမည့်ကိစ္စဟု မြင်သည်။ ဗိုလ်ချုပ်အောင်ဆန်းနှင့် ချုပ်ဆိုခဲ့သော ပင်လုံစာချုပ်ကို ပီပြင်အောင် ဆောင်ရွက်ရပါလိမ့်မည်။ လက်ရှိ အာဏာရခေါင်းဆောင်များ၊ ဒေါ်အောင်ဆန်းစုကြည်၊ နိုင်ငံရေးပါတီများ၊ တိုင်းရင်းသား ပါတီများနှင့် လက်နက်ကိုင်များ ပူးပေါင်းညှိနှိုင်း ဆောင်ရွက်နိုင်မှ ရလိမ့်မည်ဟု မြင်ပါသည်။
(ဗိုလ်မှူးဟောင်း အောင်လင်းထွဋ်သည် တန်ပြန်ထောက်လှမ်းရေး အရာရှိ၊ အမေရိကန်နိုင်ငံ ၀ါရှင်တန်မြို့ရှိမြန်မာသံရုံး၌ သံမှူးကြီး စသည့် တာဝန်များ ထမ်းဆောင်ခဲ့ပြီး ၂၀၀၅ ခုနှစ်တွင်အမေရိကန်၌ နိုင်ငံရေးခိုလှုံခွင့် တောင်းခံခဲ့သည်။)

ပြည်နယ် ဖွံ့ဖြိုးရေး အရေးကြီးဟု KNU နှင့် ဒေါ်အောင်ဆန်းစုကြည် သဘောတူ

ပြည်နယ်များ၏ စီးပွားရေး ဖွံ့ဖြိုးမှုဆိုင်ရာ စီမံကိန်းများနှင့် ပတ်သက်၍ ပွင်းလင်းမြင်သာမှု၊ တာဝန်ယူမှုတို့ရှိရန်နှင့် လွတ်လပ်သည့် စောင့်ကြည့်လေ့လာမှုများ ရှိရန်အရေးကြီးကြောင်း ဒေါ်အောင်ဆန်း စုကြည် က KNU ကိုယ်စားလှယ်အဖွဲ့နှင့် တွေ့ဆုံရာတွင် ပြော ဆိုလိုက်သည်။

တနင်္ဂနွေနေ့က ရန်ကုန်မြို့ရှိ ဒေါ်အောင်ဆန်းစုကြည်၏ နေအိမ်တွင် ကရင် အမျိုးသား အစည်းအရုံး(KNU) ငြိမ်းချမ်းရေး ဖော် ဆောင်ရေး အဖွဲ့နှင့် တွေ့ဆုံဆွေးနွေးရာတွင် ထိုသို့ ပြောဆိုဆွေးနွေးခဲ့ကြောင်း KNU ၏ ထုတ်ပြန်ချက်၌ ဖော်ပြထားသည်။
KNU ဘက်ကလည်း အစိုးရနှင့် ဧပြီ ၆ ရက်က ဆွေးနွေးခဲ့သည့် ငြိမ်းချမ်းရေး လုပ်ငန်းစဉ်များနှင့် ပတ်သက်ပြီး နှစ်ဘက် အပစ် အခတ် ရပ်စဲရေး အပါအ၀င် အဓိက အချက်များကို ဒေါ်အောင်ဆန်းစုကြည်အား အသေးစိတ် ပြန်လည် ရှင်းပြခဲ့သည်ဟု ဆိုသည်။
ဒေါ်အောင်ဆန်းစုကြည်က ငြိမ်းချမ်းရေး ဆောင်ရွက်မှုများကို ကြိုဆိုလိုက်ပြီး NLD ၏ ရပ်တည်ချက်များဖြစ်သော တရားဥပဒေ စိုးမိုးရေး၊ ပြည်တွင်းငြိမ်းချမ်းရေးနှင့် ဖွဲ့စည်းပုံအခြေခံ ဥပဒေ ပြင်ဆင်ရေးတို့နှင့်ပတ်သက်၍ ရှင်းလင်း ပြောဆိုကြောင်း၊ ငြိမ်းချမ်း ရေး လုပ်ငန်းစဉ်များတွင် အဓိကကျသည့် တပ်မတော်အနေဖြင့် ပါဝင်ခြင်းမရှိသည်ကိုလည်း စိုးရိမ်မိသည်ဟုပြောဆိုကြောင်း ပါရှိသည်။
