ဦးအောင်မင်းနှင့် လက်နက်ကိုင်အဖွဲ့များ တောင်ကြီးတွင် တွေ့ဆုံ

 Friday, September 20, 2013

တောင်ကြီးတွင်ကျင်းပသောသျှမ်း-ကယား-မွန်ညီလာခံတက်ရောက်လာသည့် မြန်မာငြိမ်းချမ်းရေးစင်တာမှ ဦးအောင်မင်းကယနေ့နေ့လည်ပိုင်းတွင်သျှမ်းပြည်တပ်မတော်၂ခု(RCSS/SSA နှင့် SSPP/SSA )နှင့်ပအိုဝ်း အမျိုးသားလွတ်မြောက်ရေးအဖွဲ့ချုပ်တို့အားတွေ့ဆုံသည်ဟုသတင်းရရှိပါသည်။သျှမ်းပြည်ပြန်လည်ထူထောင်ရေးကောင်စီဘက်မှဗိုလ်မှူးချုပ်ပေါင်ခေးဦးဆောင်သည့်ကိုယ်စားလှယ်အဖွဲ့၅ဦးဖြစ်သောအတိုင်ပင်ခံပုဂ္ဂိုလ်စဝ်ပင်ခမ်း၊ဗိုလ်မှူးကြီးစိုင်းလှ၊ဒု-ဗိုလ်မှူးကြီးယွက်မိဏ်း၊ဒုဗိုလ်မှူးကြီးစိုင်းမိဏ်းတို့ပါဝင်ကြောင်းသိရပါသည်။

 ဦးအောင်မင်းနှင့်ဆွေးနွေးမည့်အကြောင်းအရာကို သျှမ်းပြည်တပ်မတော် ဘက်မှထုတ် ဖော်ပြောကြားခြင်း မရှိသေးကြောင်း၊သို့သော်ယခုတပတ်အတွင်းပင်တိုက်ပွဲ၎ ကြိမ်ထက်မနည်းဖြစ်ပွါးရာမြန်မာစစ်တပ်ဘက်က ဗိုလ်ကြီးတဦးကျကြောင်းယခုတွေ့ဆုံပွဲတွင်အဆိုပါတိုက်ပွဲများနှင့်ပတ်သက်၍ဆွေးနွေးသွားဖွယ်ရှိကြောင်းသျှမ်းပြည်တပ်မတော်မှ အရာရှိက ပြောပါသည်။ “ ဒီအပတ်ထဲမှာဘဲ မိုင်းကိုင်မြို့ မိုင်းလန်းဘက်မှာ တကြိမ်၊ နမ့်ဇန်မြို့ မိုင်းစစ်နဲ့လွယ်ယေးဘက်မှာ၊ အရှေ့ပိုင်း မိုင်းပူးအွန် ဘက်မှာတိုက်ပွဲ ၄ ကြိမ်ဖြစ်တယ်။ မိုင်းလန်းတိုက်ပွဲက အပြင်းဆုံးဘဲ” ဟု ဆိုပါသည်။ ၎င်းနှင့်ပတ်သက်၍ RCSS/SSA ခေါင်းဆောင် ဒု-ဗိုလ်ချုပ်ကြီးယွက်စစ်ကလည်းKNUခေါင်းဆောင်ဗိုလ်ချုပ်ကြီးမူတူးစေးဖိုးနှင့်သွားရောက် ဆွေးနွေးခဲ့ကြောင်း သျှမ်းပြည်တပ်မတော်ဘက်ကပြောပါသည်။

 “ အခုလ ၁၈ ရက်နေ့က စဝ်ယွက်စစ်က KNU ဗိုလ်ချုပ်ကြီးစောမူတူးဆေးဖိုး နဲ့သွားပြီးဆွေးနွေးတယ်။ တပြည်လုံး အပစ် ရပ်လက်မှတ်မထိုး မီမှာ အကြောင်းအမျိုးမျိုးပြပြီး မတိုက်ရန်ဆိုတဲ့အာမခံချက်ရရှိဖို့ပေါ့” ဟု အဆိုပါအရာရှိ ကပြောသည်။ အောက်တိုဘာလတွင် တပြည်လုံးအပစ်ရပ်ရေး ဆွေးနွေးပြီး လက်မှတ်ရေး ထိုးမည်ဟု ပြည်ထောင်စုအဆင့် ငြိမ်းချမ်းရေး ဖော်ဆောင်ရေးလုပ်ငန်း ကော်မတီ ဒု ဥက္ကဌ ၂ ဦးအောင်မင်းက ကြေငြာခဲ့ပြီးဖြစ်ပါသည်။

 Panglong(Burmese)