KIA အဖွဲ့၏ မပြီးဆုံးသေးသော အကြမ်းဖက်မှုများ

ယခုရက်ပိုင်းအတွင်း မန္တလေး-မြစ်ကြီးနားလမ်းပိုင်းတွင် KIA အဖွဲ့၏ မိုင်းခွဲတိုက်ခိုက်မှုများ ပိုမိုစိတ်လာ သည်ကို သတိထားမိခဲ့သည်။ ယခင်က ရထားလမ်း တံတားများကို မိုင်းခွဲဖျက်ဆီးခြင်း ရထားသံ လမ်းများကို မိုင်းခွဲဖျက်ဆီးခြင်းသာရှိခဲ့သော်လည်း ယခုအခါ ညအချိန် တွင် သွားလာနေသော ခရီးသည်တင်ရထားများကိုပါ တိုက်ခိုက် လာတာကိုတွေ့ရှိရပါသည်။
ယခင်က ရထားလမ်းများ မိုင်းခွဲတိုက်ခိုက်တိုင်း KIA အဖွဲ့ မှ ပြောဆိုခွင့်
ရှိသူ ဦးလနန်းမှ အစိုးရတပ်များ ရထားလမ်းကို အသုံးပြုချီတက်လာ သည့်သတင်းကြောင့် မိုင်းခွဲတိုက်ခိုက်ခဲ့ ကြောင်း ပြောဆိုခဲ့သည်။ ခုတ်မောင်းနေသောရထားကို ပထမဦးဆုံးအကြိမ် မိုင်းထောင်ဖောက်ခွဲမှုအဖြစ် (၁-၁-၂၀၁၃)ရက်နေ့တွင် မန္တလေးမှ မြစ်ကြီးနားသို့ တက်လာသော အမှတ်(၄၃)အဆန် ကုန်ရထားအား ဟိုပင်မြို့နယ်ခွဲဘူတာမှ တစ်မိုင်ခန့်အကွာတွင် မိုင်းခွဲတိုက်ခိုက်ခဲ့သည်။ ဦးလနန်း၏ အကြောင်းပြချက်ကတော့ ၎င်းကုန်ရထားတွင် စစ်လက်နက် ပစ္စည်းများ သယ်ဆောင်လာသည်ဟူ၍ အကြောင်းပြသည်။ သို့သော် မိုင်းခွဲ ခံရသည့် ရထားနေရာသို့ ရောက်ရှိသွားသော သတင်းထောက်များ မြို့မိမြို့ဖများနှင့် တာဝန်ရှိသူများ၏ မျက်မြင် သက်သေများ၏ တွေ့ရှိချက်များအရ ၎င်းကုန်ရထားတွင် မည်သည့်စစ်ပစ္စည်းမျှမပါ။ ကချင်ပြည်နယ် အတွက် လိုအပ်သည့် စားနပ်ရိက္ခာများ ဖြစ်နေခဲ့သည်။
ထို့အပြင် (၉-၁-၂၀၁၃) ရက်နေ့ (၁၀၁၅)ချိန်တွင် နဘားမှ မြစ်ကြီးနားသို့ ထွက်ခွာ လာသော ခေါက်ပြန် လော်ကယ်ရထားကို ဟိုပင်ဘူတာနှင့် နန်းခွင်ဘူတာကြားတွင် မိုင်းခွဲ တိုက်ခိုက် ခဲ့ပြန် သည်။ မိုင်းခွဲတိုက်ခိုက်ရာ တွင်လည်း သံလမ်းတွင်ထောင်ထားသည့် မိုင်းပေါ်သို့ မီးရထားစက်ခေါင်းဖြတ် သွားပြီး လူစီးတွဲဖြတ်သည့် အခါကြမှ Remote Control နှင့် မိုင်းကို ချိန်ကိုက်ခွဲခဲ့သောကြောင့် ပါလာသောရထားတွဲများ လမ်းချော်ကာ တွဲအားလုံးနီးပါး မှောက်သွားခဲ့သည်။

