ဖွဲ့စည်းပုံ အခြေခံဥပဒေနှင့် တပ်မတော်အပေါ် သဘောထားအမြင်

Monday, April , 7, 2014

တပ်မတော်အနေဖြင့် ဒီမိုကရေစီအနှစ်သာရကိုလက်ခံထားပြီး ၂၀၀၈ခုနှစ်၊ဖွဲ့စည်းပုံအခြေခံဥပဒေဖြင့် ဒီမိုကရေစီလျှောက်လှမ်းမှုမှာ လိုက်ပါဆောင်ရွက်လျက်ရှိနေပါတယ်။ ၂၀၀၈အခြေခံဥပဒေပြင်ဆင်ရေးကို တပ်မတော်အနေဖြင့် အတိုင်းအတာတစ်ခုအထိ လက်ခံပေမယ့် နိုင်ငံအင်အားချည့်နဲ့အောင်၊ တပ်မတော် အင်အားချည့်နဲ့အောင်အထိတော့ပြင်ဆင်ခွင့်သဘောတူနိုင်မှာမဟုတ်ပါဘူး။ 

ဒါဟာအဓိကအားဖြင့်ပြောရမည် ဆိုပါလျှင် နိုင်ငံတော်နဲ့ပြည်သူတွေရဲ့ကောင်းကျိုးကို ထာဝစဉ်ဦးထိပ်ထားတဲ့အတွက်ကြောင့်ပဲဖြစ်ပါတယ်။

“၂၀၀၈ခုနှစ်၊ဖွဲ့စည်းပုံအခြေခံဥပဒေကို ကာကွယ်စောင့်ရှောက်ရန်တပ်မတော်တွင် အဓိကတာဝန် ရှိသည်”လို့ ဖွဲ့စည်းပုံအခြေခံဥပဒေမှာပြဋ္ဌာန်းထားပါတယ်။ တပ်မတော်အစိုးရလက်ထက်မှာ ဖွဲ့စည်းပုံအခြေခံ ဥပဒေကိုရေးဆွဲခဲ့ရာမှာ ဒီမိုကရေစီနည်းလမ်းတကျရေးဆွဲခဲ့တာဖြစ်ပါတယ်။ လူထုလူတန်းစားအလိုက် ကိုယ်စားလှယ်တွေနဲ့ ပါတီပေါင်းစုံကကိုယ်စားလှယ်တွေ၊အသိပညာရှင်၊အတတ်ပညာရှင်တွေစုပေါင်းရေးဆွဲ ခဲ့တာဖြစ်ပါတယ်။၂၀၀၈ခုနှစ်ကလူဦးရေ၅၇ဒသမ၃သန်းမှာ ဆန္ဒမဲပေးခွင့်ရှိသူ ၂၇ဒသမ၂၈သန်းအနက်မဲပေး သူ၂၆ဒသမ၇သန်းထဲက ထောက်ခံဆန္ဒမဲပေးခဲ့တာဖြစ်ပါတယ်။ ရာခိုင်နှုန်းအားဖြင့်ပြောရမယ်ဆိုရင် ၉၂ ဒသမ ၄၈ရာခိုင်နှုန်းကထောက်ခံခဲ့တာဖြစ်ပါတယ်။