ယင်း ငြိမ်းချမ်းရေး ဆွေးနွေးပွဲသည် ၁၉၄၈ ခု လွတ်လပ်ရေး ရပြီးနောက် စတင် ဖြစ်ပွားခဲ့သော အစိုးရနှင့် ကရင်လူမျိုးများ အကြား လက်နက်ကိုင် တိုက်ပွဲများ ပြီးဆုံးသွားရန် အစပျိုးမှုများ ဖြစ်နိုင်သည်ဟု ယူဆရပြီး အိမ်နီးချင်း ထိုင်းနိုင်ငံ အနေနှင့်လည်း နယ်စပ် ကုန်သွယ်ရေး အလားအလာများ ပိုမိုကောင်းမွန်လာမည်ဟု ယူဆနေကြသည်။ လတ်တလောတွင် ထားဝယ်ရေနက် စီမံကိန်း အောင်မြင်ရေး အတွက် နယ်မြေ အေးချမ်းမှုမှာ မရှိမဖြစ် လိုအပ်နေသည်။
KNU ငြိမ်းချမ်းရေး ဖော်ဆောင်ရေး အဖွဲ့သည် ရန်ကုန်မြို့ ဆီဒိုးနား ဟိုတယ်၌ ဧပြီ ၆ ရက်က ငြိမ်းချမ်းရေးအတွက် အစိုးရငြိမ်းချမ်း ရေး ကိုယ်စားလှယ်များနှင့် ဆွေးနွေးပြီးနောက် ဧပြီ ၇ ရက်တွင် သမ္မတ ဦးသိန်းစိန်နှင့် နေပြည်တော်၌ တွေ့ဆုံခဲ့သည်။
KNU နှင့် အစိုးရ ငြိမ်းချမ်းရေး ကိုယ်စားလှယ်အဖွဲ့တို့ ဧပြီ ၆ ရက်က တွေ့ဆုံဆွေးနွေးရာတွင် အချက် ၆ ချက်ကို အဓိကထား ဆွေးနွေးခဲ့ကြောင်း သိရသည်။
ယင်းအချက်များတွင် တပြည်လုံးအတိုင်းအတာဖြင့် အပစ်အခတ်ရပ်စဲရန်၊ အထူးသဖြင့် တိုင်းရင်းသား ဒေသ များ တွင် ဖြစ်ပွားနေ သည့် စစ်ပွဲများ ရပ်စဲပေးရန်၊ ပြည်သူလူထုအတွက် အာမခံချက်ရှိသော လုံခြုံမှုရရှိရန် ၊ ပြည်သူလူထုကြား ယုံကြည်မှုရှိသည့် အခြေ အနေတည်ဆောက်ရန်တို့ ပါဝင်သည်။
ထို့အပြင် အဓမ္မ လုပ်အားပေးခိုင်းစေခြင်း၊ ပုံစံမျိုးစုံဖြင့် ငွေကြေးတောင်းခံခြင်း၊ ပေးကမ်းလှူဒါန်းခိုင်းခြင်းများ မပြုလုပ်ရန်၊ နိုင်ငံရေး အကျဉ်းသားများ လွှတ်ပေးရန်၊ ပြည်သူလူထု ဘ၀ ပြန်လည်ထူထောင်ရေးနှင့် မြေ ယာ ပြဿနာများအား ဖြေရှင်းပေးရန်၊ ငြိမ်းချမ်း ရေး ဖြစ်စဉ်အတွက် စောင့်ကြည့်စစ်ဆေးခြင်း၊ စိစစ် အတည်ပြုခြင်းနှင့် မှန်ကန်သည့် စီစဉ်ဆောင်ရွက်မှုများ စတင်ရန် ဆွေးနွေးခဲ့ကြ ကြောင်း နှစ်ဦးနှစ်ဖက် သဘောတူညီမှု ထုတ်ပြန်ချက်တွင် ဖော်ပြထားသည်။
