Friday, February 14, 2014
မန္တလေးမြို့၊ ချမ်းမြသာစည်မြို့နယ် မြရည်နန္ဒာရပ်ကွက်၊ တန်ဖိုးနည်းအိမ်ရာစီမံကိန်းမှ ကနဦး တည် ဆောက်နေသော အဆောက်အအုံများကို၂၀၁၄ ခုနှစ်၊ မေလတွင် အပြီးတည်ဆောက်သွားရန် ခန့်မှန်း ထားကြောင်း မန္တလေးမြို့တော် စည်ပင်သာယာရေးကော်မတီမှ တာဝန်ရှိသူတစ်ဦးက ပြောသည်။
“လက်ရှိတည်ဆောက်နေတဲ့ အကွက်နှစ်ကွက် (မမ ၁၅၊ ၁၆)က မေလမှာပြီးဖို့ မှန်းထားတယ်။ ဒါပြီးရင် ဘတ်ဂျက်အခြေအနေအရ ဆက်ဆောက်သွားမယ်။ ဈေးနှုန်းကတော့ အထပ်လိုက်မှာ နည်းနည်းစီကွာ သွားမယ်”ဟု ၎င်းက ပြောသည်။
မမ - ၁၅ အကွက်ပေါ်တွင် အခန်းပေါင်း ၈၆၄ ခန်းရှိသော ရှစ်ခန်းတွဲ လေးထပ် အဆောက်အအုံ ၂၇ လုံး နှင့် မမ - ၁၆ အကွက်ပေါ်တွင် အခန်းပေါင်း ၄၈၀ ရှိသည့် လေးခန်းတွဲ လေးထပ်အဆောက်အအုံ အလုံး ၃၀ တည်ဆောက်လျက်ရှိသည်။
အဆိုပါအခန်းများ တည်ဆောက်ရန် ပြည်ပမှ နည်းပညာများရယူကာ မန္တလေးမြို့တော် စည်ပင်သာယာ ရေးကော်မတီ၏ ဘတ်ဂျက်ဖြင့် ၂၀၁၃ ခုနှစ် စက်တင်ဘာ ၁၀ ရက်က ကနဦး တည်ဆောက်ခဲ့သည်။
တည်ဆောက်မည့်အထပ်နှင့် အခန်းနေရာအလိုက် ဈေးနှုန်းသတ်မှတ်ချက် ကွာခြားသွားမည်ဖြစ်ပြီး မန္တလေးမြို့တော် စည်ပင်သာယာရေးကော်မတီက အဆိုပါစီမံကိန်း၏ မြေညီထပ်အခန်းများကို အခကြေး ငွေဖြင့် နှစ်ရှည်ငှားရမ်းကာ ရရှိလာသည့် ငွေကြေးဖြင့် နောက်ထပ်အဆောက်အအုံများ ထပ်တိုး တည် ဆောက်မည်ဖြစ်သည်။
၎င်းအိမ်ရာစီမံကိန်းက အဆောက်အအုံများ ပြန်လည်ရောင်းချရာတွင်လည်း ယခုနေရာ၌ ယခင်က ရောင်းမှား၊ ၀ယ်မှား ဖြစ်ခဲ့သူများနှင့် အစိုးရ၀န်ထမ်း ပင်စင်စားများကို စာရင်းကောက်ယူ၍ အဓိကဦး စားပေး ရောင်းချသွားမည်ဖြစ်သည်။
Mizzima
No comments:
Post a Comment