တပ်မတော်ကို ခိုင်ခိုင်မာမာနဲ့ အင်အားတောင့်တင်းအောင်လုပ်ဆောင်နေတာ၊ ပတ်ဝန်းကျင်နိုင်ငံတွေ ထက် သာလွန်အောင်လုပ်ဆောင်နေတာတွေဟာ တကယ်တော့ ပြည်သူတစ်ရပ်လုံးအတွက်ကောင်းတဲ့ လုပ်ရပ်တွေ ဖြစ်ပါတယ်။တပ်မတော်ညံ့ခဲ့လို့ နိုင်ငံကျွန်ဖြစ်ခဲ့တာဟာ ဖြစ်ရပ်မှန်ပါပဲ။ ဒီကနေ့၂၀၀၈ဖွဲ့စည်းပုံ အခြေခံဥပဒေမှာ တပ်မတော်ရဲ့အခန်းကဏ္ဍကိုလိုအပ်လို့ထည့်သွင်းထားတာဖြစ်ပါတယ်။ လိုအပ်လို့ဆိုတာ ပြည်သူတွေကောင်းကျိုးကိုမျှော်ကိုးရှေးရှုပြီးထည့်သွင်းထားတာပါ။ အရေးကြုံတိုင်း အခက်အခဲဖြစ်တိုင်းခိုင်ခိုင် မာမာရပ်တည်နိုင်တဲ့အဖွဲ့အစည်းဆိုလို့တပ်မတော်ပဲရှိတယ်ဆိုတာ ပြည်သူတစ်ရပ်လုံးအသိပါပဲ။အားမတမ်း ပြောရယင် တပ်မတော်ကို အင်အားချည့်နဲ့အောင်လုပ်နေတာ၊ နိုင်ငံရေးနယ်ပယ်(လွှတ်တော်သုံးရပ်)မှာမပါဝင် ဖို့ တောင်းဆိုနေတာဟာ ဦးနှောက်မရှိတဲ့သူတွေ ဖြစ်ပါတယ်။

၂၀၀၈ဖွဲ့စည်းပုံမှာ ပြည်နယ်နှင့်တိုင်းဒေသကြီးတွေ၊ကိုယ်ပိုင်အုပ်ချုပ်ခွင့်ရတိုင်းဒေသကြီးဒေသမှာသူ့ နယ်မြေဒေသအလိုက်လွှတ်တော်တွေ၊အစိုးရတွေပေးထားပြီးဖြစ်ပါတယ်။လက်ရှိအခြေအနေမှာတော့လုပ်ငန်းကျွမ်းကျင်သူတွေကိုအရှိန်အဟုန်မပျက်အောင်ခန့်ထားပေးကြတာဖြစ်ပေမယ့် နောင်နှစ်ကာလများစွာကြာ သွားတဲ့အခါ သူ့ပြည်နယ်၊သူ့လူမျိုးအုပ်ချုပ်ကြတဲ့စနစ်ဖြစ်သွားကြမှာပါ။ ပန်းတိုင်ဆိုတာလျှောက်ကြမှရောက် သွားမှာပါ။လျှောက်မကြည့်ကြသေးဘဲဖွဲ့စည်းပုံအခြေခံဥပဒေကိုဝေဖန်ရှုတ်ချအပြစ်ပြောနေကြတာ၊တပ်မတော်ပါဝင်မှုကို ကန့်ကွက်နေတာဟာ ငါ့နဲ့မတူ ငါ့ရန်သူဆိုတဲ့စိတ်နဲ့လုပ်နေကြတာမို့ တိုင်းပြည်အတွက် မကောင်းပါ ဘူး။ခြောက်ပြစ်ကင်းတဲ့ဥပဒေဆိုတာ ဘယ်နိုင်ငံမှာမရှိပါဘူး။ ပိုမိုကောင်းမွန်အောင်ပြင်ဆင်တာမျိုးကို တပ်မတော်ကကြိုဆိုပါတယ်။

မပျက်ပျက်အောင်ဖျက်မဲ့စိတ်ထားမျိုးနဲ့ ဖွဲ့စည်းပုံပြင်ဆင်ရေး လုပ်ဆောင်တာမျိုး ကိုတော့ တပ်မတော်အနေနဲ့ လက်ခံမှာမဟုတ်ပါဘူး။ ပြည်သူလူထုတစ်ရပ်လုံးရဲ့ကောင်းကျိုးကို ဦးထိပ်ထား တဲ့အတွက် အခြေခံဥပဒေကို တပ်မတော်ကကာကွယ်နေမှာပဲဖြစ်ပါတယ်။ ဒါကြောင့်မို့(၆၉)နှစ်မြောက် တပ်မတော်နေ့မှာတပ်မတော်ကာကွယ်ရေးဦးစီးချုပ်ပြောတဲ့စကားကို ကြိုဆိုထောက်ခံလိုက်ပါတယ်။ ။

thar gyi
credit to : https://www.facebook.com/shwe.man.7568?ref=tn_tnmn