ထို အချက်များသည် ၂၀၁၂ ခု ဇန်န၀ါရီ ၁၂ ရက် က ပြည်ထောင်စု အဆင့် ဆွေးနွေးပွဲတွင် ဆက်လက် ဆွေးနွေးရန် KNU က တင်ပြထားသော အချက် ၁၁ ချက် အနက်မှ ၆ ချက် ဖြစ်ကြောင်း အစိုးရသတင်းစာကလည်း ဖော်ပြသည်။
ဆွေးနွေးပွဲ၏ အကျိုးရလဒ်အဖြစ် ငြိမ်းချမ်းရေးဖြစ်စဉ်အတွက် စောင့်ကြပ်စစ်ဆေးခြင်းကို အဆင့် ၃ ဆင့်ဖြင့် ဆောင်ရွက်သွားမည်ဖြစ်ပြီး အဆင့် ၁ တွင် နှစ်ဦးနှစ်ဖက်လက်ခံနိုင်သော ပုဂ္ဂိုလ်များဖြင့် ဖွဲစည်းထားသော စောင့်ကြပ်စစ်ဆေးရေးအဖွဲ့ ဖွဲ့စည်း စစ်ဆေးခြင်း၊ အဆင့် ၂ တွင် အခြေအနေ တိုးတက်ကောင်းမွန် လာသည့်အခါ နိုင်ငံတကာ စောင့်ကြပ်ကြည့်ရှုရေး နှင့် အဆင့် ၃ တွင် ငြိမ်း ချမ်းရေး ဖြစ်စဉ် ပျက်စီးရန် အလားအလာမရှိတော့သည့်အခါ ပွင့်လင်းသော စောင့်ကြပ်ကြည့်ရှုရေး အဆင့်ဆင့် လုပ်ဆောင်သွားရန် သဘောတူညီကြောင်း သိရသည်။
လတ်တလောတွင် ဆက်ဆံရေးရုံးများ အပြန်အလှန်ဖွင့်လှစ်သွားမည်ဟု ငြိမ်းချမ်းရေး ကိုယ်စားလှယ်အဖွဲ့ ခေါင်းဆောင် ရထား ပို့ဆောင်ရေး ၀န်ကြီး ဦးအောင်မင်းက ဧပြီ ၆ ရက်နေ့ ငြိမ်းချမ်းရေး ဆွေးနွေးပွဲတွင် ပြောဆိုသည်။
“အခုဆိုရင် တိုင်းရင်းသား ခေါင်းဆောင်တွေလာတဲ့ခရီးစဉ်မှာကိုပဲ ကျောက်ကြီးမှာ ဆက်ဆံရေးရုံး စဖွင့်နေပါပြီ။ ထားဝယ်မှာ ဆက်ဆံရေးရုံး ဖွင့်နေပြီ။ ဆက်ဆံရေးရုံးတွေ တောက်လျှောက်ဖွင့် သွားဖို့ရှိပါတယ်”ဟု ဦးအောင်မင်းက ဆိုသည်။
တိုင်းရင်းသားအားလုံး အပစ်အခတ်ရပ်စဲပြီး ငြိမ်းချမ်းရေးရယူပြီးပါက နောက်ဆုံးအဆင့် တွင် ပြည်ထောင်စုအဆင့် တိုင်းရင်းသား ညီလာခံကြီးတရပ် ခေါ်ယူကျင်းပပြီး ထာဝရငြိမ်းချမ်းရေး လုပ်ဆောင်သွားမည်ဟုလည်း ဦးအောင်မင်းက ပြောသည်။
ဒေါ်အောင်ဆန်းစုကြည်ကလည်း မကြာမီကျင်းပတော့မည့် လွှတ်တော်အစည်းအဝေးများတွင် ပြည်တွင်း ငြိမ်းချမ်းရေးကိစ္စကို ဦးစားပေး၍ စတင် ဆောင်ရွက်သွားမည်ဖြစ်ကြောင်း ဧပြီလ ၈ ရက်နေ့က KNU တွေ့ဆုံပွဲတွင် ထုတ်ဖော်ပြောဆိုသည်။
