ပေါက်ပင်ဘာကြောင့်ကိုင်းရတယ်

Monday, June 30, 2014

ရန်ကုန်မြို့က ကိုအောင်ခိုင်မျိုးရေးတဲ့ စာမှာတော့ ဘုရင့်နောင်လမ်းဆုံနဲ့ ဘုရင့်နောင်ဈေးကြားမှာ ခန္ဓာကိုယ်နဲ့ရင်းပြီး စီးပွားရှာနေကြတဲ့ မိန်းကလေးတွေအကြောင်းကို ဖော်ပြရင်း ဘယ်လိုလုပ်ကြရင် ကောင်းမလဲလို့ရေးလာတဲ့ စာကို ဖတ်ပြီး ငယ်ငယ်ကသင်ခဲ့ရတဲ့ “ပေါက်ပင် ဘာကြောင့် ကိုင်းရတယ်”ဆိုတဲ့ ကဗျာလေးကို သတိရမိပါတယ်။

သူပြောတဲ့နေရာတစ်ဝိုက်က တည်းခိုခန်း၊ အနှိပ်ခန်းတွေမှာ ခန္ဓာကိုယ်နဲ့ရင်းပြီး စီးပွားရှာနေကြတဲ့ မိန်းကလေးတွေကို အနိုင်ကျင့်ခေါင်းပုံဖြတ်စားနေသူတွေရဲ့ အကြောင်းကိုတော့ တာဝန်ရှိသူတွေရော တာဝန်မရှိသူတွေပါ သိကြပါတယ်။ ဒါပေမဲ့ ဒီလိုကိစ္စတွေ မပပျောက်သလို အားလုံးကြောင့်လို့ ပြောရင် ပိုမှန်ပါလိမ့်မယ်။

အကြောင်းကြောင်းတွေကြောင့် ဒီလိုဘ၀မျိုးကို ရောက်လာရတယ်ဆိုပေမယ့် ကာယကံရှင်ကိုင်တိုင်က ဒီဘ၀ကနေ လွတ်မြောက်ချင်တဲ့ စိတ်ရှိမယ်ဆိုရင် တာဝန်ရှိသူတွေက ဒီကိစ္စကို ဦးဆောင်လုပ်ကိုင်သူတွေကို ထိရောက်တဲ့ အရေးယူမှုတွေ ပြုလုပ်ပြီး ဒီလိုမိန်းကလေးတွေရဲ့ အသက်မွေးဝမ်းကျောင်းအတွက် သင့်လျော်တဲ့ အတတ်ပညာတွေ သင်ပေးနိုင်မယ်၊ အလုပ်ပေးနိုင်မယ်ဆိုရင် အဲဒီနေရာကို သွားနေကျ လူတွေ၊ သွားလာတဲ့သူတွေကို မသွားချင်လောက်အောင် ပညာပေး စည်းရုံးနိုင်မယ်ဆိုရင်တော့ အခုပြောတဲ့ အကြောင်းအရာတွေ နည်းသွားဖို့ပဲ ရှိပါတယ်။

ကိုအောင်နိုင်မျိုးပြောသလို ဒီလိုဖြစ်အောင် မလုပ်နိုင်ရင်လည်း တရားဝင်ခွင့်ပြုပေးဖို့ဆိုတာကတော့ အုပ်ချုပ်သူ အစိုးရနဲ့ နိုင်ငံတစ်ဝန်းက ပြည်သူတွေရဲ့ဆုံးဖြတ်မှုပေါ်မှာ မူတည်တာမို့ အကောင်းဆုံးကတော့ မိမိကိုယ်တိုင် မသွားခြင်းအားဖြင့် ခန္ဓာကိုယ်နဲ့ရင်းပြီး အလုပ်လုပ်တဲ့ မိန်းကလေးတွေရဲ့ဘ၀ကို ဆက်လက် မရှင်သန်နိုင်အောင် ပြုလုပ်ရာရောက်ပါတယ်။

----------------------------------------
စာဖတ်သူတွေရဲ့ ခံစားချက်၊ အသံတွေကို ပေးပို့ချင်တယ်ဆိုရင် ဆက်သွယ်ဖို့အတွက်
မဇ္ဈိမမီဒီယာဂရု၊
အခန်းအမှတ် ၄၀၇၊ (၄)လွှာ၊ (စီ)ဆောင်
ကမ္ဘာအေးစေတီလမ်း၊ ဗဟန်းမြို့နယ်၊ ရန်ကုန်မြို့။

အီးမေးလ် mizzima@mizzima.com သို့ ပေးပို့နိုင်ကြပါတယ်။

Mizzima