Monday, October 21, 2013
သြစတြေးလျနိုင်ငံတ၀ှမ်းမှာ ၂၀၁၂ ခုနှစ်အတွင်း အိတ်ဂ်ျအိုင်ဗီ ရောဂါပိုးကူးစက်ခံရသူပေါင်း ၁၀ ရာခိုင် နှုန်းလောက် တိုးမြှင့်လာတယ်လို့ ဒီနေ့ထုတ် အစီရင်ခံစာသစ်တခုမှာဖော်ပြထားပါတယ်။
ပြီးခဲ့တဲ့နှစ်က လူပေါင်း ၁၂၅၃ ယောက် လောက် အိတ်ဂ်ျအိုင်ဗီရောဂါပိုး ကူးစက်ခံရသူ ရှိတယ်လို့ အစီရင် ခံစာသစ်ထဲမှာ ဖော်ပြထားပါတယ်။ အခုအရေအတွက်ဟာ နှစ်ပေါင်း ၂၀အတွင်း အများဆုံးဖြစ်တယ်လို့ ဆိုပါတယ်။
သြစတြေးလျနိုင်ငံက အေအိုင်ဒီစက် အဖွဲ့အစည်းတွေရဲ့အဆိုအရ အိတ်ဂ်ျအိုင်ဗီရောဂါပိုး ကူးစက် ခံရသူတွေ အများစုဟာ လိင်တူဆက်ဆံတဲ့ အမျိုးသားတွေမှာဖြစ်တာများတယ်လို့ ပြောပါတယ်။ အထူးသဖြင့် အသက် ၂၅နှစ်အောက် အမျိုးသားတွေမှာ ပိုမိုဖြစ်ကြတယ်လို့ ဆိုပါတယ်။
ရောဂါပိုးကူးစက်မှုတွေများလာတာကြောင့် ကွန်ဒိုအသုံးပြုမှုနဲ့ အိတ်ဂ်ျအိုင်ဗီ ဆေးစစ်မှုတွေ ပိုမိုလုပ်ဆောင် ကြဖို့အတွက် လိင်ဆက်ဆံတဲ့သူတွေကို တိုက်တွန်းဖို့ နည်းလမ်းသစ်တွေလို အပ်တယ်လို့ Australian Federation of AIDS Organisations အဖွဲ့က အကြီးအကဲ Rob Lake ကပြောပါတယ်။
ABC
No comments:
Post a Comment