မဲဆောက်တွင် ရှစ်လေးလုံးငွေရတုဆုံးဖြတ်ချက် များ ဖော်ဆောင်ရေးကော်မတီနှင့် တိုင်းရင်းသားအဖွဲ့ အစည်းများ၊ နယ်စပ်အခြေစိုက် ဒီမိုကရက်တစ်အင်အားစုများနှင့် တွေ့ဆုံဆွေးနွေး

Friday, May 02, 2014

ထိုင်းနိုင်ငံ မဲဆောက်မြို့ရှိ NLD-LA ရုံး၌ အေပြီလ ၂၉ ရက် နံနက် ၉ နာရီမှ မွန်းလွဲ ၃ နာရီခွဲအထိ ရှစ်လေးလုံး ငွေရတုဆုံးဖြတ်ချက်များ အကောင်အထည်ဖော်ရေးကော်မတီနှင့် တိုင်းရင်းသားအဖွဲ့အစည်းအချို့မှ ကိုယ်စား လှယ်များ တွေ့ဆုံဆွေးနွေးခဲ့ကြောင်း မြန်မာ - ထိုင်း နယ်စပ်ရှိ သတင်းထောက်တစ်ဦးထံမှ သိရသည်။

အဆိုပါတွေ့ဆုံဆွေးနွေးပွဲတွင် ရှစ်လေးလုံးငွေရတု ဆုံးဖြတ်ချက်အကောင်အထည်ဖော်ရေး ကော်မတီမှ ကိုမြအေး၊ ကိုတိုးလှိုင်ကျော်၊ ကိုသန့်ဇင်၊ ကိုစည်သူမောင်၊ ကိုရွှေဇင်ထွန်း၊ ကိုစိုးမိုးထွန်းနှင့် ကိုအံ့ဘွယ်ကျော် တို့ ပါဝင်ပြီး တိုင်းရင်းသားကိုယ်စားလှယ်များဘက်မှ ဦးခိုင်စိုးနိုင်အောင်(ALP)၊ ဗိုလ်ချုပ်ကြီး အာစီ(KNU/ KLNA)၊ ဒေါက်တာ ၀င်းနိုင်၊ ဖဒိုမန်းမန်း(KNU)၊ ခွန်းဟတ်ကိုဘန်(UNLD-LA)၊ တိုက်ဂါး(KNU/KNLU-PC)၊ ဗိုလ်မှူးကြီး စောဆန်းအောင် (DKBA)၊ ဦးမြင့်သိန်း (NLD-LA)၊ စောလှငွေတို့ တက်ရောက် ဆွေးနွေးခဲ့ကြ သည်။

ထိုတွေ့ဆုံဆွေးနွေးပွဲတွင် ရှစ်လေးလုံးငွေရတု ဆုံးဖြတ်ချက်များ ဖော်ဆောင်ရေးကော်မတီ၏ ဆုံးဖြတ်ချက်များ ဖြစ်သည့် (က) ကိုယ့်ကြမ္မာကို ပြဋ္ဌာန်းခွင့်ရှိ၍ တန်းတူညီမျှမှုရှိသော ဒီမိုကရက်တစ်ဖက်ဒရယ် ပြည်ထောင်စု နိုင်ငံတော်သစ် တည်ဆောက်ရန်၊

(ခ) ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ပြောင်းလဲရန်(သို့) အသစ် ပြန်လည်ရေးဆွဲရန်၊

(ဂ) ငြိမ်းချမ်းရေးနှင့် အမျိုးသားပြန်လည်သင့်မြတ်ရေးကို ဦးတည်သော အမျိုးသား အင်အားစုအားလုံးပါဝင်သည့် ညီလာခံတစ်ရပ်ကျင်းပရန် စသည်တို့ကို ဆွေးနွေးခဲ့ကြပြီး တိုင်းရင်းသားတပ် ပေါင်းစု၏ လုပ်ငန်းစဉ်များနှင့် ထပ်တူဖြစ်သောကြောင့် ထပ်မံတွေ့ဆုံဆွေးနွေးမှုများပြုလုပ်ရန် ဆုံးဖြတ်ချက် ချခဲ့ကြောင်း သိရသည်။

