Thursday, 04 July 2013
ရန်ကုန်-ဒလ မြစ်ကူးတံတား တည်ဆောက်မည့် သတင်းကြောင့် ဒလဘက်ရှိ အိမ်၊ ခြံ၊ မြေဈေးနှုန်းများ ယခင်က ကျပ်သိန်းရာဂဏန်းသာ ရှိခဲ့ရာမှ ယခုအခါ ကျပ်သိန်း ၅,၀၀၀ ၀န်းကျင်အထိ ဈေးမြင့်တက်လာ ကြောင်း ဒလမြို့ရှိ အိမ်ခြံမြေ အကျိုးဆောင် လုပ်ငန်းများမှ သိရသည်။
ဒလ-တွံတေး လမ်းမကြီးဘေးရှိ ပေ ၄၀_၆၀ အိမ်နှင့်မြေကွက်၊ ဂရန်စာချုပ်အပါ ဈေးနှုန်းမှာ အနည်းဆုံး ကျပ်သိန်း ၁၅၀၀ မှ ကျပ်သိန်း ၅,၀၀၀ အထိ ပေါက်ဈေးရှိပြီး အတွင်းပိုင်းတွင်မူ ကျပ်သိန်း ၅၀၀မှ ၇၀၀
အထိ ပိုင်ဆိုင်မှု စာချုပ်ပေါ်တွင် လည်းကောင်း၊ မြေနေရာ အကျယ်အ၀န်းပေါ် မူတည်၍ လည်းကောင်း ဈေးနှုန်းမြင့်တက်လာကြောင်း သိရသည်။ ယခင်ကမူ ယခုမြင့်တက်လျက်ရှိသည့် ဈေးများထက် ထက်ဝက် ခန့်သာ ရှိခဲ့ကြောင်း အိမ်ခြံမြေ အကျိုးဆောင်လုပ်ငန်းများက ပြောကြားသည်။
"အရောင်းအ၀ယ်က ရက်တိုင်းလိုလို ဖြစ်နေတယ်။ အများဆုံး လာဝယ်ကြတာ စီးပွားရေးလုပ်ငန်းရှင်တွေ များတယ်။ အခုလို ဈေးမြင့်တက်တာနှစ်ပတ်လောက်ပဲ ရှိပါသေးတယ်။ ဈေးတွေက ဒီထက်မြင့်ဖို့ပဲ ရှိတယ်။
ရောင်းတဲ့သူကလည်း လိုချင်တဲ့ဈေးကို စိတ်ကြိုက်ခေါ်ပြီး ၀ယ်တဲ့သူကလည်း ဈေးကိုခေါ်သလောက် ပေးတယ်။ တံတားစီမံကိန်းရယ်၊ မြို့ပတ်လမ်း စီမံကိန်းရယ်နဲ့ တိုက်ရိုက်ကျနေတဲ့ မြေနေရာတွေက ပို အရောင်းအ၀ယ် ဖြစ်တယ်။ ကျန်စစ်သား ရပ်ကွက်ထဲက အမှိုက်ပုံမြေ နေရာကိုတောင် ကိုရီးယားလူမျိုး တစ်ယောက်က ကျပ်သိန်းသုံးထောင်နဲ့ အပြတ်ဝယ်သွားတယ်" ဟု ဒလမြို့နယ်ရှိ Fuji Real Estate အိမ်ခြံမြေ အကျိုးဆောင် လုပ်ငန်းမှ အကျိုးဆောင် ကိုရဲဝင့်စိုးက ပြောကြားသည်။
ဒလမြို့နယ်တွင် တံတားဆောက်မည့် သတင်းများအရ အချက်အချာ အကျဆုံးဟု ယူဆလျက်ရှိသည့် ကျန်စစ်သားရပ်ကွက်၊ တပင်ရွှေထီးရပ်ကွက်၊ သပြေကုန်းရပ်ကွက်၊ ကမာကဆစ်ရပ်ကွက် စသည့်ရပ်ကွက်
များမှာ ဈေးများအဆမတန် မြင့်တက်လျက်ရှိကြောင်း သိရသည်။
"ကျန်စစ်သား၊ တပင်ရွှေထီး အဲဒီရပ်ကွက်တွေမှာရှိတဲ့ အိမ်ခြံမြေတွေက ရောင်းအားအကောင်းဆုံးပဲ။ တံတားခြေရင်းလို့ သေချာသလောက် ယူဆရတဲ့အတွက် မျှော်လင့်ချက် တစ်ခုကြောင့် ၀ယ်တဲ့သူများတယ်။ လမ်းမတန်းမှာဆိုရင် အိမ်ခြံမြေတွေက ကုန်သလောက် ရှိနေပြီ။ အကွက်သေးတွေပဲ ၀ယ်လို့ရတယ်" ဟု မချို (ဒလ) အိမ်ခြံမြေ အကျိုးဆောင်လုပ်ငန်းမှ မချိုက ပြောကြားသည်။
လက်ရှိဒလမြို့နယ် အတွင်းရှိ အချက်အချာကျသော နေရာများရှိ အိမ်ခြံမြေ ဈေးနှုန်းများမှာ ကျန်စစ်သား ရပ်ကွက်တွင် ခြံသီးသန့်ပေ ၅၀ ပတ်လည်လျှင် ကျပ်သိန်း ၇၀၀၊ ပေ ၄၀_၆၀ အိမ်အပါအ၀င် ကျပ်သိန်း ၁၂၀၀ မှ ၁၅၀၀၊ ပေ ၂၅_၅၀ ကျပ်သိန်း ၄၀၀ မှ ၅၀၀၊ ဒလ-တွံတေး လမ်းမပေါ်တွင် ခြံသီးသန့် ကျပ်သိန်း ၃၀၀၀ မှ ၆၀၀၀၊ ဒလ-တွံတေး လမ်းမတန်းအတွင်း ဘက်ခြမ်းတွင်မူ ကျပ်သိန်း ၂၀၀၀ အထိ ဈေးမြင့်တက်
လာပြီး ယခင်က မူယင်းဈေးများထက် ထက်ဝက်သို့မဟုတ် သုံးပုံတစ်ပုံခန့်သာ ပေါက်ဈေးရှိခဲ့ကြောင်း သိရသည်။
ထိုသို့မြင့်တက်မှုများမှာ တံတားဆောက်မည့် စီမံကိန်းကြောင့် စီးပွားရေး လုပ်ငန်းရှင် အများစုမှ လိုက်လံ ၀ယ်ယူ ခြင်းကြောင့်ဖြစ်ပြီး ဈေးကစားမှုများ ဖြစ်ပေါ်ကာ ဈေးထပ်မံမြင့်တက် လာနိုင်ကြောင်း အိမ်ခြံမြေ အကျိုးဆောင်များက သုံးသပ်သည်။
ရန်ကုန်-ဒလ မြစ်ကူးတံတား စီမံကိန်းကို ကိုရီးယားသမ္မတနိုင်ငံမှ မြန်မာ-ကိုရီးယား ချစ်ကြည်ရေး အထိမ်း အမှတ်အဖြစ် တာဝန်ယူ တည်ဆောက်မည်ဖြစ်ကာ ၂၀၁၄ ခုနှစ် နှစ်ဆန်းပိုင်းတွင် စတင်အကောင်အထည် ဖော်မည်ဖြစ်ကြောင်း နိုင်ငံပိုင် သတင်းစာများတွင် ဖော်ပြထားသည်။
eleven media group
No comments:
Post a Comment