ကရင်ပြည်နယ် NLD ပါတီ ဥက္ကဌ နန်းခင်ထွေးမြင့် ဘုရားသုံးဆူ မြို့ရှိ ပါတီဝင်များကိုသွားရောက်တွေ့ဆုံ

ဧပြီလ၃ရက်၊၂၀၁၃ခုနှစ်။စဖန်းရှောင်း (ကေအိုင်စီ)

ကရင်ပြည်နယ်၊ အမျိုးသားဒီမိုကရေစီအဖွဲ့ချုပ် (NLD) ပါတီဥက္ကဌ နန်းခင်ထွေးမြင့်သည် ဘုရားသုံးဆူမြို့ရှိပါတီဝင်များကို ယမန်နေ့ ဧပြီလ ၂ရက်နေ့တွင် သွားရောက်တွေ့ဆုံခဲ့ကာဆွေးနွေးပွဲ တရပ် ပြုလုပ်ခဲ့သည်ဟုသိရသည်။

လွန်ခဲ့သောမတ်လ ၁၀ ရက်နေ့ ကရန်ကုန်မြို့တွင်ပြုလုပ်သော NLD ပါတီညီလာခံနှင့် ပတ်သက်ပြီး အခြေအနေ များကိုအောက်ခြေမြို့ နယ်ရှိ ပါတီဝင်များ သိမြင်နား လည်စေရန် ရည်ရွယ်ပြီး ဘုရား သုံးဆူမြို့တွင်ပါတီ ဝင်များနှင့် တွေ့ဆုံဆွေးနွေးပွဲ ပြုလုပ်ခဲ့ခြင်းဖြစ် သည် ဟု NLD ဗဟိုကော်မတီဝင် လည်းဖြစ်ကရင်ပြည်နယ် NLD ပါတီဥက္ကဌလည်းဖြစ်သူ နန်းခင်ထွေးမြင့်က ကေအိုင်စီကိုယနေ့ တွင် ပြော သည်။“ရန်ကုန်မှာ ကျင်းပတဲ့ ပထမဆုံးအကြိမ် NLD ညီလာခံမှာဒီက ကိုယ်စားလှယ် အဖြစ် တက်ရောက်နိုင်ခဲ့ခြင်း မရှိဘူးလေ။ အဲဒါကြောင့်ညီလာခံက အကြောင်းအရာတွေကို သူတို့ကိုသိစေချင် တယ်။နောက်ပြီးတော့ ဗဟိုကနေအောက်ခြေ အထိပြည်သူလူထုတွေနဲ့ ရင်းနှီးအောင်၊ပိုပြီးနားလည်မှု ရှိလာအောင်ရည်ရွယ် လုပ်တာပါ” ဟုနန်းခင်ထွေးမြင့် က ပြောသည်။ဘုရားသုံးဆူမြို့အမှတ်(၁)ရပ်ကွက်ရှိ NLDရုံးတွင်မနက်၇နာရီမှ စတင်ကျင်းပခဲ့သောအဆိုပါ အခမ်းအနားတွင် NLD ပါတီဝင်များအပါအဝင် မွန်ပြည်နယ်ပြည်သူ့ လွှတ်တော် ကိုယ်စားလှယ်ဒေါ်ခင်ဌေးကြွယ်နှင့်ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ၊ မွန်ပြည်သစ်ပါတီ၊ တိုင်းရင်းသားစည်းလုံးညီညွတ်ရေးပါတီ နှင့် ဖလုံစဝေါ်ဒီမိုကရက် တစ်ပါတီမှ ကိုယ်စားလှယ်များစုစုပေါင်း၁၅၀ကျော် တက်ရောက်ခဲ့ကြသည်ဟုသိရသည်။အဆိုပါအခမ်း အနားတွင်ဒေါ်နန်းခင်ထွေးမြင့်မှ ပါတီ၏လုပ်ငန်းစဉ်များအကြောင်းကို ပါတီဝင်များနှင့်အတူအပြန်အလှန် ရှင်းလင်းဆွေးနွေးခဲ့ကြသည့်အပြင်ပြည်သူ့လွှတ်တော် ကိုယ်စားလှယ်ဒေါ်ခင်ဌေးကြွယ်မှ လွှတ်တော်ဆိုင် ရာအကြောင်းအရာများနှင့် သိသင့်သိထိုက်သည်များကိုဆွေးနွေးခဲ့ကြပြီးအခမ်းအနားကို မနက်၁၀နာရီတွင် ရုပ်သိမ်းလိုက်သည်။အမျိုးသားဒီမိုကရေစီအဖွဲ့ချုပ် NLD ပါတီအနေဖြင့်မြန်မာပြည် အနယ်နယ်အရပ်ရပ် တွင် လူမှုရေးအကျိုးပြု၊ ပညာရေးအထောက်အကူပြုအခမဲ့သင်တန်းများကို ဖွင့်လှစ်သင်ကြားပေးလျက်ရှိ ရာ ဘုရားသုံးဆူမြို့တွင်လည်းအဆိုပါသင်တန်းများကို ဖွင့်လှစ်သင်ကြားပေးလျက်ရှိသည်ဟု သိရ သည်။မြန် မာတစ်နိုင်ငံလုံးအတိုင်းအတာအရ အမျိုးသားဒီမိုကရေစီအဖွဲ့ချုပ် NLD ပါတီ၏ ပါတီ ၀င်အင်အားမှာ ၁၃သိန်းကျော်ရှိပြီးနယ်စပ်မြို့တစ်ခုဖြစ်သော ဘုရားသုံးဆူမြို့နယ်တွင် ပါတီဝင်အရေ အတွက်၃၀၀ကျော်ခန့်ရှိသည်ဟုသိရသည်။