ဆက်လက်၍ ရှစ်လေးလုံးငွေရတုဆုံးဖြတ်ချက်များ ဖော်ဆောင်ရေးကော်မတီ ၀င်တစ်ဦး၏ ပြောပြချက်အရ အေပြီ ၃၀ ရက် မွန်းလွဲ ၁ နာရီခန့်တွင် ရှစ်လေးလုံးငွေရတုဆုံးဖြတ်ချက်များဖော်ဆောင်ရေးကော်မတီနှင့် နယ်စပ်အခြေစိုက်ဒီမိုကရက်တစ်အင်အားစုများ တွေ့ဆုံဆွေးနွေးခဲ့ကြရာ နယ်စပ်အခြေစိုက်ဒီမိုကရက်တစ် အင်အားစုများမှ ရဲဘော် မျိုးဝင်း(ABSDF)၊ ရဲဘော် ချစ်ဝင်း (ABSDF)၊ ရဲဘော် အေးလွင်(ABSDF)၊ နော်ဆန်း (SYCB)၊ ကျော်ထက် (PDF/FDB)၊ လွေးဒီဒီမှိမ်း (PWO)၊ လွေးပိုးငယ်(PWO)၊ ဦးတင်ရှိန်(မြိတ်-ထားဝယ် ညီညွတ်ရေးတပ်ဦး)၊ ဒေါက်တာ ကျော်ညွှန့် (ပြည်သူ့တိုးတက်ရေးပါတီ)၊ ကိုမြင့်သိန်း(NLD-LA)၊ ရဲဘော် ထွန်းအောင်ကျော်(NLD-LA)၊ စောသာဝင်း (MTC)တို့ တက်ရောက်ဆွေးနွေးခဲ့ကြသည်။

အဆိုပါ ဆွေးနွေးပွဲမှ

``(၁)ရှစ်လေးလုံးငွေရတုဆုံးဖြတ်ချက်များ ဖော်ဆောင်ရေးကော်မတီ၏ ဆုံးဖြတ်ချက်(၃) ရပ်တို့သည် နယ်စပ်အခြေစိုက်ဒီမိုကရက်တစ်အင်အားစုများ၏ နိုင်ငံရေးအမြင်၊ သဘောထားများနှင့် ထပ်တူ ဖြစ်သည်။

(၂)မြန်မာနိုင်ငံငြိမ်းချမ်းရေးဖြစ်စဉ်၏ အပစ်အခတ်ရပ်စဲရေးလုပ်ငန်းစဉ်နှင့် နိုင်ငံရေးဆွေးနွေးပွဲများ ဖြစ်ထွန်းလာရေးတွင် ရှစ်လေးလုံးငွေရတု ဆုံးဖြတ်ချက်များဖော်ဆောင်ရေးကော်မတီ လအနေဖြင့် နယ်စပ် အခြေစိုက်ဒီမိုကရက်တစ်အင်အားစုများနှင့် ပူးပေါင်းလက်တွဲတောင်ရွက်သွားမည်ဖြစ်သည်။

(၃) ဒီမိုကရက်တစ် ဖက်ဒရယ်ပြည်ထောင်စုတည်ဆောက်ရေးနှင့် စစ်မှန်သော ပြည်တွင်းငြိမ်းချမ်းရေးတည်ဆောက်မှု လုပ်ငန်းများ တွင် ပြည်သူလူထုအနေဖြင့် အင်တိုက်အားတိုက်ပူးပေါင်းဆောင်ရွက်လာရန် ကြိုးပမ်းဆောင်ရွက်သွားမည်။

(၄) ယခုကဲ့သို့ အလားတူ တွေ့ဆုံဆွေးနွေးမှုမျိုးကို လာမည့် ဇူလိုင်လမတိုင်မီ ထပ်မံတွေ့ဆုံသွားမည်။ ´´ ဟု သဘောတူညီချက်များ ဆုံးဖြတ်ခဲ့ကြကြောင်း မဲဆောက်မြို့သို့ ရောက်ရှိနေသော အလွတ်သတင်းထောက် တစ်ဦး၏ ပြောကြားချက်အရ သိရသည်။

အဆိုပါဆွေးနွေးပွဲများကို လာမည့် ဇူလိုင်လမတိုင်မီ မဲဆောက်မြို့၌ ထပ်မံပြုလုပ်သွားရန် သဘောတူညီမှုများ ရရှိပြီးဖြစ်ကြောင်း သိရှိရပါသည်။

ဝေလင်းဦး(မြ၀တီ)