Thursday, 10 October 2013
ရခိုင်ပြည်နယ်၊ သံတွဲမြို့နယ်မှာ ပြီးခဲ့တဲ့ရက်ပိုင်းကဖြစ်ပွားခဲ့တဲ့ ပဋိပက္ခရဲ့ဇာစ်မြစ်နဲ့ အဖြစ်မှန် ပေါ်ပေါက် ရေးတွေအတွက် ပြည်ထောင်စုလွှတ်တော်မှာ မကြာခင်တင်ပြသွားဖို့ရှိတယ်လို့ ရခိုင်တိုင်းရင်းသားများ တိုးတက်ရေးပါတီ RNDP ပါတီ တာဝန်ရှိသူတွေက RFA ကိုပြောပါတယ်။
RNDP ပါတီရဲ့ စုံစမ်းစစ်ဆေးမှုအရ ဖမ်းဆီးခံထားရတဲ့သူတွေဟာ အထောက်အထားမရှိဘဲ ဖမ်းဆီးခံ ထားရတာတွေဖြစ်ကြောင်း စုံစမ်းရေးအဖွဲ့မှာပါဝင်တဲ့မြေပုံမြို့နယ် ပြည်သူ့လွှတ်တော် ကိုယ်စားလှယ် ဦးဖေသန်း ပြောပါတယ်။
ရခိုင်တိုင်းရင်းသားများ တိုးတက်ရေးပါတီ RNDP ဥက္ကဌ ဒေါက်တာအေးမောင်အပါအဝင် ၆ ဦးဟာ သံတွဲ မြို့နယ် RNDP ပါတီဥက္ကဌ ဦးစောလှိုင်အပါအဝင် ရခိုင်တိုင်းရင်းသားတွေကို အစိုးရက ဖမ်းဆီး စစ်ဆေးနေ တာနဲ့ ပတ်သက်ပြီး အောက်တိုဘာ ၇ ရက်နေ့ကနေ ဒီကနေ့ ၉ ရက်နေ့အထိ သွားရောက်စုံစမ်းခဲ့တာဖြစ် ပါတယ်။
ဒီအတောအတွင်းမှာပဲ မနေ့က သံတွဲမြို့ကိုရောက်ရှိနေတဲ့ ၈၈ မျိုးဆက် ပွင့်လင်းလူ့အဖွဲ့အစည်းက ဦးကိုကိုကြီး အပါအဝင် ခေါင်းဆောင် ၄ ဦးဟာ ဖမ်းဆီးထိန်းသိမ်းခံထားရတဲ့ မိသားစုဝင်တွေ၊ ဒေသခံတွေ၊ သံတွဲမြို့ပေါ်က ဆရာတော်ကြီးတွေ၊ ရပ်မိရပ်ဖတွေနဲ့ တွေ့ဆုံခဲ့တယ်လို့ သိရပါတယ်။
RFA Burmese
No comments:
Post a Comment