နိုဝင်ဘာလ ၂၄ ရက်၊ ၂၀၁၂ ခုနှစ်။
၂၀၁၂ခုနှစ်၊
နိုဝင်ဘာလ ၂၂ ရက်နေ့၊ နံနက် ၆ နာရီခွဲခန့်တွင် မွန်ပြည်နယ်၊ သံဖြူဇရပ်မြို့နယ်၊ ပငကျေးရွာရှိ
ဦးပန်း ပိုင်ဆိုင်သော ရာဘာခြံအတွင်းသို့ ကောင်းကင်မှ အလျား ၂ ပေ၊ ၆ လက်မ၊ အနံ ၆ လက်မ၊ အလေးချိန် ၄ ပေါင်ခန့်ရှိသည့်
သတ္တုပြားတစ်ခု အသံမြည်ဟီးသံနှင့်အတူ ပြုတ်ကျလာခဲ့သည်။ ၄င်းအချိန်မှာပင် ၀င်ဝယ်ကရာကျေးရွာအုပ်စု
၊ ၀ါးဘိုးတောင်ကျေးရွာ အရှေ့ဘက် ၄ ဖာလုံခန့်အကွာရှိ ဦးစံသိန်း၏ ရာဘာခြံ အတွင်းသို့လည်း
ပေါက်ပြားသဏ္ဍန်ရှိ အလျား ၈ လက်မ၊ အနံ ၆ လက်မခွဲခန့်၊ အလေးချိန် ၄၀ ဂရမ်ခန့်ရှိ အပေါက်
၎ ပေါက်ပါ သတ္တုပြားတစ်ပြားအား ခြံအလုပ်သမား တစ်ဦးမှ တွေ့ရှိသဖြင့် ညနေ ၄ နာရီအချိန်တွင်
သံဖြူဇရပ် ရဲစခန်းသို့ အပ်နှံထားကြောင်းသိရပါသည်။
အလားတူပင်
နေ့လည် ၁ နာရီခွဲခန့်တွင်ပင် သံဖြူဇရပ်မြို့နယ်၊ ဘုရားလေးဆူကျေးရွာ အရှေ့ဘက် တစ်မိုင်ခန့်အကွာရှိ
ကျုံကန်ချောင်းအနီးသို့ သတ္တု လုံးပတ် ၄၃ လက်မခန့်၊ အချင်း ၂၀.၅ လက်မခန့်၊ မူလီ ၄ လုံးစီပါသည့်
သတ္တုလုံး တစ်လုံး ကောင်းကင်မှ ပြုတ်ကျခဲ့ပါသည်။ ၄င်း သတ္တုပစ္စည်းများ သည် ကောင်းကင်ရှိ
အမျိုးအမည်မသိ ယာဉ်တစ်စီးမှ ပြုတ်ကျခြင်းဖြစ်နိုင်ကြောင်း ဒေသခံများက ပြောဆိုနေကြပါသည်။
No comments:
Post a Comment