ရန်ကုန်မြို့ဆီဒိုးနားတွင် ဧပြီလ ၆ ရက်နေ့က ကျင်းပခဲ့သည့် ပြည်ထောင်စုအဆင့် ငြိမ်းချမ်းရေးဆွေးနွေးပွဲသို့ KNU မှ အထွေထွေအတွင်းရေးမှူး နော်စီဖိုးရာစိန်၊ ဗိုလ်ချုပ်ကြီး မူတူးစေးဖိုး အပါအ၀င် KNU ကိုယ်စားလှယ် ၁၄ ဦး၊ အစိုးရဘက်မှ ၀န်ကြီး ဦးအောင် မင်း၊ ၀န်ကြီး ဦးစိုးသိန်း၊ ၀န်ကြီး ၇ ဦးအပါအ၀င် အစိုးရငြိမ်းချမ်းရေး ကိုယ်စားလှယ်အဖွဲ့ဝင် ၁၉ ဦး တက်ရောက် ဆွေးနွေးခဲ့ကြ သည်။
ဧပြီ ၇ ရက်က သမ္မတ ဦးသိန်းစိန်နှင့် တွေ့ဆုံရာ၌လည်း KNU အား မတရားအသင်းအဖြစ် သတ်မှတ်ထားခြင်းကို ပယ်ဖျက်ပေးရန် သမ္မတ ဦးသိန်းစိန်ကို တောင်းဆိုခဲ့သည်ဟု KNU အထွေထွေ အတွင်းရေးမှူး နော်စီဖိုးရာစိန်က ပြောသည်။
ဧပြီ ၈ ရက် နံနက်ပိုင်းတွင် ဒေါ်အောင်ဆန်းစုကြည်ကို ရန်ကုန်မြို့ရှိနေအိမ်၌ KNU ငြိမ်းချမ်းရေး ဖော်ဆောင်ရေး အဖွဲ့က တွေ့ဆုံပြီး နောက် နော်စီဖိုးရာစိန်က အထက်ပါအတိုင်း သမ္မတ ဦးသိန်းစိန်ကို ပြောဆိုခဲ့သည်ဟု သတင်း မီဒီယာများကို ပြောပြသည်။
“KNU ကို မတရားအသင်းအဖြစ် သတ်မှတ်ထားတာက အန္တရာယ်ရှိတယ်။ ကြောက်စရာလည်း ကောင်းတယ်။ သမ္မတဦးသိန်းစိန်နဲ့တွေ့ဆုံတုန်းက KNU ကို မတရားအသင်းအဖြစ် သတ်မှတ်ထားတာကို ပြန်စဉ်းစားဖို့ ပြောခဲ့တယ်”ဟု နော်စီဖိုးရာစိန်က ဆိုသည်။
ဒေါ်အောင်ဆန်းစုကြည်ကလည်း KNU ကို မတရားအသင်းအဖြစ် ဆက်လက်ထားရှိခြင်းမှာ မသင့်လျော်ကြောင်း ပြောဆိုလိုက်ပြီး “နိုင်ငံတနိုင်ငံမှာ မတရားအသင်းဆိုတာ ရှိဖို့မကောင်းတဲ့ အခြေအနေပါ”ဟုလည်း ဆိုသည်။
အစိုးရ ပြည်ထောင်စု ငြိမ်းချမ်းရေးကိုယ်စားလှယ်အဖွဲ့မှ လူဝင်မှုကြီးကြပ်ရေး ၀န်ကြီး ဦးခင်ရီ ကမူ KNU ကို မတရားအသင်းအဖြစ် သတ်မှတ်ထားခြင်းသည် ယခင်က လုပ်ဆောင်ခဲ့သော လုပ်ဆောင်ချက်များကြောင့် ဖြစ်ကြောင်း၊ ငြိမ်းချမ်းရေး တွေ့ဆုံဆွေးနွေးပွဲများ တိုးတက်မှုပေါ်မူတည်ပြီး မတရားအသင်းအဖြစ်မှ ပယ်ဖျက်ပေးမည်ဖြစ်ကြောင်း ဆီဒိုနား ဟိုတယ်တွင် ကျင်းပသည့် ငြိမ်းချမ်း ရေး ဆွေးနွေးပွဲအပြီး သတင်းထောက်များနှင့်တွေ့ဆုံစဉ် ပြောဆိုထားသည်။
