လက်ဖျားခါရလောက်ပါပေတယ်

ယခုတလော နိုင်ငံခြားအသံလွှင့် ဌာနများမှ ကျယ်ကျယ်လောင်လောင် အော်နေတာကတွေ့ဆုံ ဆွေးနွေးမှုအတွင်း ဦးတင်ဦးအား ပါဝင်ခွင့်မပေးတဲ့အတွက် ဥပဒေမဲ့လုပ်ရပ်အဖြစ် အင်န်အယ်ဒီမှ ရှုမြင်ကြောင်း၊ ပါတီပြောခွင့်ရပုဂ္ဂိုလ် တစ်ဦးက ပြောကြားသွားကြောင်ပါ ဆိုတဲ့သတင်းကြားလိုက်ရတော့ အတော်အံသြသွားမိတယ်။ ဒီသတင်းထွက်ပေါ် မလာခင် နိုဝင်ဘာ ၃ ရက်နှင့် ၄ ရက်မှာ မြန်မာပြည်ကို အမေရိကန်လက်ထောက် နိုင်ငံခြားရေးဝန်ကြီးဌာနမှ အရှေ့အာရှနှင့် ပစိဖိတ်ရေးရာဌာန လက်ထောက်နိုင်ငံခြား ရေးဝန်ကြီး Mr.Kurt Michael Campbell ဦးဆောင်သော ကိုယ်စားလှယ်အဖွဲ့ နေပြည်တော်နှင့် ရန်ကုန်သို့ လာရောက်ကြောင်း သတင်းစာနှင့် ပြည်ပအသံလွှင့်ဌာနများမှ ကြားလိုက်ရပါရဲ့။ အပြုသဘောဆောင်မယ့် ဆက်ဆံမှုတွေဖြစ်ပါစေ၊ ကောင်းသောလာခြင်းတွေ ဖြစ်ပါစေလို့ အားလုံးမျှော်လင့်လျက်ပါ။ထုတ်ပပြောပေမဲ့ လူတိုင်းရဲ့ ရင်ထဲမှာဆက်ဆံရေးတွေ တိုးတက်ကောင်းမွန်ပြီး နာဂစ်ကယ်ဆယ်ရေး လုပ်ငန်းတွေအတွက် ကူအညီ ထောက်ပံ့မှု တွေပဲပေးမလား၊ အမေရိကန်လူငယ်များအပါအ၀င်ကမ္ဘာတစ်ဝှမ်းလုံးလူညွန့်တုံးစေမယ့် မူးယစ် ဆေးဝါး တိုက်ဖျက်နှိမ်နင်ရေး လုပ်ငန်းတွေများအကူအညီတွေပြန်ပေးလိမ့်မလား၊သဘာဝဘေး အန္တရာယ်ကြိုတင် ကာကွယ်ရေးလုပ်ငန်းများ ခေတ်မီပစ္စည်းကိရိယာတွေ ပံ့ပိုးကူညီပေးလိမ့်မလားရယ်လို့ လူတိုင်း ရဲ့ရင်ထဲမှာ တိုးတိတ်မျှော်လင့်စိတ် ကလေး တွေ ကိုယ်စီနဲ့ပါ။

