Friday, 23 August 2013
ဒီမိုကရေစီရဲ့ အနှစ်သာရဟာ အများရဲ့ဆုံးဖြတ်ချက်နဲ့ ဆန္ဒအတိုင်း လုပ်ကိုင်ဆောင်ရွက်ရတာဆိုပေမယ့်၊ လူနည်းစုရဲ့ ဆန္ဒတွေကိုလည်း လေးစားတန်ဖိုးထားရမယ်လို့ အမျိုးသားဒီမို ကရေစီအဖွဲ့ချုပ် ဥက္ကဌ ပြည်သူ့ လွှတ်တော် ကိုယ်စားလှယ် ဒေါ်အောင်ဆန်းစုကြည် က ပြောကြားလိုက်ပါတယ်။
ဒီကနေ့ ပြည်ထောင်စု လွှတ်တော်ကို လာရောက်လေ့လာတဲ့ ရန်ကုန်တိုင်း သာကေတမြို့နယ်နဲ့ မင်္ဂလာ တောင်ညွန့်မြို့နယ်တွေက အမျိုးသားဒီမိုကရေစီအဖွဲ့ချုပ် ( NLD ) ပါတီဝင်တွေနဲ့ တွေ့ဆုံစဉ်မှာ ပြောကြား ခဲ့တာပါ။
ဒါ့အပြင် အမျိုးသားဒီမိုကရေစီအဖွဲ့ချုပ်ပါတီဟာ ဒီမိုကရေစီအရေးနဲ့ အမျိုးသားရေးကို အခြေခံထားတဲ့ ပါတီအဖွဲ့အစည်းဖြစ်တဲ့အတွက် ဒီမိုကရေစီ အခြေခံလုပ်ပုံလုပ်နည်းတွေနဲ့ ဆက်သွားဖို့လိုအပ်တယ်လို့ လည်း ထည့်သွင်းပြောဆိုခဲ့ပါတယ်။
အခုနှစ်ပိုင်းအတွင်းမှာ အမျိုးသားဒီမိုကရေစီအဖွဲ့ချုပ် ( NLD ) ပါတီဝင်တွေဟာ လွှတ်တော်ကို မကြာခဏ လာရောက်လေ့လာနေကြပါတယ်။
RFA Burmese
No comments:
Post a Comment