တောင်ကိုရီးယားနှင့် မြောက်ကိုရီးယား နှစ်နိုင်ငံအလုပ်ရုံအဆင့် ဆွေးနွေး ပွဲများ စတင်

Sunday, 07 July 2013 

မြောက်ကိုရီးယားနှင့် တောင်ကိုရီးယား နိုင်ငံတို့သည် ၎င်းတို့ နှစ်နိုင်ငံကြား အလုပ်ရုံ အဆင့် ဆွေးနွေးပွဲ များကို နယ်စပ်ရှိ ပန်မွန်ဂျုံ ကျေးရွာ၌ ဇူလိုင် ၆ ရက်တွင် စတင် ဆွေးနွေးခဲ့ကြသည်ဟု ယွန်ဟပ် သတင်း အေဂျင်စီ၏ ထုတ်ဖော် ပြောကြားချက်အရ သိရသည်။

အစီအစဉ်များ အရ နှစ်နိုင်ငံ အစိုးရ အဖွဲ့မှ အဖွဲ့ဝင် သုံးဦးပါသော ကိုယ်စားလှယ် များသည် ၎င်းတို့၏ ဆွေးနွေးပွဲ များကို ဇူလိုင် ၆ ရက် ဒေသ စံတော်ချိန် နံနက် ၁၀ နာရီ ၀န်းကျင်တွင် စတင်ခဲ့ ကြသည်ဟု သိရသည်။

ယင်းဆွေးနွေးပွဲတွင် သုံးလကြာခန့် ရပ်ဆိုင်းထားသော ကေဆုန် စက်မှုဇုန်အား ပုံမှန်အတိုင်း ပြန်လည် လည်ပတ်စေရန် မည်ကဲ့သို့ လုပ်ဆောင် ကြမည်ဟူသော အကြောင်းအရာ များကို ဆွေးနွေးသွားမည်
ဖြစ်ကြောင်း ယွန်ဟပ်သတင်း အေဂျင်စီက ပြောကြားသည်။

ဆွေးနွေးပွဲသို့ တောင်ကိုရီးယား ကိုယ်စားလှယ်အုပ်စု၏ ခေါင်းဆောင်အဖြစ် ပေါင်းစည်းရေးဝန်ကြီးဌာန၏ အပြန်အလှန် လဲလှယ်ခြင်းနှင့် ပူးတွဲ လုပ်ဆောင်မှုအဖွဲ့မှ အကြီး အကဲ ဖြစ်သူ ဆပ်ဟို တက်ရောက်ခဲ့ပြီး မြောက်ကိုရီးယား ကိုယ်စားလှယ် အဖွဲ့၏ ခေါင်းဆောင်အဖြစ် အထူးဇုန် ဖွံ့ဖြိုးရေး လမ်းညွှန်မှု အဖွဲ့ချုပ်၏ ဒုတိယ ညွှန်ကြားရေးမှူး ဖြစ်သူ ပါ့ခ်ချိုဆူးတို့ တက်ရောက်ခဲ့သည်ဟု သိရသည်။

မြ၀တီ