ဒါပေမယ့် နိုဝင်ဘာ ၆ ရက်နေ့ထုတ်သတင်းစာများမှာ တွေ့လိုက်ရတဲ့ `` အရှေ့အာရှနှင့် ပစိဖိတ်ရေးရာဌာန လက်ထောက်နိုင်ငံခြားရေးဝန်ကြီး Mr.Kurt Michael Campbell ဦးဆောင်သော ကိုယ်စားလှယ်အဖွဲ့ ရန်ကုန်မြို့မှ ပြန်လည်ထွက်ခွာ ´´သတင်းမှာတော့ Mr.Kurt Michael Campbell ဦးဆောင်သော ကိုယ်စား လှယ် အဖွဲ့အားတိုင်းရင်းသား စည်းလုံးညီညွတ်ရေး ပါတီဌာနချုပ်တွင်ပါတီဗဟိုအလုပ် အမှုဆောင် အဖွဲ့ဝင် များနှင့်လည်းကောင်း၊ ခေတ္တတည်းခိုသည့် ဟိုတယ်တွင် ကျန်ရှိသော တရားဝင် မှတ်ပုံတင်ထားသော နိုင်ငံရေးပါတီများမှ ကိုယ်စားလှယ်များနှင့် တွေ့ဆိုဖို့စီစဉ်ပေးထားပေမဲ့ တွေ့ဆုံခြင်းမပြုခဲ့တဲ့ အမေရိကန် ယာယီတာဝန်ခံရဲ့နေအိမ်မှ စိစစ်ဆဲပုဂ္ဂိုလ် အချို့နဲ့တွေ့ဆုံခဲ့ကြောင်း သတင်းကို ဖတ်ရှုလိုက်ရတော့ အချိန်မရလို့လား၊ မတွေ့ချင်လို့ပဲလားလို့ တွေ့လိုက်မိပါရဲ့ နိုဝင်ဘာ ၅ ရက်နေ့ ၀၅၃၀ချိန် ဗွီအိုအေက အသံလွှင့်ချက်မှာတော့``အမေရိကန်ကိုယ်စားလှယ်အဖွဲ့ဟာ ဖျက်သိမ်းခံတိုင်းရင်းသား နိုင်ငံရေးပါတီက ဦးအေးသာအောင်၊ ဦးပူကျင်ရှင်းထန်၊ နိုင်ထွန်းသိန်း၊ ဦးရွှေအုန်းအပါအ၀င် ရန်ကုန်မှာ သီးခြား တွေ့ဆုံခဲ့ပါတယ်´´ လို့ထုတ်လွှင့်ခဲ့ပြန်တယ်၊ ဂျာနယ်သမားတွေကို လိုက်မေးပြန်တော့ သတင်း ထုတ်ပြန်ချက် စာရွက်ဝေငှသွားပါတယ်တဲ့။ ခဏတောင်းယူ ဖတ်ကြည့်တော့ ခေါင်းစဉ်စာသားမှာ Yangon အစား Rangoon, Myanmar အစား Burma စာသားတွေ သုံးသွားပါကလား၊ တခြား ရှည်ရှည်ဝေးဝေး၊ ဟိုဟိုဒီဒီတွေ မစဉ်းစားပါနဲ့ဦး၊ ရိုးရိုးလေးစဉ်းစားကြည့်ရင် ကုလသမဂ္ဂမှာ တရားဝင်ပြောင်းထားတဲ့ အမည်နာမတွေကို ပြည်ပမှာ ဆိုရင်ထားပါတော့။ တစ်ချို့ကနှုတ်ကျိုးနေလို့၊ ယခုဗျာမြန်မာပြည်ထဲလာပြီး မြန်မာနိုင်ငံထဲမှာရှိတဲ့ သံရုံးမှာ ရေးသားထုတ်ဝေတာ။ ဒါဟာမသိလို့မဟုတ်။ တမင်ဗိုလ်ကျ အနိုင်ကျင့်တဲ့ သဘောပေါ့။ ဒါကျတော့ကျွန်တော်တို့ ကိုရွှေမြန်မာများက မနာတက် ကြတော့ဘူးလား။ မလိုတဲ့နေရာကျတော့ အတွေးတွေနက်ပြီး ဥပဒေမဲ့လုပ်ရပ်တွေ ဘာညာပြောနေတာ။ ဒီလိုလုပ်ချင်တာလုပ်ပြီး ငါတို့ကို လွန်ဆန်လို့မရပါဘူးဆိုတဲ့ အချိုးမျိုးလုပ်သွားတာ ကျတော့ဟိုပြောဒီပြောလုပ်နေသူများ အတွေးချော်နေကြပါလား ကိုတတ်ပတို့ရေ။
ကျွန်တော်တို့ဆီကိုလာတဲ့ရည်ရွယ်ချက်က နှစ်နိုင်ငံဆက်ဆံရေး ပိုမိုတိုးတက် ကောင်းမွန်လာ ဖို့နဲ့ အချက် အလက်လာစုဆောင်းတာလို့ သိရကြောင်းပါဗျာ။ အဲဒီလိုဆိုရင် နိုင်ငံတစ်နိုင်ငံက တစ်နိုင်ငံရဲ့ အချုပ်အခြား၊ စည်းမျဉ်း စည်းကမ်း၊ လေးစားလိုက်နာရမယ့်နီတိ၊ ကျင့်ဝတ်တွေကို မစောင့်ထိန်းတော့ဘူးလား။ ဘယ်သူနဲ့တွေ့ပြီး ဘယ်သူနဲ့ မတွေ့လို့ပြောတာမဟုတ်ပါ။ ကျွန်တော်တို့ သာမန်ရိုးရိုးလေးတွေးခေါ်တာပါ။ ဥပမာ ဆိုပါတော့ဗျာ - လူကြီးတစ်ယောက် နဲ့ လူငယ်တစ်ယောက် ယခင်က သိပ်လည်းရင်းနှီးကျွမ်းဝင်မှုမရှိ၊ ယခုမှတွေ့တဲ့အခါ လူကြီးက လူငယ်ကို ``ဟေ့ကောင် မင်းငါ့လောက် အသက်မကြီးသေးပါဘူး။ ငါ့လောက်အတွေ့ အကြုံမရှိသေးပါဘူး။ မင်းထက်ငါလူ့ပြည်ကိုအရင် ရောက်တာပါ´´ လို့များ တွေ့တွေ့ချင်း ဆောက်နဲ့ထွင်းလိုက်ရင် လူငယ်ဘက်က ခံစားကြည့်စမ်းပါ။ မမှန်ဘူးလား ဆိုတော့ မှန်သင့်သလောက်မှန်တယ်။ ဒါပေမယ့် အချင်းချင်းလေးစားစောင့်ထိန်းရမယ့် ကျင့်ဝတ်၊ ဂါရ၀တရားစတာတွေ ဘောင်ကျော်မနေဘူးလားဗျာ။ ဒါရိုးရိုးရှင်းရှင်း နမူနာလေးပါ။ ဒါမျိုးကျတော့ ကိုရွှေမြန်မာတို့ရေငုံနှုတ်ပိတ်နေတာ အံသြပလို့ပဲ ပြောလိုက်ချင်ပါရဲ့။

မောင်ဖိုးဆန်း