မိုင်းခွဲတိုက်ခိုက်မှုကြောင့် ရထားပေါ်တွင် လုံခြုံရေးလိုက်ပါလာသည့် မီးရထားရဲတစ်ဦးသေဆုံးပြီး ခရီးသည် ၅ ဦး ဒါဏ်ရာရခဲ့သည်။ ဒီတစ်ခါတော့ ဦးလနန်း တစ်ယောက် အကြောင်းပြချက် မပေးတော့ပါ။မိုင်းခွဲ တိုက်ခိုက်ခံရ၍ မှောက်သွားသောရထားပေါ်တွင် မည်သည့် စစ်ပစ္စည်းမျှမပါ ကုန်စိမ်းတွေ၊ နွားတွေ၊ ၀က်တွေသာပါသည်။ မိုင်းခွဲခံရသည် ရထားလမ်းချော်သည်နှင့် အနီးအနားရှိ မြို့များမှ သတင်းထောက်တွေ ချက်ခြင်းရောက်လာကြသည်။ သို့သော် KIA ပြောသလို စစ်ပစ္စည်းတွေ မတွေ့ ။ ရထားပေါ်တွင် ကုန်စိမ်းနှင့် နွားတွေ ၀က်တွေ ပါလာသောကြောင့် စစ်တပ်အတွက် သယ်လာသော ပစ္စည်းများဟု KIA အကြောင်းပြမလားတော့ မသိပါ။

အဆိုးဆုံးကတော့ ဇန်န၀ါရီ ၁၃ ရက်နေ့ နံနက် ၃ နာရီ ၁၅ မိနစ်အချိန်ခန့်တွင် မြစ်ကြီးနားမှ ထွက်ခွာ လာသော အမှတ်(၃၄)အစုန် အိပ်စင်အထူးရထား နန်းစီးအောင်နှင့် မော်လူးဘူတာကြားတွင် မိုင်းခွဲတိုက်ခိုက် ခဲ့ခြင်းဖြစ်သည်။ မိုင်းခွဲတိုက်ခိုက်မှုကြောင့် စက်ခေါင်းမှောက်သွားပြီး အခြားတွဲများလည်း လမ်းချော်သွား ကြောင်း သိရှိရပါသည်။ လူစီးအမြန်ရထားကို ယခုကဲ့သို့ မိုင်းခွဲတိုက်ခိုက်ခြင်းသည် ပထမဦးဆုံး အကြိမ်ဟုလဲ သိရှိရသည်။

ယခင်က မန္တလေးမှ မြစ်ကြီးနားသို့သွားသည့် အဆန်ရထားကိုသာ တိုက်ခိုက်ခဲ့သော်လည်း ယခု အခါ မြစ်ကြီးနားမှ မန္တလေးသို့လာသည့် အစုန်ရထားကိုပါ တိုက်ခိုက်လာခဲ့သည်။ မိုင်းခွဲတိုက်ခိုက် မှုကြောင့်ခရီးသည်၁၀ဦးဒါဏ်ရာရရှိပြီး မော်လူးတိုက်နယ်ဆေးရုံတွင် ဆေးကုသနေကြောင်း သိရှိရသည်။

ဤကိစ္စနှင့် ပတ်သက်၍ KIA က မည်သို့ အကြောင်းပြမည်တော့မသိပါ။ ယခု မြစ်ကြီးနား-မန္တလေး ရထားလမ်းကို အသုံးပြုနေသော ပြည်သူများသည် ကချင်ပြည်နယ်သားများ သာမက တစ်နိုင်ငံလုံးမှ လူမျိုးပေါင်းစုံဖြစ်နိုင်သည်။ တိုက်ခိုက်မှုကြောင့် ဒါဏ်ရာရသူများထဲတွင် ကချင်လူမျိုးတွေလည်း ပါသည်။ အကြောင်းအမျိုးမျိုးကြောင့် ရထားနှင့်ခရီးသွားရသည့်ပြည်သူများမှာ မရဏလမ်းကို ဖြတ်သန်းရသလို ဘုရားတရား တနေရသည်။

