"သဘာဝငှက်ပျောသီးနဲ့လှနည်း အသွယ်သွယ်"

Tuesday, July 9, 2013

လှပမှုအတွက် အဘက်ဘက်က ကောင်းကျိုး ပြုတဲ့ ငှက်ပျောသီးနဲ့ လှပစေ မယ့် နည်းအဖြာဖြာကို ဒီလအတွက် ဖော်ပြပေးလိုက်ပါတယ်။ ယခု ၂ဝ၁၃ ခုနှစ်မှာဆိုရင် ဘဏ္ဍာတန်ဖိုးအရ ပြောရ ရင် ကမ္ဘာ့ တတိယမြောက် အားထား ရတဲ့ သစ်သီး အဆင့်ကိုရောက်လာတဲ့ ငှက်ပျောသီး ဟာ စားသောက်ကုန် အတွက် သက်သက်မဟုတ်ဘဲ အလှအပထိန်းသိမ်းပြုပြင်ရာမှာပါ အဖိုးတန်လှတဲ့ သဘာဝရဲ့ လက်ဆောင် ပါပဲ။


ဗီတာမင် B,C,E နဲ့ သတ္တုဓာတ်တွေ ပါဝင်တဲ့ ငှက်ပျောသီးဟာ အမိုင်နို အက်ဆစ် နဲ့ သဘာဝ အဆီအနှစ် တွေ၊ ပိုတက်ဆီယမ်တွေလည်း ကြွယ်ဝတဲ့ အတွက် အသားအရေ၊ ဆံနွယ် တို့ရဲ့ ကျန်းမာလှပမှုအတွက် အားပြုနိုင်တဲ့ သစ်သီး ဆိုတာ သံသယဝင်ဖို့တောင် မလိုတော့ပါဘူး။

ဒါ့အပြင် ဈေးနှုန်းမမြင့်လှတဲ့သစ်သီး ဖြစ်သလို နိုင်ငံပေါင်း ၁ဝဝကျော်မှာ စိုက်ပျိုး ဖြစ်ထွန်းတော့ ကမ္ဘာ့အလှအပ သဘာဝ ကုန်ကြမ်းများထဲက အားထားရတဲ့ အဓိက ကုန်ကြမ်းတစ်မျိုးပါပဲ။

ကဲ...ဒီလောက်လွယ်လွယ်ကူကူ ဝယ်လို့ရနိုင်တဲ့ ငှက်ပျောသီးနဲ့ ပိုလှအောင် ထိန်းသိမ်းကြည့်ရ အောင်။

"စိုပြည်နူးညံ့တဲ့ အသားအရေရချင်သူတွေ အတွက်"
----------------------------------------------------
အသားအရေ ခြောက်သွေ့နေသူတွေ အတွက် တစ်မဟုတ်ချင်း စိုပြည် ဝင်းပသွားဖို့ ငှက်ပျောသီးမှည့် တစ်လုံးကိုချေပြီး မိနစ် ၂ဝ ကြာ အောင် ခြေ နဲ့ လက်များကို လူးထားပါ။ အချိန်စေ့ လို့ရေဆေးလိုက်တဲ့အခါ သင့်အသား အရေဟာ မူလကထက်စိုပြည်နူးညံ့သွားတာကို သင်ခံစားရမှာပါ။

"အသားအရေမတွန့်အောင် ကာကွယ်ချင်သူ များအတွက်"
---------------------------------------------------------
ငှက်ပျောသီးမှည့်ကို လှီးပြီး ပန်းကန်လုံး တစ်လုံးထဲမှာ ခရင်မ်ပုံစံ ရတဲ့အထိ ချေပြီး မွှေပါ။ မျက်နှာနဲ့ လည်ပင်းကိုလူးပြီး ၁၅ မိနစ်ကြာအောင် ထားပါ။ ပြီးရင် ကြက်သီးနွေး ရေနဲ့ မျက်နှာသစ်ပါ။ နောက်ပြီး ရေအေးနဲ့ တစ်ခါထပ်သစ်ပါ။

"တောက်ပတဲ့ အသားအရေပိုင်ရှင်ဖြစ်ဖို့ အတွက်"
--------------------------------------------------
အသားအရေ လင်းလက်ချောမွေ့ဖို့ ရံဖန် ရံခါဆိုသလို Scrub လုပ်ပေး သင့်ပါတယ်။ ငှက် ပျောသီး Scrub လုပ်ချင်ရင်တော့ ငှက်ပျောသီး မှည့်ကို ချေထားတဲ့အနှစ်ထဲကို သကြားသင့်ရုံထည့် ပြီး ခြေလက်နဲ့ ခန္ဓာကိုယ် အနှံ့ ပွတ်သတ်ပြီးမှ ရေချိုးပါ။ ဆဲလ်သေတွေကွာကျပြီး ဝင်းပတဲ့ အသားအရေကို ရရှိပါလိမ့်မယ်။

"မျက်နှာလေးစိုပြည်ချင်သူများအတွက်"
-----------------------------------------
ငှက်ပျောသီးမှည့် ၂ စိတ်ကိုချေပြီး ၁ဝ မိနစ် လူးထားပါ။ သခွား သီးလေးတွေ လှီးပြီးအပေါ်က ထပ်ပွတ်ပေး ပါ။ ပြီးရင် ရေအေးနဲ့ မျက်နှာ သစ်ပါ။နောက်တစ်နည်းက ထောပတ်သီးမှည့် တစ်ခြမ်းနဲ့ အနှစ် နဲ့ ငှက်ပျော သီး တစ်လုံးကို လှီးထားပါ။ ပျားရည် ၂ ဇွန်းထည့်ပါ။ ကြေမွပြီး သမအောင် လက် ဒါမှမဟုတ် စက်အဆင်ပြေ ရာနဲ့ ချေပါ။ ပြီးရင် မျက်နှာကို ၁၅ မိနစ် လူးထားပါ။ ပိုတဲ့ ခရင်မ်တွေကိုတော့ ရေခဲသေတ္တာထဲ ထည့်သိမ်း ထား ပြီး နောက်တစ်ခါသုံးပါ။

"ပိုးသားလေးလို ဆံနွယ်ဖြစ်ဖို့ ဆံပင်အား ဖြည့်ချင် သူအတွက်"
--------------------------------------------------------------
ငှက်ပျောသီး နဲ့ လုပ်ထားတဲ့ ခေါင်းလျှော်ရည် နဲ့ ပျော့ဆေးများကို သင်မြင်ဖူးမှာပါ။ ဒါကို အချိန်နည်းနည်း ပေးနိုင်ရင် ကိုယ်တိုင်လုပ်လို့ ရပါတယ်။ သင်ကိုယ်တိုင် ဆံပင်ပေါင်းတင်နိုင်မယ့် နည်းဖြစ်ပါတယ်။
- ငှက်ပျောသီးမှည့်တစ်ခြမ်း
- ထောပတ်သီးမှည့် ဆတူ
- ဒိန်ချဉ်(plain) ၂ ဇွန်း
- သံလွင်ဆီ ၁ ဇွန်းတို့ကို

သမအောင်မွှေပြီး ခေါင်းလျှော်ပြီးစ ရေမခြောက် တခြောက်မှာ ဆံပင်အနှံ့ လူးပါ။ ရေချိုးရင်း ခေါင်းမစို အောင် ဆောင်းတဲ့ ပလတ်စတစ် ခေါင်းစွပ် Cap လေး ဆောင်းထားပါ။ ဆံပင်တွေ ခေါင်းစွပ်ထဲ ဝင်နေ ပါစေ။ ၁၅ မိနစ်၊ မိနစ် ၂ဝ ကြာရင်တော့ ရေ ဆေးပစ်ပါ။ Shampoo နဲ့ ခေါင်းထပ်လျှော်ပါ။ ဒါကို ၂ ပတ်
၁ ကြိမ်၊ ဒါမှမဟုတ် ၁ လ တစ်ကြိမ် လုပ်ပေးသင့်ပါတယ်။

အထက်ပါနည်းမှာ ဒိန်ချဉ်ထည့်ခြင်းက ဆံပင်ကျွတ် သက်သာစေပြီး၊ ဒိန်ချဉ်အစား ပျား ရည်ကို ထည့်ရင် အဖျားနှစ်ခွ ကွဲတာသက်သာ စေ ပါတယ်။ သံလွင်ဆီ နေရာမှာ အုန်းနို့ ထည့်သုံး ရင် ပျက်စီးနေတဲ့ ဆံပင် သားများကို ကောင်းမွန် နူးညံ့လာစေပါတယ်။

လှပစိုပြည် ရတီမေတို့ ကိုယ်တိုင်စမ်းလုပ်ကြည့် ပြီး ပိုလှပနိုင်ကြပါစေ။

Yati Magazine