အခြားအော်ပရေတာအသစ်များ ဈေးကွက်မထိခိုက်စေရန် ဖုန်းခေါ်ဆိုခကို အကန့်အသတ်ဖြင့် လျှော့ချခဲ့ဟု အမ်ပီတီပြော

Monday, January 12, 2015

အမ်ပီတီအနေဖြင့် ဖုန်း ခေါ်ဆိုခ နှုန်းထားများကို အများ နှင့် တန်းတူ လျှော့ချမပေးခဲ့ဘဲ သီးခြားအစီအစဉ်တစ်ခု သတ်မှတ်လိုက်ခြင်းမှာ အခြားအော်ပရေတာများ အကျပ်အတည်း မဖြစ်စေရန်နှင့် ပြိုင်ဆိုင်မှုဈေးကွက် ပျက်စီးမသွားစေရန်ဖြစ်ကြောင်း မြန်မာ့ဆက်သွယ်ရေးမှ အထွေထွေမန်နေဂျာ ဦးခင်မောင်ထွန်းက ပြောသည်။

‘‘၀န်ဆောင်မှုတွေကို တန်းတူမလျှော့ချတာက အခုမှဝင်လာတဲ့ အော်ပရေတာတွေကို အကျပ်အတည်း မဖြစ်အောင် လုပ်ပေးတဲ့သဘောပါ။ ဈေးကွက်ထဲမှာ ပြိုင်ဆိုင်မှုပုံစံပျက်စီးသွားမှာကြောင့်လည်း ဖြစ်ပါတယ်’’ ဟု ဦးခင်မောင်ထွန်းကရှင်းပြသည်။

နိုင်ငံတစ်ဝန်းတွင် ကွန်ရက် အများဆုံး ဖြန့်ကြက်ထားသည့် အားသာချက်ရှိပြီး ပြည်တွင်း၌ မိုဘိုင်းဖုန်းအသုံးပြုသူ၉၀ ရာခိုင်နှုန်းခန့်ကို ပိုင်ဆိုင်ထားသော အမ်ပီတီအနေဖြင့် အထက်ပါ အားသာချက်ကို ရယူပြီး အသုံးပြုခများကိုတန်းတူမလျှော့ချပေးခြင်းဖြစ်ကြောင်း မိုဘိုင်းဖုန်း အသုံးပြုသူများက ဝေဖန်လျက်ရှိသည့်အတွက် ၎င်းက ပြန်လည်ဖြေကြားခဲ့ခြင်းဖြစ်သည်။

‘‘လက်ရှိမှာ အသုံးပြုသူ အများဆုံးပိုင်ထားတဲ့ အမ်ပီတီအနေ နဲ့ အခုလိုမျိုး လုပ်ပေးလိုက်တာ က ပြိုင်ဘက်တွေအပေါ်မှာ မျှတတဲ့ ယှဉ်ပြိုင်မူတစ်ခုလုပ် လိုက် တယ်လို့ ပြောလို့ရပါတယ်။ ဈေးကွက်တိုင်းမှာ ယှဉ်ပြိုင်မူကောင်း လေ သုံးစွဲသူတွေအတွက် ကောင်းလေပါပဲ။ ၀န်ဆောင်မှုပေးတာ လပိုင်းပဲ ရှိသေးတဲ့ ပြည် ပအော်ပရေအနေနဲ့ ပိုမိုကောင်းမွန်တဲ့ ယှဉ်ပြိုင်မူအတွက် လိုအပ်ချက်တွေရှိနေပါသေးတယ်’’ဟု အူရီးဒူးမြန်မာမှ ပြန်ကြားရေးနှင့် ပြည်သူ့ဆက်ဆံရေး မန်နေဂျာ ဒေါ်သီရိကြာညိုက ဆိုသည်။

နိုင်ငံတစ်ခု ဖွံ့ဖြိုးရေးအတွက် အရေးကြီးဆုံးမှာ ဆက် သွယ်ရေးကဏ္ဍဖြစ်ပြီး ပေါ်ထွက် လာသော ရလဒ်မှာ ကောင်းသည် ဖြစ်စေ၊ ဆိုးသည်ဖြစ်စေ ပြည်သူ များခံရမည်ဖြစ်သောကြောင့် ကွန်ရက်နှင့် ၀န်ဆောင်မှုကို ပိုမို ကောင်းမွန်အောင် ဆောင်ရွက် နေချိန်အတွင်း၌ ဈေးနှုန်းတန်းတူ လျှော့ချပေးခြင်းကို အမြတ်ရဖို့အတွက်သာလုပ်နေသည်ဟု မထင်စေလိုကြောင်း အမ်ပီတီနှင့်ဂျပန်လုပ်ငန်းစုတို့ ပူးပေါင်းထားသော ကုမ္ပဏီ၏ အမှုဆောင်အရာရှိချုပ်မစ္စတာတာကာရှီနာဂါရှိမာက ဆိုသည်။

အမ်ပီတီ၏ ၀န်ဆောင်မှုအသစ် ဆွေသဟာ၏ နှုန်းထားများမှာ ဖုန်းခေါ်ဆိုခ တစ်မိနစ် ၃၅ ကျပ်၊ SMS တစ်စောင်လျှင် ၁၅ ကျပ်နှင့် အင်တာနက်အသုံးပြုခ 1MB လျှင် ၁၅ ကျပ်တို့ ဖြစ်သည်။

ပြည်ပအော်ပရေတာများ၏ နှုန်းထားများမှာ ဖုန်းခေါ်ဆိုခ တစ်မိနစ်လျှင်၂၅ ကျပ်၊ SMS တစ်စောင်လျှင် ၁၅ ကျပ်ဖြစ်ပြီး အင် တာနက်အသုံးပြုခအနေဖြင့် အူရီးဒူးတွင် 1MB ခုနစ်ကျပ်ခွဲ၊ တယ်လီနောတွင် My Internet အတွက် 1MB လျှင် ခြောက်ကျပ် မြန်နှုန်းဖြင့် စမတ်အင်တာနက်အတွက် 1MB လျှင် ၁၀ ကျပ်တို့ ဖြစ်သည်။

7Day News Journal