ညဘက်ခုတ်မောင်းသည့် ခရီးသည်တင်ရထားများသွားလာသည့်အခါ နယ်မြေလုံခြုံရေးအရ ခရီးသည်တင် ရထားအရှေ့တွင် စစ်ရထားတစ်စီးရှေ့မှသွား၍ လုံခြုံရေးလုပ်ပေးသည်။ KIA အနေဖြင့် စစ်ရထားကို မတိုက်ခိုက်ဘဲ လူစီးရထားကို ရွေးချယ်တိုက်ခိုက်နေတာကို စဉ်းစား၍မရပါ။ ဘာဗျူဟာတွေ ဘယ်လို နည်းပရိရာယ်တွေနှင့် တိုက်ခိုက်နေမှန်း ကျွန်တော်တို့ မခန့်မှန်းတတ်တော့ပါ။

ယခု တိုက်ခိုက်ခံရသော နေရာအများစုသည် ကချင်ရွာများမဟုတ် ရှမ်းနီလူမျိုးများနေထိုင်ကြသော ဒေသ များဖြစ်သည်။ ကျွန်တော် ရှမ်းနီပါတီ၏ ကြေငြာချက်ထဲမှ အချက်တစ်ချက်ကို သတိရမိသည်။ ၎င်းအချက်မှာ KIA အဖွဲ့အနေဖြင့် ရှမ်းနီရွာ များအနီးတွင် အစိုးရတပ်များအား ခြုံခိုတိုက်ခိုက်ခြင်း၊ မိုင်းထောင်ခြင်းတို့ဖြင့် ရှမ်းနီရွာများကို အစိုးရမှ အထင်အမြင်လွဲမှားအောင် လုပ်နေသည်ဟူသော အချက် ပင်ဖြစ်သည်။ ၎င်းကြေငြာချက်ကဲ့သို့ KIA ၏ ယခုလုပ်ရပ်က အလွန်နီးစပ်နေ သည်ကို တွေ့ရပါသည်။

အချုပ်အားဖြင့်ဆိုရလျင် အစိုးရနှင့် KIA စစ်ပွဲများဖြစ်ပွားနေသည့် လိုင်ဇာဌာနချုပ်ကို စစ်ရေးအရ ၀ိုင်းပတ်ပိတ်ဆို့ထားသဖြင့် စစ်ဗျူဟာအရ မြို့တွင်းရှိ စစ်တပ်ပစ်မှတ်များကို KIA မှ တိုက်ခိုက်ပါက အပြစ်မပြောလိုပါ။ သို့သော် ယခုလို ကချင်လူမျိုးများအပါအ၀င် ကချင်ပြည်နယ်တစ်ခုလုံး အားကိုး အားထား ပြုနေရသည့် ရထားလမ်းနှင့် ခရီးသည်တင်ရထားများကို ဖျက်ဆီးတိုက်ခိုက်ခြင်းကတော့ လုံးဝအဓိပ္ပါယ် မရှိသော လုပ်ရပ်ဖြစ်ပါသည်။ ထိုအပြစ်မဲ့တိုင်းရင်းသားပြည်သူများ စီးနင်းလိုက်ပါလာသည့် ခရီးသည်တင် ရထားအား ရည်ရွယ်ချက်ရှိရှိ မိုင်းခွဲတိုက်ခိုက်ခြင်းကိုတော့ မည်သူမှ လက်ခံမည်မဟုတ်ပါ။ KIA ကို မည်သို့ နားလည်ရမည် မသိတော့ပါ။ KIA ခေါင်းဆောင်တွေ ဘီလူးစီးနေပြီလား။ မိုင်းထောင်တဲ့သူတွေကရော လူစိတ်မရှိတော့ဘူးလားဟု ကျွန်တော်တွေးမိပါတော့သည်။

မော်လူးသား
ဓာတ်ပုံ - သစ်ထူးလွင်