“Unlawful Force Association(မတရားအသင်း)ဆိုတာကတော့ ဖျက်ကို ဖျက်ပေးရမှာပါ။ ဒါပေမယ့် နိုင်ငံတော်အစိုးရ က အမိန့်နဲ့ တချိန်တခါကလုပ်ရပ်တွေကြောင့် ထုတ်ပြန်တားမြစ်ထားသော် လည်းသင့်တင့်တဲ့အချိန်၊ ဆွေးနွေးပွဲတွေရဲ့Progress(တိုးတက်မှု) ပေါ်မူတည်ပြီးတော့ အလိုအလျောက် ဖျက်ပယ်သွားမှာဖြစ်ပါတယ်၊ ဘယ်တော့ ဘယ်အချိန်အခါဆိုတာကတော့ တိတိကျကျပြော ဖို့ ခက်ခဲပါတယ်”ဟု ဦးခင်ရီက ဆိုသည်။နော်စီဖိုးရာစိန်ကဆက်လက်ပြီး သမ္မတ ဦးသိန်းစိန်က ရှေ့ဆက်သွား မည့် ငြိမ်းချမ်းရေးလုပ်ငန်းစဉ်များနှင့်ပတ်သက်၍ ရှင်းလင်း ဆွေး နွေးကြောင်း၊ KNU အနေနှင့် သမ္မတ ဦးသိန်းစိန်ကို ငြိမ်းချမ်းရေး လိုလားသူတဦးအဖြစ် ရှုမြင်ကြောင်း ပြောဆိုသည်။

အမေရိကန်-မြန်မာ ဆက်ဆံရေးသစ် ပြန်စမည်

 ၁၉၉၀ ခုနှစ်မှစ၍ ရုပ်သိမ်းထားခဲ့သော မြန်မာနိုင်ငံဆိုင်ရာ အမေရိကန် သံအမတ်ကြီး အဆင့်ကို သမ္မတ အိုဘားမား အစိုးရက မကြာမီ ပြန်လည် ခန့်ထားထားခြင်းဖြင့်အမေရိကန်-မြန်မာ သံတမန်ဆက်ဆံရေး အသစ်တဖန် ပြန်လည် စတင်တော့မည်ဖြစ်ပြီး ယင်းတာဝန်ကို မြန်မာပြည်ဆိုင်ရာ အမေရိကန်အစိုးရ အထူးကိုယ်စားလှယ် မူဝါဒရေးရာ ညှိနှိုင်းရေးမှူး ဒဲရက် မစ်ချယ်အား ပေးအပ်မည်ဟု သိရှိရသည်။
သတင်းများအဆိုအရ ပြန်လည်တိုးတက်လာသော နှစ်နိုင်ငံဆက်ဆံရေးနှင့်အတူ အမေရိကန်၏ နိုင်ငံရေး၊ စီးပွားရေးနှင့် လူမှုရေးဆိုင်ရာ ထောက်ပံ့ကူညီမှုများကို ပြန်လည်ခန့်ထားမည့် သံအမတ်ကြီးက တာဝန်ယူ ဆောင်ရွက်သွားမည်ဖြစ်ကြောင်း သိရသည်။
ယခုသတင်းကို လန်ဒန်အခြေစိုက် Financial Times သတင်းစာကြီးက ရေးသားဖော်ပြခဲ့ခြင်းဖြစ်ပြီး မြန်မာနိုင်ငံ၏ လတ်တလော နိုင်ငံရေးပြုပြင်ပြောင်းလဲမှုနှင့် စီးပွားရေး ခေတ်မီတိုးတက်မှုတို့ကို အရှိန်ရလာစေရေးအတွက် အမေရိကန်က တားမြစ်ပိတ်ပင်ထားသည်တို့ကို ဖြေလျှော့ရုပ်သိမ်းတော့မည်ဟု ပြီးခဲ့သည့် သီတင်းပတ်က အမေရိကန် နိုင်ငံခြားရေးဝန်ကြီး ဟီလာရီ ကလင်တန်က ထုတ်ဖော်ပြောဆိုမှုအပြီး ယင်းသတင်း ပေါ်ထွက်လာခြင်းဖြစ်သည်။သမ္မတ ဦးသိန်းစိန် အစိုးရလက်ထက် ဒေါ်အောင်ဆန်းစု ကြည်နှင့် တွေ့ဆုံဆွေးနွေးခဲ့ပြီး နိုင်ငံရေးအကျဉ်းသားများ လွှတ်ပေးခြင်း၊ အမျိုးသားဒီမိုကရေစီ အဖွဲ့ချုပ် (NLD) ပါတီ ၀င်ရောက် ယှဉ်ပြိုင်ခွင့်ရသည့် ကြားဖြတ်ရွေးကောက်ပွဲ ကျင်းပခြင်း၊ တိုင်းရင်းသား လက်နက်ကိုင်များနှင့် တွေ့ဆုံစကား စပြောခြင်းတို့ကြောင့် အမေရိကန်အစိုးရက ယင်းကဲ့သို့ အပြုသဘောဆောင် ဆက်ဆံရေးများ ပြန်လည်ဖြစ်ထွန်းစေမည် ဖြစ်သော်လည်း မြန်မာအစိုးရအတွင်း သဘောထားတင်းမာသူ ခေါင်းမာဂိုဏ်းသားများအရေးကို မေ့မထားရန် လိုသည်ဟုလည်း သတိပေးနေကြသည်။
ကချင်ပြည်နယ်တွင်း တိုက်ပွဲများ ရပ်တန့်ရန် သမ္မတမှ အမိန့်ပေးခဲ့သော်လည်း စစ်တပ်မှ ဆက်လက် တိုက်ခိုက်နေခြင်းကို ထောက်ပြ၍ အမျိုးသားရင်ကြားစေ့ရေးနှင့် ငြိမ်းချမ်းရေး တည်ဆောက်မှု လုပ်ငန်းစဉ်များတွင် မြန်မာ့တပ်မတော် ပါဝင်လာခြင်း မရှိသေးဟု အမည်မဖော်လိုသူ အမေရိကန် အကြီးတန်း အစိုးရအရာရှိတဦးက AFP သတင်းဌာနသို့ ပြောဆိုခဲ့သည်။
“စစ်တပ်နဲ့ ဆက်ဆံရေးလုပ်ဖို့ လိုတယ်ဆိုတဲ့ အကြောင်းပြချက်ရှိနေတယ်လို့ ကျနော် ထင်တယ်။ သူတို့ကို (ပြုပြင်ပြောင်းလဲမှု ဖြစ်စဉ်ထဲ) ခေါ်ထည့်ရမယ်။ သူတို့အတွက်နေရာ ပြုပြင်ပြောင်းလဲမှု ဖြစ်စဉ်ထဲမှာ ရှိနေတယ်ဆိုတာ သေသေချာချာ သူတို့မြင်လာအောင် လုပ်ရမယ်” ဟု အဆိုပါ အမေရိကန်အရာရှိက ဆိုသည်။
ကချင်ပြည်နယ်တွင် စစ်ရေးပဋိပက္ခများကြောင့် နေရပ်ရွှေ့ပြောင်းနေရသူများအတွက် လူသားချင်း စာနာထောက်ထားမှု အကူအညီများ ပေးအပ်နိုင်ရေး အမေရိကန်အစိုးရက တောင်းခံထားသည်။
မြန်မာနိုင်ငံဆိုင်ရာ အမေရိကန် သံအမတ်ကြီးဖြစ်လာမည့် ဒဲရက် မစ်ချယ်အနေဖြင့် တပ်မတော် ကာကွယ်ရေး ဦးစီးချုပ် ဒု ဗိုလ်ချုပ်မှူးကြီး မင်းအောင်လှိုင်နှင့် ပြီးခဲ့သည့်နှစ် နိုဝင်ဘာလ ၃ ရက်နေ့က နေပြည်တော်၌ တွေ့ဆုံခဲ့သေးသည်။ယင်း တွေ့ဆုံဆွေးနွေးမှုမှာ ၁၉၈၈ ခုနှစ် နောက်ပိုင်း အမေရိကန်အစိုးရ ကိုယ်စားလှယ်နှင့် မြန်မာ့တပ်မတော် ခေါင်းဆောင်တို့ ပထမဆုံးအကြိမ် တွေ့ ဆုံဆွေးနွေးခဲ့ကြခြင်း ဖြစ်သည်။ နှစ်နိုင်ငံ တပ်မတော်နှစ်ရပ် ပူးပေါင်း ဆောင်ရွက်ရန် ကိစ္စရပ်များ ကို ဆွေးနွေးခဲ့သည်ဟု မြန်မာအစိုးရပိုင် မီဒီယာများမှတဆင့် သတင်းထုတ်ပြန်ခဲ့သည်။မစ္စတာ ဒဲရက် မစ်ချယ်သည် ၇ လအတွင်း ၆ ကြိမ်မြောက် ခရီးစဉ်အဖြစ် ယခုနှစ် မတ်လအတွင်းက မြန်မာနိုင်ငံသို့ လာရောက်ခဲ့သေးသည်။

မြန်မာနိုင်ငံ သတင်းစာဆရာများအသင်း လွတ်လပ်စွာ ဖွဲ့စည်းမည်

မြန်မာနိုင်ငံစာပေနှင့် စာနယ်ဇင်းအဖွဲ့ကို ဖျက်သိမ်းပြီး အသစ်ဖွဲစည်းမည့် မြန်မာနိုင်ငံ သတင်းစာ ဆရာများအသင်း (Myanmar Journalist Association – MJA)တွင် အစိုးရ ပြန်ကြားရေး ၀န်ကြီးဌာနမှ အရာရှိများ ပါဝင်ခွင့်ပြုမည် မဟုတ်ဘဲ အသင်းဥက္ကဋ္ဌ အပါအ၀င် အလုပ် အမှုဆောင်များကို ဆန္ဒမဲစနစ်နှင့် ရွေးချယ်သွားမည်ဟု သတင်းရရှိသည်။
ရန်ကုန်မြို့ Orchid Hotel တွင် ဧပြီလ ၅ ရက်နေ့ ကျင်းပပြုလုပ်သော မြန်မာနိုင်ငံ သတင်းစာဆရာများအသင်း ဖြစ်မြောက်ရေး ကော်မတီအစည်းအဝေးတွင် ယင်းကော်မတီအတွင်းရေးမှူး ဦးကိုကို (စက်မှု) က “ဘယ်သူက ဥက္ကဋ္ဌလုပ်၊ ဘယ်သူက အတွင်းရေးမှူးလုပ်ဆိုပြီးလည်း ကြိုတင်ရွေးချယ်ထားတာ မရှိဘူး။ အစိုးရဘက်က လူတွေလည်း ပါမှာမဟုတ်ဘူး။ တကယ့်ကို လွတ်လပ်တဲ့အသင်းအဖွဲ့အဖြစ် တည်ထောင်မှာပါ။ ဘယ်သူ့သြဇာကိုမှ ခံမှာ မဟုတ်ဘူး” ဟု ပြောသည်။
မြန်မာနိုင်ငံ သတင်းစာဆရာများအသင်းကို အယ်ဒီတာ၊ သတင်းထောက်များသာမက ကာတွန်းဆရာများ၊ ဒီဇိုင်းဆရာများ အပါအ၀င် အလွှာစုံပါဝင်အောင် ဖွဲ့စည်းသွားမည်ဖြစ်ပြီး သတင်းစာဆရာအသင်းတွင် ဦးဆောင်ပါဝင်လိုသူများသည် မိမိကိုယ်ကိုယ်ကိုယ် ဆန္ဒပြုရမည်ဖြစ်ကြောင်း ရန်ကုန် မီဒီယာဂရု (ပ်) CEO ဦးကိုကို (စက်မှု) က ဆိုသည်။
သတင်းစာဆရာကြီး ဦးခင်မောင်လေး [ဖိုးသောကြာ (ခေတ်+မိုး)] ကလည်း သတင်းစာဆရာသမားများ အားလုံးညီညွတ်ရေးသည် အရေးကြီးပြီး အသင်းအဖွဲ့ကို လူငယ်မျိုးဆက်များက ဦးဆောင်သင့်သည် ဟု ပြောသည်။“ကျနော်တို့က အသက်ကြီးပြီ။ မသေခင်တော့ ဒီအသင်းအဖွဲ့လေးကို မြင်သွားချင်ပါတယ်။ အားလုံးညီညီညွတ်ညွတ် စုစုစည်းစည်းဖြစ်တာ မြင်သွားချင်တယ်” ဟု ဦးခင်မောင်လေးက ဆိုသည်။
သမ္မတ ဦးသိန်းစိန်၏ နိုင်ငံရေးအကြံပေး ဦးကိုကိုလှိုင်ကလည်း သတင်းစာဆရာအသင်းသည် လွတ်လပ်သော အသင်းအဖွဲ့အဖြစ် ရပ်တည်သွားမည်ဖြစ်ပြီး ယင်းသို့ရပ်တည်ရေးမှာလည်း အရေး ကြီးကြောင်း ပြောသည်။
“သတင်းစာဆရာအသင်းက လွတ်လပ်တဲ့ အဖွဲ့အစည်းအဖြစ်ပဲ ရပ်တည်ပါလိမ့်မယ်” ဟု ၄င်းက ပြောသည်။
မြန်မာနိုင်ငံ သတင်းစာဆရာအသင်း ဖြစ်မြောက်ရေး ကော်မတီတွင် နာယကများအဖြစ် ဆရာ မောင်ဝံသ (ပြည်သူ့ခေတ်ဂျာနယ် အတိုင်ပင်ခံ အယ်ဒီတာ)၊ ဦးဝင်းငြိမ်း (ရွှေအမြူတေ အယ်ဒီတာချုပ်)နှင့် ဦးကိုကိုလှိုင်၊ ဥက္ကဋ္ဌအဖြစ် ဆရာကြီး ဦးခင်မောင်လေး၊ ဒု ဥက္ကဋ္ဌများအဖြစ် ဦးအောင်လှထွန်း (Reuters သတင်းဌာန)၊ ဦးသီဟစော (မြန်မာ့ဓန မဂ္ဂဇင်းနှင့် အိုးပင်ဂျာနယ် အယ်ဒီတာချုပ်) တို့ပါဝင်ပြီး ဧပြီ ၅ ရက်နေ့ အစည်းအဝေး၌ ကော်မတီတိုးချဲ့ ဖွဲ့စည်းမှုတွင် ဧရာဝတီသတင်းဌာနမှ ကိုကျော်စွာမိုး (အယ်ဒီတာ၊ English Edition)၊ မဇ္ဈိမသတင်းဌာနမှ ကိုစိန်ဝင်း (အယ်ဒီတာ) တို့ပါ ပါဝင်လာကြောင်း ယင်းအဖွဲ့၏ ထုတ်ပြန်ချက်အရ သိရှိရသည်။
ယနေ့တွင်လည်း Orchid Hotel တွင်ပင် အစည်းအဝေး ထပ်မံကျင်းပမည်ဖြစ်ပြီး ယင်းအစည်းအဝေးတွင် မြန်မာနိုင်ငံ သတင်းစာဆရာအသင်း၏ ဖွဲ့စည်းပုံအခြေခံ စည်းမျဉ်းစည်းကမ်းများကို ညှိနှိုင်းရေးဆွဲသွားမည်ဖြစ်ကြောင်း၊ ထိုသို့ရေးဆွဲရန် သက်ဆိုင်ရာ ဂျာနယ်တိုက်များကို ဖိတ်ကြား ထားကြောင်း သိရသည်။မြန်မာနိုင်ငံ သတင်းစာဆရာအသင်း ပေါ်ပေါက်ရန် ကြိုးစားနေချိန် နိုင်ငံရေး အကျဉ်းသားဟောင်း၊ စာနယ်ဇင်းသမားတဦးဖြစ်သူ ဦးဇော်သက်ထွေး ဦးဆောင်သော သတင်းစာဆရာများ ကလည်း မြန်မာသတင်းသမဂ္ဂ ဖွဲ့စည်းရေးကြိုးပမ်းလျက်ရှိရာ မကြာမီ စာနယ်ဇင်းဆိုင်ရာ တရားဝင် အဖွဲ့အစည်းနှစ်ခု ပေါ်ပေါက်လာဖွယ်ရှိသည်ဟု ပြည်တွင်းမီဒီယာအသိုင်းအ၀ိုင်းမှ စုံစမ်းသိရှိရသည်။